نصيحة

[مشكلتي]

السلام عليكم ورحمة الله وبركاته
حياكم الله
حبيت استشيركم في شيء يخص اختى
اختى عندها 19 سنة مخطوبة عندها 7 شهر من اخ ملتزم والحمد لله وهي ايضا ملتزمة
المشكل هو انو جا خطيبها للدار واجل العرس
لانو صراولو مشاكل مادية وحكا مع بابا وبابا قالو روح راهي ليك حتى لو ماقدرتش تدفع المهر ارواح نمدهالك باطل
هي غاضهاالحال وقاتلو علاه بابا يقول هاكدا نمدهالك باظل ماشي رخيسة هاكدا
هو في الاول قال ندفع 7 ملاين مهر
وهو قمة في الاخلاق وملتزم ماعيينا ننصحو فيها ونقولولها فلكن من غير ائدة غايضتها بزاف لانو بابا ماداش رايها
في قصة التاجيل هادي
وقصة المهر
اليكم الخط خاوتى
انصحوها

[السيدة كرمين]

قلها باباك راح مدك اللي رح يصونك مش قاعد يبيع فيك

ولوكان مشافش فيه الصلاح مكاش قالو هكذا

قلها يابنتي كاين والدين يزيدوا للراجل من عندهم

لأنوا شاري راجل

اياك تغرك الدنيا المهر و مستلزمات العرس تبقى غير ذكرى في راسك

ولا في فيديو العرس لكن الصح في اللي رح تعيشي معاه عمر بطولو


بنتي متقدريش تفكري كيما الرجال لأن منظورهم ابعد من منظورنا احنا النسا


بنتي وش تسناي باباك جاه الراجل مضغوط و...و...و .... محاصر يقلوا استنى نشاور بنتي

لعب ذراري هذا

كيما كان هو صريح معاه ، باباك كان راجل وفحل تع موقف ووقف معاه

وفعمروا الى كان زوجك ولد حلال و يفهم للموقف تأكدي وخذيها مني

رح يعيشك حياتك على راسوا من فوق


ربي يهنيك

[عبد العزيز البدري]

اقول لها الغلاء والرخس لا يقاس بقيمة المهر والنفود مدفوعة الا اذا اكانت ترى انها تبيع نفسها
اما مسالت الاب فهو اراد ان يشترى الرجل لانه وجد فيه الصلاح كما قلتي
انصحها ان تنضر للموضع من الجانب المشرق ولا تكبر الموضوع

[khado586]

بدون تعلييييييييق

[rimana]

شوفي اختي هي نرمال ياك المهم متفاهمين ....مي صح الهدرة تقيس سرتو المخطوبة انا تاني بابا مرات يقول حاجات بنيتو مي هي شوية تغيض صح مي انت ديري روحك نرمال كي شغل مسمعتيش وهادي هي

[** أم عبد الرحمن **]

وعليكم السلام ورحمة الله وبركاته
والله أغبطكم على هذا الأب ما شاء الله ، حفظه الله لكم.
بالنسبة لأختك والله لا أدري ، بما أنها مستقيمة ولله الحمد فذكروها بالأحاديث التي تحثُّ على التقليل في المهور و أنها بذلك تعين ذلك الأخ ويكتب الله لها إن شاء الله البركة في زوجها.
وأظن أنها والله أعلم ربما تقارن نفسها بقريناتها ..فإن كان كذلك حاولوا نزع هذه الأفكار من رأسها.
وإن شاء الله بالنقاش الهادىء تحلّ الأمور.
ومبارك عليهما مقدّما.

[مريم الصابرة]

السلام عليكم اختي اولا ربي يبارك فالاب نتاعكم راجل بمعنى الكلمة وشاري راجل ما يهموهش الماديات ونورمالموا ختك تدي القدوى من باباها وتعاون الراجل هذا وتوقف معاه حتى لو ما عندوش الدراهم تسمحلوا فالمهر هو حقها شرعا مي المال عمروا لكان مقياس للسعادة ومؤكد باباك شاف فهذا الراجل المواصفات اللي خلاتوا يتمسك بيه اما على كلمة نمدهالك باطل عادية بزاف إحنا تنقال عندنا شعال من طفلة اتخطب لشاب فقير يقولوا باباها إديها باطل عادية جدا ما تزعفش ولا تنقص من قيمتها وأما المشاورة باباك رأيو يكفي الراجل ما راهش جاهز والوالد تفهم الوضع ماراهيش جاية يقولوا نشور بنتي هنا الهدرة للرجال ربي يهديها برك نقولها راكي في نعمة الاب والزوج صالحان شكرا لك اختي وفقها الله

[*بن عيسى*]

المشاركة الأصلية كتبت بواسطة مشكلتي

السلام عليكم ورحمة الله وبركاته
حياكم الله
حبيت استشيركم في شيء يخص اختى
اختى عندها 19 سنة مخطوبة عندها 7 شهر من اخ ملتزم والحمد لله وهي ايضا ملتزمة
المشكل هو انو جا خطيبها للدار واجل العرس
لانو صراولو مشاكل مادية وحكا مع بابا وبابا قالو روح راهي ليك حتى لو ماقدرتش تدفع المهر ارواح نمدهالك باطل
هي غاضهاالحال وقاتلو علاه بابا يقول هاكدا نمدهالك باظل ماشي رخيسة هاكدا
هو في الاول قال ندفع 7 ملاين مهر
وهو قمة في الاخلاق وملتزم ماعيينا ننصحو فيها ونقولولها فلكن من غير ائدة غايضتها بزاف لانو بابا ماداش رايها
في قصة التاجيل هادي
وقصة المهر
اليكم الخط خاوتى
انصحوها

أقول لهذه الأخت بأنك لست أحسن من كثير من الصحابيات الكريمات و اللائي كان مهرهن أحيانا خاتما من حديد أو سورة قرآنية و هن الغاليات الشريفات العفيفات .... فإجعليهن عبرة لك يا أختي الكريمة ... و العبرة ليست في قيمة المهر
ألم تعلمي أن بعض النساء تجاوزت أمهارهن 30 و 40 مليون .. و لكنهن لم يبقين في بيوت أزواجهن إلا أياما معدودات ... فواحدة وجدت زوجها سكيرا و مدمنا و الأخرى وجدته مقامرا و زير نساء و الأخرى ديوثا و سارقا و و و و و ......فإحمدي الله على أن خطيبك بهذه المواصفات الجيدة التي ذكرتها
على كل حال كل شئ بالمكتوب و ربي يجيب لي فيها الخير