علبالك بالي بنت الناس راح تكمل قرايتها وتخدم وانت تروح تبطلها

[ورود الشتاء]

السلام عليكم ورحمة الله
بما انو هذا اولموضوع لي نهدر عليه جاد حبيت نناقشكم في موضوع حساس شوي
عقلية الشاب الجزائرية وخدمة المراة قبل الزواج
انا لاحظت في مجتمعنا الجزائري انو بناتنا يتعبو ويجتهدو ويتعبوا والديهم معاهم حتى ينجحو ويتخرجو يبذلو كل جهدهم باش الطفلة تنجح وتتخرج وتخدم وتعاونهم في المصروف ولا حتى ترجع القليل من تعبهم ..................
من بعد الطفلة تتخطب من شاب يتقدم ليها وهي تقرى في الجامعة وعلبالو بالي هي تقرى وتتعب باش تخدم على روحها لانو وقتنا صعيب ياسر لكن الشاب بعد فترة يولي يرفض عليها رايو ويقولها تتخرجي مي متخدميشهنا تولي مشاكل الطفلة تجي مابين امرين يا راجل يا الخدمة كيما يقول هو يا خدمتك يا انا الطفلة تهبل تقول قرايتي منحبسهاش حتى كون واش يكون تبطل على الراجل .............................. ....ولا تتنازل على الخدمة وتتزوج وتولي بطالة كي قرات كي مقراتش وتقعد مسكينة في الدار تكالي لحيوط
انا منعارضش المراة تدي بكلام راجلها ولا تطيعو
مي علاش يارجل علبالك بالي بنت الناس راح تكمل قرايتها وتخدم وانت تروح تبطلها ؟ موضوع للنقاشواختم حاضرة لاي استفسار