موالفين تجيكم هاذ الحالة؟؟

*نآدرة~ · 2012-05-23, 18:42

مساء الخير جماعة الخير
ان شاء الله تكونوا بخير
بغيت برك نسقسيكم،اليوم من لي دخلت للمنتدى ماقدرت نكتب حتى رد،نقرا في المواضيع الواحد بعد الآخر بالصح عاجزة باش نرد
قولولي موالفين جيكم هاذ الحالة والا غير انا تجيني؟؟
وقي رايكم علاه زعما؟؟،منين ماتلقاوش مواضيع مليحة ولا ماتلقاوش الأعضاء لي موالفين تناقشوهم وتردولهم في مواضيعهم ولا على حساب نفسية الشخص في هذاك النهار ولا غير تجي هاذ الحالة هكذا وخلاص؟؟
للعلم مش أول مرة تصرالي شحال من خطرة،وخطرات العكس من لي ندخل للمنتدى وأنا غير نكتب في الردود
تحياتي للجميع

*نآدرة~ · 2012-05-23, 19:58

باينة الموضوع صامط ومايستحقش النقاش

بومزراق يسرى · 2012-05-23, 20:07

لالا أختي " الذرة" ماهوش صامط.......لكن اود أن أوضح في ما يخص موضوعك أنني في بعض الأحيان لا ارد على بعض المواضيع لما اجدها تافهة لكن هذا لا يحصل معي غالبا...تقبلي مروري

عربية الهوية · 2012-05-23, 20:11

ممكن مرات كي نولي كارهة لانني راح نكتب رد زفت كيما المزاج نتاعي
وكي نولي فرحانة كيما درك نولي غي نكتب في الردود
ممكن بسسب الحالة المزاجية لك في ذاك الوقت هذا مكان
مرات حتى اذا اعجبني الموضوع اكتفي بضغط على زر الشكر

*نآدرة~ · 2012-05-25, 09:32

اقتباس:

المشاركة الأصلية كتبت بواسطة بومزراق يسرى

لالا أختي " الذرة" ماهوش صامط.......لكن اود أن أوضح في ما يخص موضوعك أنني في بعض الأحيان لا ارد على بعض المواضيع لما اجدها تافهة لكن هذا لا يحصل معي غالبا...تقبلي مروري

أيا مزية كي مش صامط،شفتكم مارديتوش قلت نروح نمحيه خير
ايه صح كي يكون الموضوع تافه والله ماتعرفي واش تردي وتكتبي فيه
شكرا يسرى لمرورك من هنا

*نآدرة~ · 2012-05-25, 09:34

اقتباس:

المشاركة الأصلية كتبت بواسطة عربية الهوية

ممكن مرات كي نولي كارهة لانني راح نكتب رد زفت كيما المزاج نتاعي
وكي نولي فرحانة كيما درك نولي غي نكتب في الردود
ممكن بسسب الحالة المزاجية لك في ذاك الوقت هذا مكان
مرات حتى اذا اعجبني الموضوع اكتفي بضغط على زر الشكر

ايه انا ثاني تصرالي مرات الموضوع يعجبني بزاف بالصح مانردش نضغط غير على شكرا دلالة بلي عجبني الموضوع
صح ممكن جدا ترجع لنفسية الانسان ومزاجه في ذاك الوقت
عربية الهوية شكرا لك أختي لمرورك الجميل

مريم الصابرة · 2012-05-25, 09:35

السلام عليكم اختي موضوعك يستحق النقاش ليس تافه
اختي انا نرد حتى لو ماكانكونش مليحة لانو نحب نتعرف على الأعضاء وعقليتهم وأيضا نقدر إنو صاحب الموضوع تعب ويتشوق يقرا الردود على الأقل كلمة بارك الله فيك تكفي أما عن الأعضاء موالفة معاهم أو لا ما عنديش مشكل اللي ما نعرفهمش نتعرف بيهم وين المشكل شكرا على الموضوع بارك الله فيك

amina2688 · 2012-05-25, 10:11

السلام عليكم

انا ثاني في بعض الاحيان ما نقدرش النرود والاسباب عادة:

1_الحالة المزاجية فعلا تاثر عليا احيانا وخصوصا اذا دخلت الى منتديات التوظيف هي الاولىلانها تعكري مزاجي

2_اذا وجت نفسي قد ارد رد يمكن يشوشر صاحب المشكل او الموضوع.......اوما نكونش متاكدة منوا

3_ نلقى اعضاء المنتدى كف ووفوا وقالوا كل ما يجب ان يقال .......

.......................................

تقبلي سلامي الحار

محمد جديدي التبسي · 2012-05-25, 11:10

أعاني من هذه الحالة أنا كذلك أختي الدرة
أظنها تعود بالأساس إلى نفسية الشخص وكذا نوعية المواضيع المطروحة فهناك من يرد من أجل الرد وهناك من يعطي الاضافة
لذلك أحب أن أقرا كل الردود السابقة وإن كانت عندي إضافة أضعها

شكرا لك على الموضوع بارك الله فيك

الجليس الصلح · 2012-05-25, 11:41

farid1982 · 2012-05-25, 11:53

بارك الله فيك وأثابك خير الثواب

abdel02 · 2012-05-25, 12:31

سبب ذلك الحالة النفسية...والرغبة في العزلة والوحدة....واحيانا لما نلقاو انفسنا مع ناس (اعضاء) مانعرفوهمش....انا شخصيا نخاف نرد على انسان مانعرفوش ويفهمي خاطيء...واضطر لالغاء المشاركة....

معجزة الاكوان · 2012-05-25, 12:53

انا منردش كنلقى
رد يعبر على الفكرة اللي كنت راح نحطها
المهم درتنا النادرة اتهلاي في روحك
ومتقلقيش روحك مكيش حابة تردي مترديش
احنا نردو في بلاصتك

ترب الندى · 2012-05-25, 13:46

السلام عليكم
انا ايضا كنت ادخل اتصفح و اخرج
في افضل الحالات اضع ايقونه شكرا
لكن اصبحت الان اضع ردودا و اناقس بعض المواضيع
و الصراحه هناك اعضاء مستحيل نرد عليهم ابداااااااااااااا
اما المشكله التي تواجهني الان هي كتابه المواضيع
اخشى ان لا يلقى صدى طيب
ولا اجد من يشجعني
تحيه طيبه

2012-05-25, 14:14

انا تاني تجيني ذي الحالة..