الى الاخت التي طلبت عمار تاع البركوكس

3arbia200 · 2012-01-04, 22:43

اولا نضفي دجاجة كاملة بدون ان تفتحيها كثيرا وتلركيها تقطر من الماء

ثم ضعي في مقلات كمية من كبد الدجاج مع زيت وقليل من الزبدة او مرقرين عندما تتقلى ضيفى البصل مع الثوم مقطع رقيق ومن بعد زيدي راس الحانوت ومن الافضل ان تحضريه بنفسك وهو حرور+ قرفة+سكنجبير+ عرق احمر+كمون+كبابة +كركب+زعغران+جوزة رقيقة تاع فرانسة+جوزة الطيب+قصبر مع معدنوس مقطع رقيق وهده المكونات حسب رغبتكي في الدوق ادا اردتي باه يجيك حار اكثري المواد الحارة اكثر اخليطيها مع الكبد جيداثم اضفي كمية من الزبدة

ويجب ان تحيري كمية من السميد ثم تضعي عليه الخليط الدى حضرته تاع الكبد ثم ضفي كمية من العسل

والان عمري الدجاجة بهاد الخليط ثم خيطيها بام العمار مايتفتتش وماتنسايش باه تخيطيها من الرقبة

ضعيها فى القدر مع البصل المقطع+الجزر +الثوم وكل مايلزم لي مرق البركوكس وعندما يطيب الدجاج وخريه على جنب وطحني الخضرة التي كانت في المرق وبعدها دري البركوكس يطبخ حتى يطيب

قدميه مع الدجاج والعمار ولا تنسي القسبر مقطع رقيق مع راس الحانوت

وشهي طيبة وردي الخبر

طائر النورس مغتربة · 2012-01-05, 18:49

يعطيك الصحة يا بنت وادي ارهيو صراحة اول مرا نسمع بهدا التعمار راح نجربو ان شاء الله

توكل · 2012-01-06, 13:45

الله يعطيك الصحة قولى شحال تدير بصلة والثوم؟؟
والسميد الغليظ تاع المقروظ ولا متوسط ؟ وهل نحمروه
انا امى قالت لى كانو يديروها زمان اما الان قليل الى يديرها
بارك الله فيك

3arbia200 · 2012-01-07, 16:20

السلام عليكم اولا دري البصل تاع العرف يجي بنين اكثر من البصل تاع الحبة وادا ستعماتي بصل العرف دري 2علاف و ادا استعملتي البصل الاخر دري حبة كاملة وحبة ثوم كاملة ام السميد تاع المقروض ولكن حيريه كما نحير تاع المقنتة وشكرا وادا اردتم اي استفسار او اي اكلة اخرة فأنا في الخدمة

توكل · 2012-01-08, 06:06

ربى يجازيك ويعطيك ما تتمنى والعسل شحال كثرت عليك سمحيلى

3arbia200 · 2012-01-08, 22:27

لاياختي طلبكي راحة اما بنسبة للعسل حسب دوقك ادا كنتي تحبه حلو بزاف كثري وهدا حسب رغبتكي لوكانت عندي كميرة واعرف كيف نحطلك الفيديو في البرنامج لاوضعتلك الكيفية

توكل · 2012-01-09, 07:19

ربى يعطيك ما تتمنى
الله يفتحها عليك دنيا واخرة

ريم البادية · 2012-01-09, 23:16

جوزة رقيقة؟؟؟؟؟؟؟ماهي اذا عندها اسم اخر؟

3arbia200 · 2012-01-10, 14:24

جوز الرقيقة هي من التوابل أدهبي عند بائع التوابل وقولي له اعطيني جوز الرقيقة راه غادي يمدلك ولكن من الأفضل اشتري تاع فرانسة فهي اكثر نفعا من التاع الجزائر وهي رقيقة على الحرور ولونها اسود وعندما ترحيها تولي رمادية والرجو ان تكوني فهمتيني

ريم البادية · 2012-01-11, 17:56

شكراااااااااااااااااااا بارك الله فيك وجازاك الله
على الرد وفيتي وكفيتي

3arbia200 · 2012-01-11, 18:11

لاشكر على واجب يااختي الغالية

3arbia200 · 2012-01-13, 10:24

الرجوا من التي طلبت العمار ادا دارت ان تقلي على رايها فيه