اريد كيفية خبز البطبوط من فضلكم

سَلْسَبِيّلْ · 2011-09-26, 23:29

عيشكم شفت اخت حطت موضوع الخبز البطبوط ولكن طلبت منها تفسير مقادير الوصفة واليوم شفتو في المحلات يحشيوه بالكباب والله من كل اخت تعرف ومجربة الوصفة نتاعة تحطلي الطريقة وجزاها الله كل خير

bassamat · 2011-09-26, 23:34

اختى هنادى انتضرينى غدا نديرهولك و نقولك باش تحشيه راه مليح ياسر تصبحين على خير

سَلْسَبِيّلْ · 2011-09-27, 08:15

ربي يبارك فيك بسومة الغالية راني انتظر فيك حبيبتي الف شكر

bassamat · 2011-09-27, 13:11

معذرة
طولت عليك بحكم العمل
العجينة 250 سميد100 فرينة ملح مغرف اكل خميرة الخيز مغرف سكر كاس الى اثنين ماء دافىء
خلطى كلش مع بعضاه و اعجنى و خليه يخمرمدة10 دقا ئق ثم حلى العجينة بالحلال و قطعى دوائر الحجم لى حاباتو انا فى المناسبات او العرضات نديرو بالكاس اما العادى تاعنا نقطعو اكبر شوية ونخليه يخمر للمرة الثانية و نطيبو فى مقلة ما تلصقش او طاجين اذا عندك مدهون شوية
كى يتنفخ نقلبو من الجهة الاخرى
الحشو 1-طيبى الدجاج الاسكالوب مع شوية زيت و ملح فلفل اكحل مغرف موتارد كى يطيب امعسيه وزيديلو علبة تع ياوورت طبيعى و3cornichons

حلى البطبوط فى الوسط و حطى ورقة سلاطة وحطى الحشو نتاعك واذا حبيتى زيدى مغرف مايوناز راه تعطيها طعم الذ

جربى هذه الوصفة ذرك نعطيك الحشو التانى حتى تعودى وحدك تخترعى الحشوات و تبهرى الغاشى راه كاين ياسر

سَلْسَبِيّلْ · 2011-09-27, 13:31

بسومة كفاه يكون التحلال رقيق او خشين اي باي سمك وبارك الله فيك راكي ماطولتيش يارب وينجحلي بسومة الغالية
ربي يغليك ويعليك ويكملك واش في بالك

سَلْسَبِيّلْ · 2011-09-27, 13:43

بسوم
ة
راني مكذبة لكان يصلح معايا بنتي شافتو برا سخفت عليه باه تشريه انا مخليتهاش لانني نخاف من اكل برا يارب ويصلحلي

bassamat · 2011-09-27, 14:21

ان شاء الله ينجحلك راه من المرة الاولى ناجح و الطعمة مانقولكش
و سلميلى على بنتك من عند طاطاها بسمة
ارجوك كى دريه خبرينى

سَلْسَبِيّلْ · 2011-09-27, 17:39

fبسومة يسلمك حنونتي لكن ماقلتيليش قدماه نحلو خشين والا رقيقووربي يبارك فيك

bassamat · 2011-09-27, 18:05

حليه قد السابلى راه يزيد يطلع

سَلْسَبِيّلْ · 2011-09-27, 18:06

شكلرا اختي نشاء الله نجربو

سَلْسَبِيّلْ · 2011-09-27, 18:08

شكرا حبيبتي تعبتك ربي يجازيك

bassamat · 2011-09-27, 19:11

تعبك راححححححححححححححححححححححححححححححححححححححححححة يا العزيزة

سَلْسَبِيّلْ · 2011-09-27, 19:55

كتلتيني بالقدر ربي يجازيك والله مازالت الدنيا بخير

سَلْسَبِيّلْ · 2011-09-27, 21:50

اختاه راني جربتو جاء يهبـــــل في الذوق لكن الطلوع ما طلعليش بزااف رغم انيتبعت الوصفة بالتفصيل المهم شكااا

سَلْسَبِيّلْ · 2011-09-27, 21:56

اختاه راني جربتو جاء راااااااااااااااااائع وااااوبصح ما طلعليش بزاااف بصح جء يهبــــل رغم انني اتبعت الوصفة بالتفصيل