مشاكل البيت أثروا علي نفسيا ...

مشكلتي · 2012-01-03, 18:32

سلام الله عليكم و رحمته
و الله معنديش ليمن نفرغ قلبي غير ليكم نورو بصيرتي النصائح الدهبية ارجوكم
انا فتاة جامعية 25عام انا الوحيدة بين ثلاث دكور و انا اصغرهم حياتي الدراسية مقبولة و حياتي المالية مليحة يعني من هد الجوانب معندي حتي مشكل يعني خالية من المشاكل لكن عائلتي و بيتي مليء بالمشاكل لدرجة لا يتصورها عقل كل يوم مشكل و كل يوم صراخ ووووووو انا معنديش ليمن نشكي و ليمن نفضفض نخلي كلش في قلبي و حتي نقنط و منقدرش نبكي والله حاسة روحي بلي عندي اكتئاب كبير و عندي وسواس قهري يعني وليت نتوسوس من خيالي حتي و من المكابة الي نعيشها وليت اي حاجة ضرني نوسوس منها وليت نبقي مع راسي و نوسوس روحي اني متاكدة بلي منيش مريضة باي مرض عضوي لكن الوسواس يخليني نقول بلي مريضة كل الامراض
و نحط الاعراض الي نحس بيها و نربطها مع اعراض اخري و نقول اني مريضة مثلا بالقلب عفانا الله و ايكم
اني راحة تجيني جلطة
اني راحة نموت في اي لحظة
اني عندي ربو
اني هكدا و الله الوسواس راهو قاتلني امس قنطت و قلقت في الليل و حلمت باضغاط احلام و كوابيس و حلمت كاني بصعوبة نتنفس نضت مخلوعة ولقيت روحي بسيف نتنفس و نسعل بقوة و حسيت باحساس غريب جدا حتي قلت اني راحة نموت واليت نشهد و نستغفر حتي هديت و رتحت و درك رحت كتبت الشي الي حسيتو و ربطتو باعراض النوبة القلبية
و الله انب عمبالي اسباب كل الي نحس بيه راه القلق الي عايشتو في الدار بسبب المشاكل بين امي و ابي الي وةصلت لحد التفكير في الطلاق مع انهم كبار في العمر و بين مشاكل اخي الي مزوج في السر و عندو طفلة و واحد لاعلابالو يعني هازة حمل تقيل علي قلبي و بين و بين يعني مشاكل لا توصف و تحتمل فما بالك عايشتها و حاملتها وحدي و بيني و بين نفسي انجدوني خففو عني نورو بصيرتي انصحوني الله يجزيكم كل خير و الله تعبت من كثر المشاكل الي اثرت علي صحتي بزاااااااااااااااااااااااااااااااااااااااااااااااا اااااااااااااف بزاف حاسة و كاني محتاجة لطبيب اعصاب او طبيب نفسي
و المشكل اللاكبر اني منقدرش نشكي لامي نخاف عليها اكثر و اكثر نخلي في قلبي كلش

مريم الصابرة · 2012-01-03, 19:52

السلام عليكم أختي علاش عليك هذا العذاب المشاكل نتاع الدار صح صعاب ويأثروا على نفسيتنا مي ختي لازم تخمي في روحك إنت قارية الله يبارك ومافيك حتى مرض من غير اللي راكي تتوسوسي منوا يعني مشاكل البيت أهون بزاف من اللي ممكن يصيبك بعيد الشر عليك لازم تكبري قلبك ويماك وباباك راهم كبار وهم ادرى بمصلحتهم وخوك هو المسؤول على تصرفاتوا إنت حاولي تعاوني بالخير كان ماكانش فايدة إدعي ربي يهديهم لازمك تخمي في حياتك وفي تكوين عايلة خاصة بيك وصلي وإدعي لربي ربي يكون معاك ختي وإن شاء الله الوسواس اللي في بالك يروح بالصلاة والدعاء ندعولك ربي يكون معاك ويبعد عليك الهم والغم

دعاء شيماء · 2012-01-04, 09:43

شوفي اختي متحملش قلبك اكر من طاقة
الدار ديما مشاكل
لازم تديري في بالك انك لستي السبب فيها
ولكن ان استطعت تصيحح وضعيات راكي تشوفي بلي راهي غالطة اكيد راح تحسي بلي درتي حاجة وراح تريحك
لازم تتقربي من امك وتخليها صديقتك واي حاجة تقلقك احكيلها بطريقة غير مباشرة باش تساعدك
والوسواس نحيه بالتفكير بالامور الايجابية.وهذي الامور تكون من عندك انتي
لازم تديري هدفك في الحياة وعمرك مثل عمري
انا نقولك انا كنت كيما انتي لكن حددت هدفي وهو اني نكمل الدراسة ونخدم اما المشاكل اليومية كنت نحاول نحلها بطريقة غير مباشرة
اكيد راح تلقاي مبتغاك
استغفري الله دائما لانك في امتحان والله يختبر القلوب ومدى صبرها
اذا كانت حياتك اصبحت تحدي فلماذا لا تتحديها

setif1990 · 2012-01-04, 16:18

اكثري من الدكر والصلاة

douda21 · 2012-01-05, 22:39

اقتباس:

المشاركة الأصلية كتبت بواسطة setif1990

اكثري من الدكر والصلاة

ربي يفرج الهموم و يسهل الاحوال و يفرجك همك امين يا رب العالمين

koryou · 2012-01-06, 19:11

بالإضافة إلى ما قالولك من قبل انصحك بأخذ الامور ببساطة والله جربتها وارتحت بسطي كل شي حتى لو تهدمت جدران البيت من الصراخ والعويل ابتسمي ارتفعي طالعي الكتب اخرجي للاستجمام سافري ان كان بالإمكان إلى أقاربك
وادا جاءك زوج مناسب عموما فاستخيري واقبلي ولا تكثري الشروط
استعيني مثلا بتعلم اللغة الانجيليزية اشتري سيديات اشتري كتب مطالعة احكي مع صديقتك المفضلة والحوار هو افضل طريقة
المهم كل هادي الدنيا والمشاكل والصراخ والعويل مادا مادا هي لاشي
خديها مأخذ الهزل وانسي واستقبلي كل يوم جديد بأمل جديد وعزيمة جديدة
وتأكدي أن الله سيغير من حال الى افضل حال
الى اللقاء
ملاحظة : انا لا ادخل للمنتدى كل يوم فمن كان يرجو النقاش فليرسل رسالة خاصة او الى الايميل

جيهان13091991 · 2012-01-06, 22:49

يا اختي واش راح ديري هاذو هوما العائلات , قالولك الاخوة و انا ارى انهم احسنو النصح نحي من بالك نقولك حاجة ديري الاغاني في بورتابلك و الافضل قرآن هوما يتقابضو و نتي اسمعي القرآن بصوت عالي من جهة ماتسمعيش لاعيات و من جهة أخرى تنحي الوسواس و ربي يخرجك من هاذ المحنة صح المشاكل يؤثرو على النفس تاع الانسان

djfr · 2012-01-07, 16:30

ربي يكون معاك
ان شاء الله