في ما يخص الخدمة الوطنية والإعفااء

kasoft2008 · 2012-01-12, 17:03

السلام عليكم ورحمة الله وبركاته

قمت بالفحص الطبي في مكتب الخدمة الوطنية , والأن راني نتمشى بالسورسي يموت في 31 ديسمر 2012
وفي 5 جانفي2012 تحصلت على ديبلوم تقني سامي ممكن ندير إرجاء التجنيد ؟؟؟؟
ثانيا: هل يمكنني أن يستقبلوا مني ملف بللي مانشوفش مليح ويعطوني ريفورم ؟؟؟
إن كان نعم واش ندي معايا في الدوسي ؟؟

riadh génie civil · 2012-01-12, 17:09

ايه ان شاء الله يعطوك منا ل 10 مارس
تدي معاك فوتو كوبي لاكارت
فوتو كوبي سورسي
سورسي لقديم
لاكارت ناسيونال

h4ni · 2012-01-12, 17:09

راه عندك تأجيل لا؟
ما نضنش يقبلو الدوسي لأنك جوزت لافيزيت و لقاوك مؤهل

riadh génie civil · 2012-01-12, 17:10

ماعليش تقولي تفاصيل تاع لافيزيت !!!!!

kasoft2008 · 2012-01-12, 17:24

اقتباس:

المشاركة الأصلية كتبت بواسطة h4ni

راه عندك تأجيل لا؟
ما نضنش يقبلو الدوسي لأنك جوزت لافيزيت و لقاوك مؤهل

نهار بغيت ندير لافيزيت فوت عليا الطبيب العسكري وعطاوني ورقة قالولي روح فوت عند طبيب الصدر
مامشيتش نفوت بعد شهرين جاتني جاتني لوردابال 1 ودرت السورسي إلى حد الأن راني نتمشى بالسورسي

h4ni · 2012-01-12, 17:31

اقتباس:

المشاركة الأصلية كتبت بواسطة kasoft2008

نهار بغيت ندير لافيزيت فوت عليا الطبيب العسكري وعطاوني ورقة قالولي روح فوت عند طبيب الصدر
مامشيتش نفوت بعد شهرين جاتني جاتني لوردابال 1 ودرت السورسي إلى حد الأن راني نتمشى بالسورسي

طفرت فيك
مانيش حاب نفشلك, مي باش يديرولك كونتر فيزيت لازملك معريفة كبيرة
و مام اذا ما تشوفش مليح يقولولك مقبول

kasoft2008 · 2012-01-12, 17:52

اقتباس:

المشاركة الأصلية كتبت بواسطة h4ni

طفرت فيك
مانيش حاب نفشلك, مي باش يديرولك كونتر فيزيت لازملك معريفة كبيرة
و مام اذا ما تشوفش مليح يقولولك مقبول

هههه أصاحبي مانشوفش مليح مجموع = 12/20
باش ندير كونطر فيزيت واش لازم ؟؟

h4ni · 2012-01-12, 18:03

اقتباس:

المشاركة الأصلية كتبت بواسطة kasoft2008

هههه أصاحبي مانشوفش مليح مجموع = 12/20
باش ندير كونطر فيزيت واش لازم ؟؟

ياو كون تكون 9/20
هذي مشاركة أحد الأعضاء

اقتباس:

المشاركة الأصلية كتبت بواسطة وتر الأمنيات

ياخويا انا ناقص نظر حيث ناقص 7و6 درت كونتر فيزيت في عنابة ... خزر فيا الطبيب قلي روح مقبول بلا ما يدير اي كشف ....خرجت مسلم مكتف كي سقسيت علاه قالولي بلي الجامعي مايفرطوش فيه حتى ولا كانت عندو امراض كيما هذه هههههه يحشولنا ... اما حالتك فلا ادري واتمنى لك عكس ماحدث لي ....

بالنسبة للكونطر فيزيت الله أعلم
اسأل في مكتب التجنيد

hamza zizou · 2012-01-15, 19:36

السلام عليكم ورحمة الله
يا اخى الكريم ممكن جدا انك تتحصل على الاعفاء.. لكن على حسب المدرسة اللى يوجهوك اليها ..

hamza zizou · 2012-01-15, 19:44

صدقنى يا اخى الكريم اسهل حاجة انك تخرج من الخدمة الوطنية ...يقولولك الجامعى ما يفرطوش فيه ماكانش منها .....الكشف الطبى الاولى ماتقيسش عليه المهم كي تروح للمدرسة اللى تدرب فيها...اتصل بيا انا نفهمك كيفاش الدير...وان شاء الله تدي العفو......
{ ومن يتوكل على الله فهو حسبه }

khiro08 · 2012-01-15, 20:32

اقتباس:

المشاركة الأصلية كتبت بواسطة kasoft2008

هههه أصاحبي مانشوفش مليح مجموع = 12/20
باش ندير كونطر فيزيت واش لازم ؟؟

لكان معندكش معرفة متقدرش دير كونتر فيزيت

راح يقولولك كي تروح للكزارنة لي راح تفوت فيها العسكر اديلهم الدوسي نتاعك

يعني متقدرش ادير كونتر فيزيت حتان كي يبعثولك للعمين

أخوكم الصادق · 2012-01-15, 21:10

كي تورح تعقب أنت وزهرك في الطبيب تاع الثكنة لي بعتوك ليها، لكان رايح تروح لازم تدي معاك دوسي صحيح.

سجّل أنا جزائري · 2012-01-16, 00:49

السلام عليكم حاب نسقسيكم على الاعفاء اسكو نقدر نديه بملف طبي لاني عندي نقص فالعين اليسرى 5 من 10 للعلم انني مسجلتش ومادرتش لافيزيت وهوما مارسلوليش من مواليد 1989 وكملت لقراية في 2011 وذكر وحيد للعائلة
وكأقل حاجة نقدر ندي سورسي ؟ بارك الله فيكم ويعطيكم الصحة