دراسة لبعض الأمثال الجزائرية >> أرواحو صححولي الأفكار

نعمة القدوس · 2011-12-20, 15:49

السلام عليكم ورحمة الله تعالى وبركاته

أحبائي إخوتي أعضاء الجلفة ،،

قبل أن أبدأ ثرثراتي أحييكم وأسألكم عن أحوالكم وأحوال العطلة معكم

زعما زعما هههــــ

المهم ،، اليوم زعما قررت نحل الكراس تاع الــــــعربية باه ندير الواجب
مالا درت الثلث تاعو برك [ برك .. برك ]

وحبيتكم تشوفوه ،، وتصححوه، ولكان عندكم أفكار تضيفوهالي

واللي هو على دراسة بعض الأمثال الشعبية الجزائرية بطريقة أدبية
والأهم هو إظهار الصفة التي ترتبط بها مع البيئة الجزائرية وكذا إظهار الجمالية فيها

المهم ،،

أنا درت شوية من الأمثال [ مع أن الأستاذة طالبتنا بواحد برك ]

وحبيتكم تشوفوهم وتقولولي رايكم

وكذالك ربما تستفادو منهم شوية [ ماتدرييـــــــوش ]

مانطولش عليكم ونعطيكم الرابط باه تحملووو ..

راهو ملف بصيغة pdf

تفضلوو ..

https://www.mediafire.com/?vc0g1pwb7uroibs

والسلام خير ختام ..

كانت معاكم .. نعمة اللي ماتهدرشـــ بزآآفــــ >> أكدولي على ماتهدرششـــ

mac_tnis · 2011-12-20, 15:53

محجوووز ~ حتى التحميلـ !!

عجبتني الثرثرة تآعكـ ~ يآ ودي الموضعـ !!

هههـ لي عودة

نور العلى · 2011-12-20, 15:57

ملاحظة الطعام يقصد به الاكل بصفة عامة على ما أظن وليس الكسكس فقط والله اعلم.
امثلة رائعة يا نعمة يعطيك الصحة عجبوني بزاف و كاين اللي ما نعرفهومش اول مرة نسمع بهم و تحليلك ليهم كان رائع شكرا و راني درت عليهم نسخة رغم ان قمن ب هذا الدرس ولكن من شدة انبهاري بهم .
شكراااااااااااااااااااااك.

mac_tnis · 2011-12-20, 16:01

علاشـ مآ درتيش علاقة الأمثلة
~~~
بالنظريآت الفيزيآئية ؟

سآجدْ للهْ · 2011-12-20, 16:03

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

ههههههه عجبني الاول مليخح بزاف

لي فاتاتو الهدرة يقول سمعت ولي فاتاتو الماكلا يقول شبعت هههه

" اللي فاتو الكلام يقول سمعت.. واللي فاتو الطعام يقول ش بعت "

وكذا السجع في سمعت وشبعت. ههههه

الامثل الجزائرية خاصة كلها فريدة من نوعهــــآآ ......

راهم ملاح..وخاصة الاول ههه

بالتوفيق لكــ

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

بن زرام · 2011-12-20, 16:04

اتضر ..................

بن زرام · 2011-12-20, 16:04

أمثال شعبية جزائرية تستعملها الكنات و العجايز حتى يغيضو بعضهم
السلام عليكم و رحمة الله وبركاته اتيت لكم اليوم ببعض الأمثال الشعبية الجزائرية التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس حطابة ) طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
و انا راح أعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) يعني ... ماراح اقول المعنى اخليها فزورة واللي يلقى المعنى ماراح ياخذ و لا فلس

mac_tnis · 2011-12-20, 16:08

المسلوخة تضحك على المذبوحة و المقطعة شبعت عليهم ضحك

هههههههههههههـ طحت من الكرسي بالضحكـ خخخخخخخخــ

looooooooooool

بن زرام · 2011-12-20, 16:13

اقتباس:

المشاركة الأصلية كتبت بواسطة mac_tnis

المسلوخة تضحك على المذبوحة و المقطعة شبعت عليهم ضحك

هههههههههههههـ طحت من الكرسي بالضحكـ خخخخخخخخــ

looooooooooool

انها تنتشر في الغرب الجزائري

صحيح انها مضحكة لاكن ليس لمن تقال له

نعمة القدوس · 2011-12-20, 16:17

اقتباس:

المشاركة الأصلية كتبت بواسطة mac_tnis

هههـــ،،

بالصح والله مافهمت ورا العبارة تاع [ عجبتني الثرثرة تاعك ] !!

في انتظار التفسير ..

وشكرا على المروررر

بن زرام · 2011-12-20, 16:18

1 صاحبك الا صاحبك في الشدة اما الناس الاخرى كلهم بعروضهم
2 البلاء اذا جاك من جناحك قصو
3 الي ما رضى والديه لا خير فيه
4ابكي يا قلبي على الي ماتو و متبكيش علي فارقك في حياتو
5 كل خنفوس في عين امه غزال
6 العمشاء ( اللتي لها سوء نظر) في بلاد العميان حسنت الانظار
7 كبر الراس للدبارة وكبر الساقين للخسارة
8 خنفساء تلهيني ولا غزالة تشقيني
9 كان حي مشتاق تمرة عندما مات علقول عرجون
10 لسانك صنتو صانك خنتو خانك
11 الي لسع حنش اخايل الحبل
12 الي في بطنو التبن اخاف من النار
13 عندما تتعمر البطن تقول للراس غني
14 اسمع للكلام الي بكيك ومتسمعش للكلام الي ضحكك
15 فرط في كل اصحابك الا صاحب ابوك متفرطش فيه
16 ما يبقى في الواد الا حجارو
17 اشتري الجار قبل الدار
18 الي ما ذاق المر لا يعرف قيمة الحلو
19 الزين ما اعمر البيت
20 الي ماهو ليكك غير اعييك
21 الي خلص دينو شبع
22 تبع الكذاب الى باب الدار
23 خوك يمضغك لاكن ميبلعكش
24 جاك لبلاء ياغافل
25 ساعة القضاء ليه غفلة
26 حوت ياكل حوت وقليل الجهد اموت
27 ربي يخلف على الغابة و لايخلف على الحطابة
28الحمام المكسر الجناح ينزل على البر الخالي
29 حل الصرة(الكيس الصغير) تلقى خيط
30 الكلب اذى نبح ماعض ما جرح
31 كدس( كومة)حجار ولا سوء جار
32 الطعام لمليح يستاهلو النفاع
33 الطماع ابات اساري (يمشي ليلا )
34 الفاهم يفهم بالغمزة والحمر يفهم بالدبزة(اللكمة )
35 اللي يزرع الريح يحصد غبارو
36الجديد حبو والقديم لا تفرط فيه
37لاتضرب الكلب حتي تعرف صاحبه .
38أريني صاحبك اقول لك من انت .
39حكمة بلا شيخ ما تتعلمها .
40اسال مجرب و لاتسال طبيب

يُوسفـہ · 2011-12-20, 16:19

ما عندك ما تزيد راهم فالمستوى

بن زرام · 2011-12-20, 16:20

**ارسل دينارك و اقعد في دارك**
-اي استعمل دراهمك رسولا تقضي حوائجك و يضرب في استعمال المال لقضاء المصالح و ليس قصد الرشوة.

**بيت الرجال افضل من بيت المال**
-لان الرجال ياتون بالمال و المال لا يصنع الرجال و الرجل هنا ليس بمعنى الذكر و انما الرجل صفات قيم و شهامة و نبل و جود..

**الجيعان لا تغني له و العطشان لا تصفر له**
-بمعنى صاحب الحاجة يطلبها دون اغراء او اشهار لها و يضرب في الحاجة و النيات و الاعمال
لو كان حراث يحرث وطنه.....
و يضرب في ازدواج الشخصية عند البعض و الظهور بمظهر التفوق بينما الحقيقة غير ذلك

**جيتي للحايرة تسحر لك**
-اي من يرغب في المساعدة عليه باللجوء الى العارفين و القادرين على ذلك و يضرب في باب عدم الاختصاص في الشئ و الخطا في القصد و المقصود

**حوتة و مطلية بالزيت**
-اي كتير التملص و الدهاء و يضرب في باب الحيل

**الحنين يورث**
.-اي ان الودود و العطوف نحو الاخرين يملك ماعندهم كانه وريثهم و يضرب لاظهار قيمة المعاملة الحسنة

**حوحو يشكر روحو**
-و يضرب في من يزكي نفسه و المفروض ان الناس هي التي تشهد على المرء و خصاله الحميدة

**الحديث قياس فيه الفضة و فيه النحاس**
لان الكلام مقسم بين جيده و رديئه كما تقسم المعادن بين الذهب و الفضة و غيرها و المرء مخبوء وراء لسانه كما قال علي كرم الله وجهه

**الحوت يعوم في الماء و النساء بلا ماء يعومو**
-يبرز المثل مكر النساء و كيدهن..و يضرب في سلوكيات المراة

**خذ الكذاب بالنسيان**
-تقام الحجة على الكاذب اثناء نسيان حديثه عند تكراره

**خالط العطار تنال الشموم و خالط الحداد تنال الحموم و خالط السلطان تنال الهموم**
-يبين المثل فوائد المخالطة و اضرارها وفق كل حالة

**ديرها في النية و ارقد في الثنية**
-اي ضع الامور في اطار النيات الحسنة و نم قرير العين و لو في الخلاء و يقصد بالمثل من توكل على الله وكانت نيته حسنة يكون في مامن

**الزين زين زين بلا شباح**
-اي ان الشئ الجميل لا يحتاج الى تزيين و يضرب في جمال المرء و شخصيته و مواقفه

**اللي دار دايرة مادارش و اللي دار زوج ماخلاش**
-اي الذي فعل فعلة قبيحة مرة واحدة معذور اما الذي كرر ذلك فلم يترك مجالا للعفو عنه و يقصد به ان تكرار الجرم يستحق العفو و الصفح و يضرب في المعاملات و العقوبات

--------------------------------------------------------------------------------
**اخرى:

**اذا كنت جميل استر روحك على العين ، واذا كنت قبيح استر روحك على الفضائح**
( ويقصد قبح الاخلاق لا المظهر).

**ارني صاحبك اقول لك من انت**
.
**حكمة بلا شيخ ما تتعلمها .**

**اسال مجرب و لاتسال طبيب **

**أخدم باطل ولا تقعد عاطل.**

**الحمار حماري و أنا راكب من اللور**

**الزعاف يخرج السر.**

**الفم المزموم ما يدخله الذبان.**

**اقصد الدار الكبيرة لا ماتعشيتش تبات دافي.**

** الجار قبل الدار.**

**كم من قبة تنزار ومولاها في النار.**

**عام يكثر التبن يكثر اللبن.**

**الكبش ينباع بجزته.**

***الي ماهوليك يعييك.**

***حماري ولاعود الناس.**

**قد ماتكبر العين الحاجب فوقها.**

**اللحم يجىء الي ما عندوش اسنان**

**خير الجار قبل الدار

بن زرام · 2011-12-20, 16:21

لقد قدمت لك مجموعة من الامثال الجزائرية

نعمة القدوس · 2011-12-20, 16:23

اقتباس:

المشاركة الأصلية كتبت بواسطة نور العلى

بالنسبة لملاحظتك ،،

أختي الصغيرة تاني قالتهالي ،، وأنا شعلت فيها عععع

بالصح يا أختي نور العلى ،، ياخي العاصميين يقولو للكسكس الطعام ؟؟ ولا راني غالطة ؟؟

أنا حبيت نديرها بهاد المعنى باه نربطها بالبيئة الجزائرية ،، مناه هذاك هو المثل الوحيد اللي لقيتو عندو علاقة ..

وشكرا لك أختي على شكرك إياي هههه

راكي طلعتيلي الموورال

وسعيدة أن عملي أعجبك ،، ان شاء الله يعجب الأستاذة تاني >> ياربي ياربي

وتاني شكرا على عمل نسخة للملف عندك ،، ان شاء الله تفيدك .. وشكرا على مروورك تاني يا الزينة ..