امر يحيرني

[مشكلتي]

السلام عليكم
انا فتاة ادرس بالثانوية ولدي امر في البداية لم يعنيلي شيء ولكن في هاد الايام بدات تخدملي
في مرة كنت خارجة من الثانوية على 17.30 وكان جو ممطر انا ولبنات كا لعادة وانا نمشي سمعت واحد يناديني وكان راكب في سيارته في الاول ما عرفتوش حتى قاتلي صاحبتي هذا جوارينكم تفكرت قالي نوصلك قتلو لا نروح انا وصديقات وفعلا هو راح لبنات جاتهم عادية قاللو من يعرف خاوتك وقاع قال نوصلك يعني في طريقو وانا تاني اديتها بحسن نية
ولكن هاد الفتى يعرف مليح خاوتي وعارفني من المستحيل نركب معاه وزيد فايت 3 سنين ولا اكثر ماشفتوش ماعلاباليش حتى بلي دار لوطو بالاك هو يشوفني جايز ... ولكن انا قلت علاه قالي هكدا وهو يعرف عقليتنا مليح يعني..............؟؟؟؟؟؟؟ وزيد مرة بالصدفة شفتو عند المدرسة ولكن قلت يمكن وحدة من اقرباءه تقرا تم






اريد وجهة نظركم ؟؟؟؟؟

[ناصرالدين الجزائري]

نصيحة اختي ..
من حسن اسلام المرء تركه ما لا يعنيه ...

فما يفعله ذلك الشخص لا يعنيك و لا تحاولي البحث عن نواياه ..
عليك فقط التقيد بمبادئك ..
هذا ما أظن و الله أعلم ...

[- بصمة خير -]

بالاكي تهدري معاه مرة اخرى

و اذا كان يحوس على حاجة شريفة راهو يجي لدار باذن الله

و لكن واش راهو يحوس هذه ماعلابليش بيها مانيش هو

ربي يوفق و صلو عليه

[نجمة ساطعة]

انسي الامر تماما لا تتذكريه الا عندما تأتي والدته
الى المنزل و في يدها علبة حلويات غير ذلك
نصحية سي خرطي

[رزان.]

أختي هناك احتمالين بما أنه يعرف عقليتكم ممكن حاب يتأكد و طبعا باستعمال أي طريقة حتى يثبت للجميع العكس أو ممكن راه ناوي الحلال و راه يجرب المهم عليك التقيد بمبادئك كما قال الأخ الفاضل ناصر الدين الجزائري و حافظي على سمعتك و شرفك و اهتمي بدراستك وفقك الله آميـن

[نورة مروان]

ياخي يعرف خاوتك و داركم ايلا حب كاش حاجة راهو يعرف الدار و نصيحة نحيه من بالك و ماتفكريش فيه

[مريم الصابرة]

السلام عليكم أختي نوايا الناس ما تبانش إلا بالمعاشرة وظيد تبقاي تحوسي تفهمي علاه هذي وعلاه هذي راكي تلقاي روحك تفكري فيه واللي يجبك يجي للدار يهدر مع أهلك ما يهدرش معاك إنت أصلا نصيحتي ما تقيميهش وميم قالك نوصلك خليها في حسن نية وما تخميش فيها ربي يوفقك

[محمد1482]

ان بعض الضن اثم
كان حاب يدير فيك خير برك ..................... وقوفه امام الثانوية لا يعني انه ينتظرك انت بذات

[khado586]

win rah lichkal yak hadak nhar djaz wkhlas khalik man had lwaswas salaaaaaaaaaam