من هو الشجاع ليناقشني؟؟(( المرحاض موضوعي اليوم ))

[thorpe]

السلام عليكم


اهلا بكم اخواني اخواتي

اليوم موضوع سيكون للشجعان والشجاعات


هو ليس بالمخالف او ماشابه لكنه جريء بعض الشيء ويطرح امر واقعي لطالما لاحظناه

اوكي

اخواني بصراحة غالبا ما نعتز بانتمائنا الى الجزائر وغالبا ما نتغنى بتاقليدنا ولهجتنا الدارجة

لكن هناك بعض الامور لا نود ان نتحدث فيها واذا ذكرناها استعملنا لغة اجنبية

فعلى سبيل المثال حين تكون في مدينة اخرى وتريد قضاء حاجتك

فتسال اي شخص من تلك المدينة وتقول له

(( وين بلاصة اقرب توالات عمومي؟؟ ))

تدخل لمقهى وتساله

(( وين جا الفيسي تاعك خويا ؟ ))

وتتعدد التسميات
بينما للمرحاض تسمية جزائرية عادية وليست بالعيب

لكن لماذا نرفضها ونريد اختيار تسميات اجنبية لهذا الشيء مع ان لدنيا اسمه في قاموس اللهجة الوطنية

انا اعرف انكم ستقولون ان كلمة توالات او فيسي مشات مع اللهجة واصبحت متداولة

لماذا ؟؟

مثلا كلمة (( مارطو ))اي (( المطرقة )) لا توجد في اللهجة الجزائرية لهذا نستعملها
والعديد من الكلمات الدخيلة على لهجتنا

لكن لماذا نريد محو كلمة موجودة ؟ وربما كثير من الامور التي لها تسميات جزائرية

لكننا بحيائنا الغريب نريد محوها وترسيخ كلمة اخرى فرنسية


الرسول صلى الله عليه وسلم كان يعلم الصحابة كل الامور

ونحن اصبحنا اليوم نخجل حتى بذكر اسم لشيء نقصده
بل واننا نحاول مسح كلمة في ثراتنا ومن قاموسنا لنستبدلها بكلمة اجنية لها نفس المعنى


والله انا حائر

يعني كي تقول (( بيت الراحة او التواليت ماهو الفرق ؟؟ ))

ناقشوني


وجازاكم الله كل خير
اخوكم حسين thorpe

[ryyyma]

يعطيك الصحة أخ حسين على الموضوع الجريء

أنا أيضا أتساءل علاش الناس لي يلعبوها معرّبين تلحق لهاد الكلمات يقلبوها فروسني؟؟
يا تكملها عربية من الأول و إلا أقلبها فرنسية من الأول

ولا كين لي يحشم بيها كي بالعربية كي بالفرنسية ألوغ يقوللك
"وين جاي لي سانيتاغ؟؟
حدد يا خويا رايح للمرحاض ولا للدوش؟

يقوللك نحشمو
و تحشم بليتوالات حاشاكم؟؟

ياك ماشي حاجة لي يستعملها فئة معينة من الناس
كامل العباد يستعملوها

لكن حاجة روماركيتها يا خاوتي
أننا ولينا نحشمو بالأمور العادية
أما الأمور لي لازم نحشمو بيها ولينا نشيعوها

و شكرا أخي على الموضوع
تحياتي

[أحلام سرمدية]

السلام عليكم
ان الخجل من اللهجة المحلية هي احدى اكبر المصائب والاخطار التي تواجهنا اليوم
فنرى ان البعض يغير بعض الكلمات من ولاية الى ولاية
ويغير اللهجة كليا اذا ما سافر لبلد اجنبي
ان هذا الموضوع اليوم اصبح يشكل خطرا على لهجتنا كجزائريين
والحلول له شبه غائبة
في انتظار رؤية الاعضاء ووجهات نظرهم

[سفيان القاسمي]

السلام عليكم
كيف حالك أخي حسين
مشكور على الطرح
لم تبق الأمور محصورة في مثل هذه الكلمات فقط

الغريب من هذا كان عليك أن تسأل :
من الجريئ الذي يتكلم بالعربية الفصحى في الطريق؟؟؟؟؟

والله أصبح شباب اليوم يحسب نفسه مثقف إذا تكلّم بالفرنسية أو الانجليزية

أما لو تكلّم بالعربية فإنّه متخلّف ويضحك الناس عليه ؟؟؟

منذ متى أصبحت الأمم تتخلّى عن لغتها
عدا الشعب الجزائري ؟؟؟؟

لهذا بقينا في الحضيض؟؟؟؟

وو الله إنّ لهذه الدعوة أيدٍ خفية حتّى تطمس شخصية الجزائري بدأً:
يكره لغته ثم بمحو تعاليم دينه ,

[محمد جديدي التبسي]

بارك الله فيك على الموضوع أخي الذي أرى انه عادي وليس فيه أي جرأة أخي حسين هذي وجهة نظري

نحن عندنا اللي يحكي بالفرنسية يحطوه حاجة وزعما مثقف واللي يحكي بالدارجة ويقول العبارات بيت الراحة والمرحاض يحطوه جاهل وما يعرفش يهدر

الله يهدينا أخي حاسبين رواحنا نفهمو ونكونو مثققفين كي نتخلو على لغتنا العربية وحتى الدين ولينا نحشمو بيه

شكون اللي يصلي الفجر في وقتو كي يسافر على الربعة؟؟ ولا يصلي وهو جالس مثلا ولا يتوقف في المحطة ويهبط يتوضى ويصلي ... هذي هي الأمور اللي حاب نفهمها

بارك الله فيك على الموضوع أخي

[الذِكرَى البَيضآء~]

اخي غي باش يلعبوها بين الناس
ما العيب اذا قالها بالعربية فهي لغة القران و لغتنا لماذا نتخلى عنها

[مشكاة الهدى]

السلام عليكم

والله ياخويا احنا عندنا واحد كيما انت واش يقولولو

ربي خلقك وحار فيك

عندك خيال كبير ومواضيعك محال نلقى كيفها بعني حصري تاع الحصري
مشكور لكن الامر لا يقتصر على هذه الكلمة اكرمكم الله بل في كل شئ
تخيل زوج عندما يخاطب زوجته او يعبر لها عن مشاعره يستخدم لغة مو ليير بحجة انها الاقرب الى ايصال المعنى
حتى الطفل الصغير لو لا حظت بدل ان نعلمه الاسماء بلغة العربية نفتخر بتعليمه اياها بلغة مغايرة
قد ياتي يوم ولا نتواصل فيه باللغة الام الا في المنتدى

[جسور المحبة]

انا نجاوبك خويا حسين
لما يقول تولات ما يحشمش بصح كي يقول مرحاض تجيه حشومة وكلمة غير لائقة

[BAROUD]

الله غالب احنا في الدار كامل يقولوا حاشاكم تواليت فيسي وووومعظم الكلمات الاخرئ بلغة الهم هذا الكلمات يحب لك باش تنحيهم منهم لانو اصبحت كيفاش يقولوا ضمن التنشئة الاجتماعية الطفل ياخدها من يكون صغير و تطلع معاه d'ailleurs هذا المصطلحات في بالي هي اقرب للاستعمال و الفهم و ممكن اذا حاولت تقولها بالعربي تجي طويلة و بالاك تكون مش مفهومة و تعرف انو الجيل تاع الوقت هذااااااا يتبع الالفاظ المنتشرة في المجتمع و انا شخصيا مرات تغيب لي الكلمات و لا تختفي اصلا الا اذا عرفتها بلغة اخرئ
مجرد راي

[thorpe]

المشاركة الأصلية كتبت بواسطة ryyyma

يعطيك الصحة أخ حسين على الموضوع الجريء

أنا أيضا أتساءل علاش الناس لي يلعبوها معرّبين تلحق لهاد الكلمات يقلبوها فروسني؟؟
يا تكملها عربية من الأول و إلا أقلبها فرنسية من الأول

ولا كين لي يحشم بيها كي بالعربية كي بالفرنسية ألوغ يقوللك
"وين جاي لي سانيتاغ؟؟
حدد يا خويا رايح للمرحاض ولا للدوش؟

يقوللك نحشمو
و تحشم بليتوالات حاشاكم؟؟

ياك ماشي حاجة لي يستعملها فئة معينة من الناس
كامل العباد يستعملوها

لكن حاجة روماركيتها يا خاوتي
أننا ولينا نحشمو بالأمور العادية
أما الأمور لي لازم نحشمو بيها ولينا نشيعوها

و شكرا أخي على الموضوع
تحياتي

هههه السلام عليكم اهلا بيك ريمة
شفتي العبارة الي ملونة بالاحمر
نقولك صراحة وليت نشك بلي كاين الي ممكن حاسب روحو ولا ممكن ما يروحش لثم
بالاك غير احنا
جازاك الله كل خير وبارك الله فيك

[thorpe]

المشاركة الأصلية كتبت بواسطة الحلم الجزائرية

السلام عليكم
ان الخجل من اللهجة المحلية هي احدى اكبر المصائب والاخطار التي تواجهنا اليوم
فنرى ان البعض يغير بعض الكلمات من ولاية الى ولاية
ويغير اللهجة كليا اذا ما سافر لبلد اجنبي
ان هذا الموضوع اليوم اصبح يشكل خطرا على لهجتنا كجزائريين
والحلول له شبه غائبة
في انتظار رؤية الاعضاء ووجهات نظرهم

يعطيك الصحة نور
والله انت راكي جبتيها ايضا فالصواب
طبعا كثير ما لاحظت هذا الامر
وهناك فعلا من يحاول حتى تغيير لهجته الى لهجة اخرى
وهذا دليل علىضعف شخصية
جازاك الله كل خييييييير

[thorpe]

المشاركة الأصلية كتبت بواسطة سفيان القاسمي

السلام عليكم
كيف حالك أخي حسين
مشكور على الطرح
لم تبق الأمور محصورة في مثل هذه الكلمات فقط

الغريب من هذا كان عليك أن تسأل :
من الجريئ الذي يتكلم بالعربية الفصحى في الطريق؟؟؟؟؟

والله أصبح شباب اليوم يحسب نفسه مثقف إذا تكلّم بالفرنسية أو الانجليزية

أما لو تكلّم بالعربية فإنّه متخلّف ويضحك الناس عليه ؟؟؟

منذ متى أصبحت الأمم تتخلّى عن لغتها
عدا الشعب الجزائري ؟؟؟؟

لهذا بقينا في الحضيض؟؟؟؟

وو الله إنّ لهذه الدعوة أيدٍ خفية حتّى تطمس شخصية الجزائري بدأً:
يكره لغته ثم بمحو تعاليم دينه ,

اهلا بك اخي الحبيب سفيان
جازاك الله كل خير على الاطلالة الرائعة
طبعا اخي الامور قد توسعت ولم تنحصر فقط فيما طرحت
لاننا لو حاولنا ان نتحاور بخصوص التوسع فتاكداننا سندخل متاهة لا يوجد فيها مخرج
جوزيت كل خير اخي على الطلة والراي السديد

[ryyyma]

المشاركة الأصلية كتبت بواسطة thorpe

هههه السلام عليكم اهلا بيك ريمة
شفتي العبارة الي ملونة بالاحمر
نقولك صراحة وليت نشك بلي كاين الي ممكن حاسب روحو ولا ممكن ما يروحش لثم
بالاك غير احنا
جازاك الله كل خير وبارك الله فيك

و فيك بارك الله حسين
هاديك اللي راني شاكة فيها أنا تاني

تحياتي

[thorpe]

المشاركة الأصلية كتبت بواسطة محمد جديدي التبسي

بارك الله فيك على الموضوع أخي الذي أرى انه عادي وليس فيه أي جرأة أخي حسين هذي وجهة نظري

نحن عندنا اللي يحكي بالفرنسية يحطوه حاجة وزعما مثقف واللي يحكي بالدارجة ويقول العبارات بيت الراحة والمرحاض يحطوه جاهل وما يعرفش يهدر

الله يهدينا أخي حاسبين رواحنا نفهمو ونكونو مثققفين كي نتخلو على لغتنا العربية وحتى الدين ولينا نحشمو بيه

شكون اللي يصلي الفجر في وقتو كي يسافر على الربعة؟؟ ولا يصلي وهو جالس مثلا ولا يتوقف في المحطة ويهبط يتوضى ويصلي ... هذي هي الأمور اللي حاب نفهمها

بارك الله فيك على الموضوع أخي

وفيك بارك الله
السلام عليكم ايها الاخ الحبيب
واش بيك خويا هاد ليام نشاطق قل
نتمنى تكون بالف خير

طبعا هو موضوع عادي بنظري ونظرك لكن اذا حاولنا النقاشفيه مع المجتمع سيتوجب علينا ان نتمتع بالجراة

الا ترى ان المجتمع يود مسح كلمة لشيء يقصده كل منا على الاقل 2 يوميا ؟
بارك الله فيك اخي صدقت في كل ما تفضلت به والله


ما علينا غير نقولو ربي يهدينا ونحاولو نصلحو ما يمكن اصلاحه

جوزيت الفردوس الاعلى يا رب

[الباديسي]

بالنسبة لي انسى هذه التسمية الفرنسيةلاقولها دائما بالعربية(بيت الراحة)
شكرا جزيلا لك يا صاحب المواضيع المحرجة ههههههههههه
تحياتي