مسمن ناس تازا

my lamis · 2011-12-13, 21:37

اليوم جبتلكم مسمن تاعنا نشالله يعجبكم المقادير حسب العائلة أنا منعبرش بصح هذا المسمن أول خطرة نضيفلو المايزينة غير شوية و الله زاد خرج هايل مع الدليك إليكم الصور

ما بين كل طبقة ديري الزيت

هذو الطبقات يبانو

و هذا نقلوه إجي كيما الخفاف
هذا هو مسمن تازا قاع يخدموه هكذا

islam1aya · 2011-12-13, 22:14

الله يبارك اختي ام لميس ربي يخليلك هذوك اليدين جاك روعة وعلى حبة
الي في الصورة دقيق +فرينة
احن انديرو غير الدقيق
ماهوسر وضع المايزينة

mimicha1977 · 2011-12-13, 22:33

يعطيك صحة ام لميس خرجلك هايل ياريت توضحى اكثر المكونات هل تقصدي سميد و كميه فرينه و كميه نشا
و يعطيك الف عافيه

my lamis · 2011-12-13, 23:58

اقتباس:

المشاركة الأصلية كتبت بواسطة islam1aya

الله يبارك اختي ام لميس ربي يخليلك هذوك اليدين جاك روعة وعلى حبة
الي في الصورة دقيق +فرينة
احن انديرو غير الدقيق
ماهوسر وضع المايزينة

يبارك فيك ختي حنا نخلطو الفرينة مع السميد باش مع العريك يجي خفيف و المايزينة و الله ما عندها سر حبيت نديرها و كيما قلت أول خطرة نديرها و جامي نديروها مجرد تجربة بصح صبتها ناجحة المسمن زاد خفاف

my lamis · 2011-12-14, 00:01

اقتباس:

المشاركة الأصلية كتبت بواسطة mimicha1977

يعطيك صحة ام لميس خرجلك هايل ياريت توضحى اكثر المكونات هل تقصدي سميد و كميه فرينه و كميه نشا
و يعطيك الف عافيه

الله يعافيك واه ختي ميميشة سميد + فرينة + كممية نشاء إذا درتي مثلا كيلو فرينة ديري كيلو سميد و المايزية حوالي 4 ملاعق و كيما قلت أول خطرة نديرها

جيجلية · 2011-12-14, 15:11

ما شاء الله على ناس تازة

احنا تاني نديروه هكذا فالعوانة

my lamis · 2011-12-14, 15:51

اقتباس:

المشاركة الأصلية كتبت بواسطة جيجلية

ما شاء الله على ناس تازة

احنا تاني نديروه هكذا فالعوانة

الله يسلمك ختي نورتي بمرورك الكريم و مليح أنا قلت ناس جيجل خدمتهم ميش كيما حنا قلت كل منطقة كيفاه

miri_27 · 2011-12-14, 17:39

السلام عليكم كيف الحال غيرتيني مع العمل ماراني نطيب و نجرب والو ربي يخليك صحتك و يبارك لعائلتك فيك يالشاطرة

my lamis · 2011-12-14, 17:49

اقتباس:

المشاركة الأصلية كتبت بواسطة miri_27

السلام عليكم كيف الحال غيرتيني مع العمل ماراني نطيب و نجرب والو ربي يخليك صحتك و يبارك لعائلتك فيك يالشاطرة

و عليك السلام ورحمة الله تعالى و بركاته و الله رانا ملاح مدام حبابنا معانا في كل وقت نشالله الوالدة العزيزة و العائلة كل بخير سلامي الحار ليهم
ربي يعاونك و يطيلك صحتك و نشالله فالويك آند إخلفي كلشي و نتي ثان حنونة ربي يخليك لعائلتك الكبيرة و اللي جاية نشالله أنا في دارنا يعيطولي ميمت الواشون اللي يحب حاجة نكون واجدة خاصة العجاجن حتى أنا نبغي نفرح الواحد بتعبي. سلميلي بزاف على الغالية

bassamat · 2011-12-14, 18:18

تسلم ايدك عزيزتى
الكل اضن لهم نفس الطريقة الا اننا اذا طيبناه فى المرا نعيطيلو المسمن و اذا قليناه نسموه مشاهد
نحنا نضع نصف زيت نصف زبدة ذائبة

my lamis · 2011-12-14, 18:25

اقتباس:

المشاركة الأصلية كتبت بواسطة bassamat

تسلم ايدك عزيزتى
الكل اضن لهم نفس الطريقة الا اننا اذا طيبناه فى المرا نعيطيلو المسمن و اذا قليناه نسموه مشاهد
نحنا نضع نصف زيت نصف زبدة ذائبة

الله يسلمك ختي و مشكورة على المرور منورة
صح عندنا نفس الطريقة خطرات وين تصيبي الإختلاف فالخبيز و لا المكونات المهم طبق واحد و حنا المسمن نخدموه غير بالزيت و كاين اللي دير السمن وحدو و هذا اللي طيبتو فالمري كينخوه و هو سخون ندهنوه بالزبدة لازم يولي يقطر أنا مدرتلوش منحبوش بالزبدة
مشكورة حبيبتي مرة ثانية

جسور المحبة · 2011-12-14, 18:39

يعطيك الصحة على الوصفة ونقولكم سر تع المايزينة انها تخفف ديما لعجينة واذا تلاحظو اي عجينة تكون فيها المايزينة تجي خفيفة وحتى البقلاوة راهم يديرو فيها والله تجي هايلة

my lamis · 2011-12-14, 20:47

اقتباس:

المشاركة الأصلية كتبت بواسطة جسور المحبة

يعطيك الصحة على الوصفة ونقولكم سر تع المايزينة انها تخفف ديما لعجينة واذا تلاحظو اي عجينة تكون فيها المايزينة تجي خفيفة وحتى البقلاوة راهم يديرو فيها والله تجي هايلة

الله يسلمك ختي و مشكورة على المرور منورة
أنل ثان في بالي قلت هاكاك و صح المسمن تاعي جا خفيف مالف يجي خفيف بصح ميش كي هذي المرة

/زهرة عصفور الجنة/ · 2011-12-14, 22:49

شهيتيني يعطيك الصحة

حسينة 36 · 2011-12-15, 01:12

اممممممممممممممممم هايل يعطيك الصحة

هذا ذقتو دارتهولي مرت خويا من ولاية المدية يقلوه ويسقوه بالعسل مذاقه هايل

شكرا ليكي