كيف حالكم وحال علاماتكم ؟؟؟؟؟ وهل هي مرضية ؟

صبرينة 2023 · 2011-12-06, 12:06

السلام عليكم ورحمة الله تعالى وبركاته كيف حالكم يا اخوتي واخواتي في منتدى الجلفة داري وداركم
اتمنى ان تكونو بأفضل حال ان شاء الله بعد هاته الامتحانات التي افرحت البعض وأبكت البعض أرجو ان لا تكون قد أبكتكم يارب انا كيما نقولو نص نص ماهي علاماتكم التي تحصلتم عليها وعندما تحسبون المعدل ارجو ان تضعوه وان شاء الله سنتدراك اخطاء هذا الثلاثي ونعوضها باذنه تعالى في الثلاثي الثاني قولو آمين

انا والله ظنيت اني خدمت في الانجليزية وانو علامتي ستكون جيدة لكن اندهشت لما رأيتها والكارثة انها تحت المعدل كم بكيت لأنني لم اتوقع هذه العلامة لقد اخذت 9/20 والله علامة مخجلة بالنسة لأدبية ربي يعوض في الثلاثي الثاني

اما الادب فالكارثة ايضا تصحيح الأستاذة للامتحان غريب جدا فالاجابة النموذجية غريبة جدا والله كانت علامتي متوسطة لم تكن في الحسبان ولقد اخذت 12.5/20
رجعتلي الروح شوي كيما شفت علامة العلوم الاسلامية وكانت 19.5/20
وفي الفلسفة أيضا لا بأس كانت علامة مرضية بالنسبة للامتحان الأول في هذه المادة واول مرة ادرسها كانت علامتي هي 14/20
وفي الرياضيات ايضا لا بأس علامتي هي 16/20 وبعدها تأتي كارثة الاجتماعيات والله بكيت لأنني حفظت كثيرا لم اتوقع ان تكون علامتي هكذا كنت اتوقع على الأقل 15 لكن كانت 12.5 لقد اندهشت والله حيرة في هاذو الأساتذة
اما بالنسبة الى البقية لن نصلحها بعد لما نصلحها سأضعها باذن الله
انتظر علاماتكم وهل كانت مرضية لكم بالنسبة لي ليس كثيرا

في الانتظار ...................................

الملك الحبيب للبرصا · 2011-12-06, 12:32

نقلك ربي يزيد انا كارثة في كارثة الله يصبرني باااااااع

صبرينة 2023 · 2011-12-06, 12:56

وكم هي علاماتك لا تيأس ربما تكون احسن في المواد الاخرى باذنه تعالى

الملك الحبيب للبرصا · 2011-12-06, 13:17

منقلكش خير ؟؟

صبرينة 2023 · 2011-12-06, 13:26

معليش مافيهاش عيب ان شاء الله تعوضها في الثلاثي 2

مرام94 · 2011-12-06, 14:29

اولا السلام عليكم

نقولوا آمين

انا تاني كيفك صبرينة اختي

و الله ما عولتها هكدا جبت 5 ف العلوم الطبيعية

13 ف الفلسفة

18.5ف ا لادب

12.5 ف الاجتماعيا و حفظت كل شيء الاستاذة ما تعرفش تصحح

12 ف الانجليزية

و الباقي مازال

يعني هدوا المواد الي خدمت فيهم

الي مازالوا هما الي هردتهم

الملك الحبيب للبرصا · 2011-12-06, 15:43

الله يستر هذا منقلك خيتوو

الملك الحبيب للبرصا · 2011-12-06, 15:45

مدامك خدمتي في المواد الاساسية غير متعمريش راسك بلمواد لي ماشي اساسية فهمتي راح تجيبي معدل مليح ودعوة في فصل 2

صبرينة 2023 · 2011-12-06, 18:01

اقتباس:

المشاركة الأصلية كتبت بواسطة مرام94

اولا السلام عليكم

نقولوا آمين

انا تاني كيفك صبرينة اختي

و الله ما عولتها هكدا جبت 5 ف العلوم الطبيعية

13 ف الفلسفة

18.5ف ا لادب

12.5 ف الاجتماعيا و حفظت كل شيء الاستاذة ما تعرفش تصحح

12 ف الانجليزية

و الباقي مازال

يعني هدوا المواد الي خدمت فيهم

الي مازالوا هما الي هردتهم

وعليكم السلام اهلا مرومة كيف حالك
والله ربي يستر انا خدمت في العلوم والفيزياء وان شاء الله اتوقع علامات جيدة
بصح الكارثة في الي قلتهم ومازال الفرنسية مانعرف عليها
انت راكي مليحة الله يبارك كي جبتي في الادب 18.5 راهي تعاونك بزاف ان شاء الله نجيبو معدل مليح
وكيما قال الاخ نعوضو في الثلاثي 2 ان شاء الله

الملك الحبيب للبرصا · 2011-12-06, 19:19

واه واه شريكتي

chica loca · 2011-12-07, 11:50

لا تياسي أختي صبرينة و كيما قال الأخ الصح فالمواد الرئيسية أما الباقي يروح في ستبن دهية
و انشاء الله الفصل الثاني نخدموا كامل
بصح عندي سؤال ليكم

هل كلكلم شعبة أداب و فلسفة

صبرينة 2023 · 2011-12-07, 16:55

شكرا لك اختاه والله اسعدني كلامكي كثيرا ان شاء الله نعوضها في الثلاثي الثاني يارب
نعم نحن كلنا شعبة آداب والفلسة ان كنت تقصدين من اجاب في هذا الموضوع فنعم نحن آداب وفلسفة وانت اختاه

الملك الحبيب للبرصا · 2011-12-09, 13:28

هاذي البداية ومزال مزال ................... وان شاء الله موفقين كآآمل في الفصل 2

hoda50 · 2011-12-09, 14:18

نشاله كيما قلت هذي بداية ومزال مزال
عقوبة الفصل الثاني2

الملك الحبيب للبرصا · 2011-12-09, 14:19

ouiiii ........