طورطة عيد ميلاد زوجي من مطبخي اللي يذوقها ياكل اصابعه ههههههه

[&أسيل&]

[CENTER]السلام عليكم ورحمة الله تعالى وبركاته

اليوم جبتلكم لتارت اليدرتها في عيد ميلاد زوجي واللي ذاقها عجباااااااااتوووووو وحلف انها احسن من اللي تتباع احم احم احم
نبدا بالمقادير ..
الجنواز
-4 بيضات
-120غ سكر
-120غ فرينة
-1ملعقة ص خمارة
سيرو لسقي الطرطة
200غ سكر+كاسان كبيران من الماء قشرة وعصير برتقالتين +م ص فانيلا
التزيين
فواكه متنوعة انا استعملت الموز -البرتقال-التفاح
كريمة الشانتي
150غ من بودرة الشانتي +كاس ونصف حليب بارد جداااا +1ملعقة كبيرة سكر مسحوق
طريقة التحضير
في اناء نضرب صفار البيض مع السكر حتى نحصل على خليط اصفر فاتح
نضيف اليه الدقيق المغربل مع الخمارة ثم بياض البيض المخفوق جانبا كالثلج بواسطة ملعقة خشبية مع التحريك من تحت لفوق
يصب العجين في صفيحة دائرية مغطاة بورق السولفيريزي
عندما يخرج البسكويت من الفرن ينزع عنه الورق السلفيريزي وتقسم بعدما تبرد الى قسمين
انا استعملت ضعف المقادير وحدة بيضاء والاخرى استبدلت 3 ملاعق ك من الفرينة بالكاكاو وقسمتها بعد مابردت كذلك الى قسمين
نضع الطبقة الاولى نشربها بالسيرو واليكم
طريقة تحضير ه
في وعاء يوضع السكر والماء والقشرة مع العصير ويترك الكل فوق النار لمدة15د
يترك حتى يبرد ثم يصفى لنتحصل على سائل مقدار كاس كبير يضاف له العطر ( الفانيلا او م ص نسكافيه)
ثم نضع الكريم شانتي وفوقها قطع الفواكه انا استعملت الموز
نضع الطبقة الثانية المنسمة بالشكلاط نسقيها -الكريم شانتي -الفواكه المقطعة
وهكذا حتى ننتهي من الطبقات الاربعة
نزين السطح بكريمة الشكلاطة وفي الحواف نستعمل الفول السوداني المحمص او كماتحبين انا استعملت القوفريط مرحي وكل وحدة وطريقة تزيينها
اترككم مع الصور



ان شاء الله تعجبكم الوصفة
تقبلو تحياتي

[/CENTER]

[lalakarimanouri]

انا الاولى من يضع ردا فالقطة الباهية هاذيك لي و شكرا عيد ميلاد سعيد و اطال الله في عمره

[*أم كوثر*]

اممممممممممممم ....بنينة تهبل
الله يعطيك الصحة و يرزق أبو زياد الصحة و الهناء

[نينا الجزائرية]

ماشاء الله
ولا حولولا قوة الا بالله
تشهي
ربي يحميك ويخليكم لبعض
عمر مديد وانتم مع بعض

[ام رنا]

روعة حنونة والف مبروك وعقبال مائة سنة بالصحة والسعادة ان شاء الله

[OU SS AMA]

[allmaza]

عقبال الف سنة ليك و ليه
في الهناء انشالله

[sofiane2075]

تشهي ربي يطول في عمره و يخليه لكم ان شاء الله و بصحتكم

[*جوري*]

يعطيك الصحة روعة

[ام شيمو]

رووووووووووعة يعطيك الصحة

وكل عام وزوجك بالف خير ويخليكم لبعض ياربي

[ام خيرو]

الله يعطيك الصحة و يرزق أبو زياد

[msiliya28]

يعطيك الصحة اختي انا درت وحدة كيفها في المولد النبوي الشريف

ربي يحفظلك زوجك ويحفظك ليه

[جوهرة الايمان28]

بصحتكم هايل

ربي يطول في عمرو ويخليه ليكم

[layansandi]

جزاك الله الف خير حنونتي ياكلوا اصباعهم ونوحل فيهم ويدخلوني حبس لالالا

هههههههه

[ام مراس]

رائعة وربي يخليهولك وعقبال 100 سنة