l'ouvrier manoeuvre

[saidovitch]

يا من تبني خوذ حذرك لا تنــــدم و اعذاب الدنيا تشوفو في البنيان
لا تامــــن شي الماصوّا¹ و ازليهم سقمهم عالريقلـــــــة² قد الميزان
يا رب بالبخص ديمـــــــا تطليهم قد الطالوشة³ و ما عدلت حيطان
و حرّشهم من كل جهة و اكويهم قد ما عيّاو من شاقي تعبـــــــان
قد الرملـــــــة و القرافيي⁴ تعميهم وصوّب نيوفهم على قول البهتان
قد ما شــــــــدوا مصاقل بايديهم و ما علاو الباربا⁵ ليها خيطــــان
قد ما ســــــرقوا ابراوط⁶ تـَرْبيهم طففين الكيل بالخدعة خِيــــــــان
قد ما كـَوْلَاوْ ⁷دالــــــــــــة⁸ كوْليهم و ما طاشاوْ⁹ اسلوك في وسط البيران10
اعداد المسمـــــــار بيهم سمّرهم ماذا ربطوا مادري11 و السلك أيـْبان
مثل الدوز12 اتقُصّْهم و اتكوْديهــم13 بالسيزاي14 اصحيح و الذرعين امتان
قد ما حسبوا امّاتــــــــّر15 عذبهم و اتكافيهم يا خــــــــــالقي بالنيران
قد ما طانداوْ 16السيس17 طانديهم يجياحوا في الراي و الصفة تشيان
مثل الكادر18 بالقـْـريفة19 عوَّجهم كاليفييهم20 راه في الخدمة عيـــَّــان
بالراشكلو21 كي لبروش22 تقلـَّعهم وسقمهم بالمطرقة على الروس اخشان
و احشرهم على الحيط ثم زيـَّرهم و سيريهم23 يا خالقي بالسيرجوان24
و بالحصبة و الكونكاسي25 ترجمهم و ميّـــــــل بنيانهم فوق السيسان
طايـِــيهم26 كي الحجرة نجّـــــرهم و اجعلهم صفاح مبني على لكفان
و اجعلهم ياجور مبتور مهشّم و الّا ابــْريك27 النار سهمة للدخّان
قد احـْفـــــر و قد بالات28 تردمهم و تخلاط البيطون29 في وقت الحمَّان
البيليـــــــة30 شاهدة عن خدعتهم لو تنطق بالسب تسمع كل لسان
حتى الدَّالة31 ماصّة و ارواح ابـْرُمْ راك تدوخ بلا شمة و لا دخان
اذا شفت الفينيسيون32 راها تهزم تلقى الطلية دايرة مثــــل الدودان33
الحيط المايل مال بيهم زاد الهم بالخدمة العوجة على حد التميان
و اذا خرجت باربة34 ما تتسقــــم تغطيها طلية بانتورة35 و الــــوان
المونيفري36 تعبان و الخلصة ليهم و اصعب خدمة ليه و يقولوا فنيان37
قد ما حقروه ربي يحـــــــــرقهم يخلصوا في الدنيا على شوفة لعيان
نكارين الخير هاذي صنـــــعتهم و ما حمدوا ربي على الفضل و لحسان
يشّرّط عالماكلة يزّايد يتخـــــــم و يقولّـك نضّرّ من كثر القليان
كي يلقاهــــــــا خابزة يتّكّى ثمّ المدة تطوال و الحالة تتهان
ادراهمهم كي الملح يذوبوا ثمّ لا بركة في اعرقهم وين ايبان
حاشا المقبولين تموا خدمتهم مبنية على الصح بالنية و الايمان

1- les maçons14 - les cisailles 27- la brique
2- la règle 15- des mètres 28- des pelles
3- la taloche 16- ont tendu 29- le béton
4- gravier le 17- barre 6 30- le pilier
5- le parpaing 18- le cadre 31- la dalle
6- les brouettes 19- la griffe 32- la finition
7- ont coulé 20- qualifié 33- les dos d’âne
8- la dalle 21- arrache clous 34- le parpaing
9- ont attaché 22- broche clou 35- la peinture
10- les barres 23- serre-les 36- manœuvre ouvrier
11- les madriers 24- serre joint 37- fainéant
12- barre 12 25- le concassé
13- couderas 26- taille-les

[باش آغا]

بلاك راك تتبلى عليهم برك كقلوللك خلصنا قه قه قه قه قه قه قه كاين ليكلو الماصوات ومن بعد يديرو فيهم شعر هاهاهاهاهاهاهاهاها