-*-*-*-*-* قلبي راه ضارني هل من يوجهني ويدعوا لي -*-*-*-*-*-*-*-*-*-*-*-

anouar0771 · 2013-01-02, 20:19

السلام عليكم

أنا تحصلت على إعفاء بسبب طبي في دفعة سبتمبر 2012 ومن ذاك مدولي وثيقة " أمر بالتوجيه " قالو لي توجه بها لمكتب الخدمة و في مقر ولايتك في بسكرة
أيا رحت لمركز خ و في بسكرة في أكتوبر مديتلهم ""أمر بالتوجيه" الممضى من قائد ن ع 1 عطاوني وحد الورقة صغيرة وقالو لي أرجع بعد شهر
أيا رجعت بعد شهر عطاوني مرة أخرة سورسي حتى 31 ديسمبر 2012 ومكتوب أمامه : لإستلام شهادة الإرجاء (مُعفى نهائيا)

المهم...

رحت ليهم اليوم 02 جانفي عاملوني بطريقة غير لائقة وفيها نوع من الإهانة حيث قال لي أحدهم " راك باين جبتها معريفة وعطاني وحد الكلمة شغل ضرك نتعبوك مكرة برك " حسيت فيها نوع من الحسد والبغض

وقالي أرجع بعد 20 يوما تلقى شهادة الإرجاء واجدة لأنه الثكنة في شرشال لي كنت فيها مازال مارسلتش ملفك الطبي للناحية ع 4 بورقلة والذين لهم صلاحية يعطوني إرجاء ومن بعدها بطاقة الإعفاء

ما رايكم وماذا تنصحونني والله قالبي راه خارج حسيت روحي اليوم أني مهان في بلدي العزيز

محمد الثاني الفاتح · 2013-01-02, 22:45

إذا كنت محتفظ بنسخة من أمر التوجيه توجه بها إلى الناحية العسكرية الأولى لاأدري إن كانت بسكرة تابعة لها أو لأي ناحية أخرى.وهناك سيقولون لك إن كانت بطاقة إعفائك قد سلمت لمكتب الخدمة الوطنية التابع لولايتك أم مازال لم يمضى بعد.
بالتوفيق أخي أنور.

salim201388 · 2013-01-03, 00:27

نورمال أخي ... حتى أنا طولوا عليا باش مدولي بطاقة الاعفاء و كانوا يعطوني بزاف الارجاءات قريب عام و نصف حتى مرة مشيتلهم نصحاب يزيدوني إرجاء عطاوني بطاقة الاعفاء و بالزيادة مؤهل لا يجند ... أنت غير زيد صبر شوية حتى يقولولك بلي جات بطاقتك ان شاء الله ... و ما تقلقش روحك لي مكتبها ربي تجي إن شاء الله

~~غليزاني 26 سنة~~ · 2013-01-03, 00:44

بلاد ميكي
العسكر يهيب الجامعي و الجامعي خواف من الامي تبا لكم

salim201388 · 2013-01-03, 00:49

أخي صباع يديك ماشي كيفكيف ... كلها و كيفاش يخمم كاين لي يبغي العسكر الله يكمله بيه و كاين لي حاب يخدم على راسه و يدير مستقبله و ما يفوتش العسكر ...

abdeldjalil147 · 2013-01-03, 01:04

اقتباس:

المشاركة الأصلية كتبت بواسطة غليزاني 26 سنة

بلاد ميكي
العسكر يهيب الجامعي و الجامعي خواف من الامي تبا لكم

انت اول الشعب يا ناس 48

hakim1444 · 2013-01-03, 11:47

السلام عليكم يا اخي الظاهر انك من مواليد 1988 كيفي انا والحمد لله انا تحصلت على بطاقة الاعفاء من دون سبب طبي في 17نوفمبر 2012 ودرت الفحص 2007 وقالولي ارجعلنا في 2008 دير السورسي ما رجعتش اومباعد بعثولي في 2010 ورقة فيها معفى لسبب طبي وكي طلبت لاكارت بعد التخرج 2012 قالولي 20 يوم وارجع رجعتلهم مالقيتهاش زدتلهوم شهر لقيتها جات ونشاءالله يسهلك ربي ولكل الشباب يعطوهلكم في اقرب الاجال واذا كشما كاين مساعدة نقدر نقدمهالك اتصل على 0777716836 والله هو الموفق

amer46 · 2013-01-03, 21:11

والله يا خويا هاذو هوما والله ماني عارف واش هو المشكل والعقدة تاع هاذو مع المدنيين و الله اذا كنت مستوى جامعي يشوف فيك خزرة تاع بغض و حسد وغيرة انا شخصيا كرهت العباد هاذو حاشا البعض و الله يا الهدرة مايعرف يرككب جملة مفيدة ويبدى يتكبر عليك ويشوف فيك المؤسسة هذي خاصة في مجال الخدمة حاشا ان تكون وطنية اصبحت تؤدي واجب العرقلة و خرجت على الهدف الرئيسي ولي هو الواجب الوطني يعني لما تحتاج تقلهم اعطوني الاستدعاء يدورو بيك عوام تقلهم اعطوني الاعفاء كذالك تبقى عوام و ماتشدش الصحيح تقلهم سورسي يقلك نتا خاطي يجي قانون اعفاء انت لست معني اذا خلونا نخدموا يقلك الوضعية تجاه الخدمة الوطنية تقلهم اذا سويلنا الوضعية يقلهم روح وارواح سنين اذا اين الهدف من الخدمة الوطنية واضحة خاوتي العرقلة ضف الى ذلك سياسة معتمدة لخدمة مصالح اشخاص بالصح نقلهم حاجة كونوا متيقنين كاين ربي وتتتلاقوه يوم من الايام و نقلهم لعنة الله على الحاقدين ,,,ربي يتنقم منكم امامنا انشاء الله

anouar0771 · 2013-01-04, 10:34

بارك الله فيكم وجمعتكم مباركة إخواني الكرام

yacine-08 · 2013-01-05, 01:02

عادي تأخد بعض الوقت لكن في النهاية سيقدم لك الاعفاء

كما حصل لـ اخي بعد 8 اشهر تم تقديمها له

هشام_525 · 2013-01-05, 17:21

اخي بما انك لديك وثيقة مكتوب عليها لإستلام شهادة الإرجاء (مُعفى نهائيا)
فلا يهم تجيب البطاقة بعد شهر او عام المهم راك فريتها

بخصوص المعاملة السيئة من بعض الناس فلا تعرها اهتمام نتمنى لهم الهداية فقط