اواجه مشكلة....

[مشكلتي]

السلام عليكم ورحمة الله تعالى و بركاته
انا فتاة ابلغ من العمر 18 سنة ادرس في ثانوية و يدرسني استاذ في مادة معينة......و اذا بالاستاذ ينتقل من مكان عمله لظروف و استطعت ان اتواصل معه عبر النت لا نتكلم الا عن النصائح و الارشادات فيقدم لي كل النصائح القيمة و المبنية على اساس الدين و اذا بي اكتشف ان استاذي ليس فقط استاذ مادة معينة.........و انما يتميز بالاخلاق و الصفات الحسنة و علما انه متدين و انا كذالك فهذا التواصل لا يجوز شرعا فقررت ان اقطع تواصلي به لاجتناب غضب الله لكن وقعت في اعجاب ذالك الاستاذ اللذي يكبرني ب10 سنوات فارق السن لا يهمني لكن لا اعرف ان هو ينظر الي كما انظر اليه او يراني تلميذته و اخته في الله و انا بصراحة في بعض الاحيان اود مصارحته فقط اريد ان اقول له انني اعجبت به فقط هذه العبرة و اقطع تواصلي نهائيا به لكن السؤال هل عذه الكلمة لا تاثر على مستقبلي كبنت مسلمة و مامنة؟ و هل لا اخطا في فعلتي هذه و جزاكم الله الف خير

[فارس الجزائري]

وعليكم السلام ورحمة الله تعالى وبركاته
اليوم كلمة منك وغدا كلمة منه وبعد غد كلمتين منك وبعدها كلمات منه
ولذا أنصح أن لا تفعليى حتى لا تندمي والله أعلم
بالتوفيق إن شاء الله

[djamel123]

اللي نعرفو أن الراجل هو الي المفروض يبادر ويتقدم للبنت
(هاذا قبل ماتبدى الثورات العربية، أما بعد الثورات منيش عارف ..ممكن تقلبت الأمور..ماوليتش متابع)

[حسينة 36]

اقري جيبي الباك على روحك واقري مازاااااااااااال عليييييييييييييك الحال

[@[نســـــيم ♥ الجـــــود]@]

وبالاك تستناي حتى تدخل 2012 خير باش ديريها للعالمين




هذا حرام ختي

[- بصمة خير -]

السلام عليكم و رحمة الله تعالى وبركاته

باختي اذا قولتيلو علابك بسرعة تندمي لانك قولتيلو هكذاك و تتمناي يولي الوقت باش تسحبي كلامك و هذا الشي مستحيل

الاعجاب و الا حب ماعندو حتى علاقة بالدين و لكن الطريقة اللي نتعاملو معاها مع المشاعر تاعنا هي اللي تبين الفرق بين المتدين و غيرو

و لاه تهدري معاه اصلا في النت ؟؟؟ كاين غير هو اللي يقدرك يمدلك النصائح ؟؟؟

و انت ماتعرفيش الشخص هذا مليح ممكن انك اذا قولتيلو راك تعجبني يولي يطلب مكن حوايج باش تثبتي الاعجاب تاعك و ,,,,

راهو كاين اللي ينسيك فيه الباك تاعك

اقراي و ان شاء الله تخلصي الجامعة تاعك و يجي لداركم اللي يستاهلك و اللي تستهليه

ربي يوفق

ديرت شكرا للموضوع و راني اخطأت في الضغط

[abdel02]

اخطيك منو...راكي مازالك صغيرة وجاية للدنيا...اقراي ومن بعد في هذا ال5 سنوات اكيد رايح يجيك 100 خطاب وكيما تحبي انت...ولك الحرية.

[feloussa]

nn hadha just i3jab b2oustadh mais nfadhel ennek matgoulich psq ediri w tjibi ghir elmachakel w balak koun tgoulilou aw just i3jab yedih balou leb3id w ykham fi 7wayej oukhrine khti nans7ek ma3endou madak a7kmi sab3ek w elli mkettebhoulek rabbi aw yjik makallah tkhammi 3lih wenti normalement 3am bac a9ri 3la ro7ek ma yedkech ezzef w elhef w matemchich fi tri9 a3wej la ywaslek l7wayej 3ouja
yedhharli ennek ndemti 3la ennhar elli twaselti m3ah par internet mala makallah ediri 7wayej oukhra elli bien sure ra7 tendmi 3liha f el mousta9bel w rabbi yehdik w yahdina koul amine
hadha rayi khti 3ejbek haki khdemti bih ma3ejbekch allah ghaleb w rabbi ywaf9ek ila ma yardhah
merci.

[دكتورة بإذن الله]

كيفاه تصارحيه !!؟علاه الدنيا اصبحت تمشي بالمعكوس..!!؟

اختي انت صغيرة 18 و عندك مستقبل دراسي ينتظرك ..

و الرجل هو من يدخل من الباب.. و ليس من يختلي بمحارم الله..

لذلك انصحك بان تصرفي نظرك عنه..

و صدقيني حين يحين القدر.. لا احد يقف في طريقك ..

و لا تستعجلي الشيئ قبل أوانه فستعاقبين بحرمانه

و بالله التوفيق

و الله اعلم

[fr95]

يا بنتي تولهي بدراستك احسن لك

[أم اسامة]

السلام عليكم
حبيبتي انتي مزلتي تدرسي انتبه لي الدراسة افضل لك
و حطي راسك في قريتك ..
العلم نور

[fifi180]

اخطيك ياعزيزتي واقري خيرلك

[المارد الجنوبي]

هده العلاقة كثيرا ماتحدت في المؤسسات التربوية

[بني بلعيد]

المهم بالنسبة لك هو النجاح في دراستك ، أما التواصل في الأنترنيت مع رجل فهو من المشبوهات وقد يؤدي إلى الحرام ، أنصحك بقطع هذه العلاقة ، واهتمي بدراستك وهدا المهم.

[sarl02]

با بنتي راكي شجيرة صغيرة معليش الريح اهزك اشوية اقوش ولا ادروات ...بصح لازم اتثبتي روحك باش ما انحيكش مالجدرة ..وعليك بالمقاومة بالشوية بالشوية حتى اتولي شجرة كبيرة... ثما الريح ممكن اهزك لكن ما عندو ما اديرلك.