مفهمتش وعلاه هاد الإهمال

morice · 2011-11-30, 21:08

السلام عليكم

والله ما قدرت نفهم احنا فالعلوم شرعية كتبنا درس واحد قالونا هاداك هو لي يكون عليه الإختبار

لكن أعطاونا أسئلة عن دروس مقريناهاش قلنا وعلاه قالك هذي أسئلة لتقوية العضلات

جاوبت من عندي مش مشكل

اليوم علوم طبيعية الأسئلة مكتوبة باليد وغير مقروءة أصلا

الرسومات غير واضحة ولا بيانات ولاشيء كلش ملخبط في بعضاه

الإنجليزية وهندسة طرائق قالك جاوب في ورقة الأسئلة ومكان الإجابة مش موجود

لماذا كل هذا الإهمال حتى أستاذ المادة مش موجود يوم إمتحانها

والله ظلم نسبة كبيرة سلمت ورقة الإجابة شبه بيضاء وانا منهم

المهم ربي يستر والله ولي التوفيق

سآجدْ للهْ · 2011-11-30, 21:14

واش بيك خويا ما تقلق روحك ما والو هادي هي لبلاد
بلادي الميكي وبلاد التيكي

كل واحد يشتح كيما يبغي ويدير كيما يغنيلو راسو ههههه
والله غير عندك الحق دركا علاه راه المجتمع عافس فينا في المدرسة يكون لواحد منا نافح يحب يبدع ويقرا على لخر خلاص يجي الاستاذ يعفس فيه......والله لا تعليق علهم

اصبح لواحد يفضل البقاء وحده فقط لا مخالطة هؤلاء المجتمع الناكرون و.....
فكلما اقتربت منهم تسقط معنوياتك وتشعر بالاكتئاب والحزن و الاحباط ................

هذا ما افضله

منــآلــ · 2011-11-30, 21:17

كيـــمآآ قلتـ في توقيــعكـ؛؛

بلــــــــآآد ميـــــــــكي

romaissa07 · 2011-11-30, 21:18

اييييه وش راح دير خويا ربي يهديهم و خلااااص

wiwiza · 2011-11-30, 21:25

ان شاء الله تكون من المتفوقين
الله يهديهم .

morice · 2011-11-30, 21:55

والله خويا okbavvd019 عندك كل حق

اني معاك فكل اللي قلتوا + الواحد ناوي يعوض فالإختبارات لأنو علامات الفروض كلها تحت المعدل 10

لكن فالأخير شكون يقضي عليك ويهلكك ... .. أستاذك

ربي يهدينا وشكرا على مرورك والله يوفقك

سآجدْ للهْ · 2011-11-30, 22:05

اقتباس:

المشاركة الأصلية كتبت بواسطة morice

والله خويا okbavvd019 عندك كل حق

اني معاك فكل اللي قلتوا + الواحد ناوي يعوض فالإختبارات لأنو علامات الفروض كلها تحت المعدل 10

لكن فالأخير شكون يقضي عليك ويهلكك ... .. أستاذك

ربي يهدينا وشكرا على مرورك والله يوفقك

حنا دارولنا فروض والله لا تعليق دركا الواحد يحب يعوض في الاختبارات يلقى كل استاذ يحط واش يغيلو راسو تلقى هادا دارلك تمرين كـــــــــــــــامل فيه سؤال واحد تعجيزي والمعامل 5 وخلي باقي التمارين يعني الباقي راهم ماهمش ضامنين باقي التمارين
واستاذ يديرلك اختبار في عشر وراقي على 40 نقطة كل حاجة فيها 0.25 والطول نتاعها حدث ولا حرج ويعطيك 2 سوايع ويقولك حلو ونسا بلي المعامل 4 ............... والكثير الكثير والله راني حاير فيهم نظن انهم يستمتعو بتدميرنا والله تجينا شوك الثلاثي هادا..............................

انا والله كرهت طفح الكيل ما لقيتش طريقة برك كيفاه نقتص .............

كان الله في عونك اخي

ربي يوفقك

امين

allia08 · 2011-12-01, 11:41

والله حتى حنا كيفك
انتومة على الاقل علوم شرعية
حنا في العلوم و الرياضيات و التكنلوجيا
جابولنا دروس ما قريناهمش
و قالك الي ما عجبوش الحال يمد ورقة بيضة
و انا الي ما قريتوش ماحليتوش
وربي تستر نهار التصحيح
و نهار الي يمدولنا المعدلات
و الله الواحد حاب يقرا وهومة يقولولو اقعد هاكذاك خير
و الله غير ظلم
الي يعملو فيه معانا
و مبعد يقولولنا انتومة الي ما تقراوش

Narcisse95 · 2011-12-01, 14:45

انضمي لمجموعتي
أستاد الاعلام الالي دار سؤال كيفية مسح صورة و هو بفمو قلنا ماناقراوهاش خطراك ماكاش سكانار فالليسي لكن دارولنا سؤال
أستاد الاجتماعيات أخر درس قريناه استقراء خريطة قتلو أمام الملأ انه اول مرة نستقرأو خريطة اعطينا مثال جماعي بش نعرفو وش نجابو نهار الامتحان و قال بفمه مايروحش بالكم بعيد راني ادا درت سؤال من هدا الدرس يكون ادكر مراحل استقراء و فقط امبعد جانا في الاختبار
التربية الاسلامية عندما ندرس أحاديث يقلنا اكتبوا غير السطر الاول من التعريف بالصحابي الجليل...مبعد في الاختبار يقلك عرف بالصحابي الجليل و المشكل ادا كتبتلوا وش كتبنا برك بالاك مايعطينيش النقطة
هندسة الطرائق الاستادة تدخل تملي الدرس و تخرج مبعد تقولك وعلاش مخدمتوش
...•••
الله يهديهم أساتدة الجيل...مولاها يقرا فالدار و اللي يدير علا وش جا فالبيتا والله متخرجوا...

أسطورة الخريف · 2011-12-01, 15:01

لالاللالالالا
نورمالمون متسكتوش على حقكم

اهدروولهم و اشكوا باهـ تتحلكم مشاكلكم

Narcisse95 · 2011-12-01, 15:06

اقتباس:

المشاركة الأصلية كتبت بواسطة princess*dreams

لالاللالالالا
نورمالمون متسكتوش على حقكم

اهدروولهم و اشكوا باهـ تتحلكم مشاكلكم

h
اخر مرة درنا اضراب على استاد الاجتماعيات و كأنه ليس لنا صوت هناك و هاهو رجع يششفى فينا
و مع كل احتراماتي للأساتدة الكرام-
حكاية الاساتدة يسلكوا علجالي وانا تروحلي غير هاكداك مازال ماصراتش غير أستناي للاحد و تشوفي كيفاش نخرجلهم نوريهم التبيديع لي راهم يديروا فيه والساكت على الحق شيطان أخرس

biba_g · 2011-12-01, 15:13

الله غالب
لكن هادا هو الاختبار يكرم المرء او يهان
ونتوما راهو باين بالي تهنتوا
استغفر واصبروا برك ان الله مع الصابرين
سلام

Narcisse95 · 2011-12-01, 15:16

لكن هادا هو الاختبار يكرم المرء او يهان
هاديك عندما يبتلي الله عبده و يشوفوا يصبر ولا لأ

لكن ليس هدا النوع من الاختبارات...
2عندهم نفس القدرات العقلية...واحد مريض و الاخر بعافيتو هل في الاختبار يخدموا كيفكيف

هل كي يدي اللي غش كيف كيف مع واحد معناها يقرا كيفو
نوريلك الاختبار الحقيقي...كي يجيك الاب تاعك و يقلك راهي طلعتلي الحمى تتفكري درس الاسبيرين و تتفكري فوائد الاسبيرين و تعطيلو حبة بش تهبطلوا الحمة هادا هو الاختبار ولا راني غالطة

الجزائرية 2010 · 2011-12-01, 15:21

إهمال بكل معنى الكلمة

ربي يكون فالعون

يوسف الحسن · 2011-12-01, 15:31

نقلكم ولا مكلاه لي راه صاري فينا واحدو
نبداو في الرياضيات قبل الاختبار بيوم جبو شيخ تاع المات مبعد دارونا كيما الكلاسة لي عندها شيخ عندوا 3 اشهر
اما في الشريعة منهدروش عليها درتنا امتحان مليح فتصحيح كارثة اعلى نقطة10 باسكو في الفقرة مدرتش علي السلام تروح5 كيما راهي ولي دات 10 ابنت عمها وحنا دينا 5 في الشريعة ؟؟؟؟
و فيزياء مقريناش كامل كيم كلاسة لخرا ودرنا شيخ تاعهم كويج عمري لا سمعت بيهم
والفرنسية نقطة الاختبار هي التقويم ............................... مزال الباقي كاش مرا كملو