مشكلتي في القسم

مشكلتي · 2011-11-30, 13:06

السلام عليكم ورحمة الله
مشكلتي يا اخوتي في القسم المكان انا هذا العام رابعة متوسط طحت في قسم مختلف تماما على العام ليفات نعرف فيه غير زوج بنات برك ...المهم انا في بداية العام هدرت مع وحدة مانعرفهاش مليح قتلها اذا تجي تقعدي معايا قاتلي ايه وقعدنا ولكن مع الوقت جات صحبتها اللي تحبها بزااف قاتلها ارواحي تقعدي معايا نورمال راحت وخلاتني ...مادرتش عليها وقعدت وحدي ....منبعد جات الشيخة المسؤولة وبدلتي البلاصة حطتني مع طفل في بلاصة كامل عيانة قدامي طفل قبلي دراري ومورايا دراري ...جامي شفتها في حياتي ....انا تجينيت من هاذاك الطفل اللي قاعد قدامي وواحد مورايا يهدرو غير العيب ويسبو ..هدرت مع الاستاذة تاع الرياضيات مالقاتش كيفاه قعدتني البلاصة الاولى برك باش ما نكونش غير في وسط دراري وبدلتي البلاصة مع هاذا الطفل علاخاطر ما حملتوش ...وزادت قعدتني مع واحداخر بصح عاقل عليه ....وباقي المواد راني نقعد مع الطفل الاول وهو دائما يتصرني ويقولي علاه ما تهدريش والله خطرا اداربت معاه وقالي عندك عقلية تاع دراري اهدري شوية وقصري لا حول ولا قوة الا بالله ....عندو ختو استاذة التربية التشكيلية تقرينا رحت احكيتلها قاتلي خويا عاقل برك يحب يقصر ودوك نزيد نحكمو .....ما فاتوش ليام مليح زدت خطرا تصرني اكثر يغني عليا ويقولي كلام عيان قتلو اعرف واش راك تقول قالي كي زعما محتجبة ما نهدروش معاك ولا كيفاه ...انا هاذي تاثرت بيها والله حتى وليت نبكي
انا ما سكتش جبت بابا وحكيتلو كلش جا هدر مع السورفايونت والاستاذة المسؤولة قاتلي خلاص دوك نشوفلك حل
بصح قاتلي سيي حوسيلي شكون تبدل معاك بلاصة وانا ما ظنيتش يقبلو يروحو يقعدو مع هذاك الطفل كامل
ما فهمتنيش الشيخة قتلها كاينة وحدا راهي حابة تقعد معايا هي فهمتها راهي حابة تقعد معاه قاتلي خلاص دوك نشوفو ....دوك انا كيفاش نقنع الطفلة باش تقعد معاه علابالي ما تحبش علاخاطر قاتلي نورمال نقعد معاك انت

حًٱجَز≈ ٱلصِمتُـ ♥ · 2011-11-30, 16:38

و الله ملقيت وش نقولك اسـفهـ

fificendrion · 2011-11-30, 16:49

سمطيييييييييييييييه احسن حل للدكورا الي زيوووو

moi* · 2011-11-30, 16:53

يعجز اللسان عن الكلام

*الحواس* · 2011-11-30, 17:01

يوجد حل واحد فقط : إبحثي عن طاولة إضافية و إجلسي فيها و حدك لا يهم إن كانت في أخر الصف , لأن من له رغبة في الدراسة لا يعيقه أي شيئ ............... و أنا شخصيا كنت نحب البلاصة الأخيرة في القسم و الحمد لله كنت تلميذ جيد في دراستي وكنت نجيب المركز الثاني في النتائج خاصة في مرحلة الثانوية .

جسور المحبة · 2011-11-30, 17:39

قوليلهم يخلوك في الطابلة الاولى في الصف وحدك هك تقدري تبعي مليح وما يكونوش حذاك الذراري

هاجر 76 · 2011-11-30, 18:31

اول مرة نسمع بلى فى المتوسطة هوما يعينولكم امكان الجلوس حاجة غريبة المهم انا راى اختى من راى الاخوة اجلسي وحدك فى الوراء وهاك تنحل المشكلة

hamzagolf6 · 2011-11-30, 19:52

ربي يعينك يختاه انتي درتي اهمية للموضوع كثر منو
روحي اقعدي في الطابلة لولة مام وحدك وكي يجي يقولك بلاصتي ديريلو حالة وقوليو واش بلاصتك هاذا مكتوبة باسمك

**ابتسام** · 2011-11-30, 20:08

كي تصيبي ماديري جيبي طاولة من قسم اخر واقعدي في الاخير ربي يوفقك

yacine2013 · 2011-11-30, 21:02

شوف اخي نعطلك وحد البلاص هايلا
.............
او
جيب طابلا او ريح كيما صبور وحد ماقلقك

............

الياس خلاف · 2011-11-30, 21:31

السلام عليكم
انصحك بتفادي هؤلاء التافهين صح يحبو يحكيو و و و وبصح مكان من دعوتهم والو
شوفي بلاصة تقدري تشوفي منها الصبورة مليح وتسمعي وش يقول الاستاذ حتى لوكان الاخيرة وفكيك منهم ، متخزريش فيهم اصلا و مع الوقت يعرفو قيمتك يوليو يشوفوك يحشمو

ربي يوفقك ويثبتك على طاعتو ويحميك من كل هؤلاء

السلام عليكم

كَـآهُو · 2011-11-30, 21:42

يا اختي راكي في وضع معقد شويــــــــــــة

شوفي ماتديريش على كلام الدراري وخاصة هاداك الي هدرلك على الحجاب و بعدي عليهم قد ماتقدري . بينيلهم بلي نتي رزينة وماتتفاعليش مع امور تــــــــــــــــــافهة و كوني صارمة وقوية في نفس الوقت و بدلي المكان ديالك مام ادا قعدتي وحدك المهم مشي مع الدراري و اناا والله غير حرت فهاد الاساتذة الي يقعدو البنات مع الدراري

و ادا مالقيتيش حــــــــــل بدلي القســــم الي يكونو فيه صحاباتك المهم يكون ارحـــــــــــم من القسم الي راكي فيه درك و ان شاء الله هاد الامور ماتأثرش على قرايتك

تحياتي

بلبلة الجزائر · 2011-11-30, 22:00

ابلغي المراقب العام او الاستاذ الرئيسي للقسم

او احضري طاولة من القسم المجاور في وقت الساحة و خليهم يعوموا بحرهم او تحولي من هدا القسم

فاطمة_26 · 2011-12-01, 10:28

المشكلة تضحك وفكرتني في يامات الصغر كي كنا نتضاربو على البلايص ومازال يقعدوكم مع الدراري حنا كنا كي نقباحو يقعدونا مع الدراري

هيام الجزائر · 2011-12-01, 10:55

ياختي وش بيك لوكان جيت نخدم في المتوسطة ديالكم ولله غير إلى خرجتهم في الجريدة الخبر اليومي
أنا كنت نفضل نجمع مع الولد أكثر من البنات من أولى إبتدائي إلى المتوسطة لاخطرتش كنت كلمة زوج نععطيه صفقة لوجه
مع البنت تروخ تخبر باباها ولولد يحشم يخبر حد ......عليها كنت عايشة وكلمتي هي الولة يعني زوج ولاد قدامي يهدرو ولا ورايا
نتلفتلهم ونقلهم بحرف واحد بلعو علينا ولله وبربي غير يسكتو وإلى ما سكتش نقولو صح من بعد نتفاهمو هههههههههههههههه
ورئي معاك الحل الوحيد بدلي ثم بدلي ثم بدلي لكلاسا وربي معاك