من فضلكم مساعدة

أم أسرار · 2011-11-28, 14:57

بسم الله الرحمان الرحيم
أطلب منكم و صفة خبز الدار تع ناس قسنطينة لي فيه ماء الزهر و بياض البيض إذا أمكن مشكورين مسبقا

** موحدة 02 ** · 2011-11-28, 19:22

كون جيت نعرف كون وريتك.انشاء الله القسنطينيات يعاونوك

أم أسرار · 2011-11-29, 14:13

اقتباس:

المشاركة الأصلية كتبت بواسطة takwa

كون جيت نعرف كون وريتك.انشاء الله القسنطينيات يعاونوك

بسم الله الرحمان الرحيم
مشكورة على المرور و على الإهتمام

janna · 2011-11-29, 16:45

انا منيش قسمطينية بصح نحاول كيلي قيس خبزة دقيق ديريلها بياض بيضة خميرة الخبز بسيها بالزيت ملح جلجلانية سينوج بلي لعجينة بحليب دافي وماالزهر حطيها ترتاح اعجنيها حتى تترخف قرصيها في سينيت الفور الدهنيها بصفار بيضة زيدي فوقها الجلجلانية كي تخمر طيبيها و الله اعلم

أم أسرار · 2011-11-30, 11:39

بسم الله الرحمان الرحيم
مشكورة أختي janna على المرور و على الوصفة و المجهود جزاك الله كل خير

ام ظافر · 2011-11-30, 12:20

اختي اعملي الدقيق والزيت افركيه مليح بيدك ومن بعد حطيلو الخميرة المنفخة في الماء واعجنيه مليح وحطيه يطلع ومن بعد ما تتخمر حلي الملح في شوي ماء دافي وارجعي اعجنيها بهذاك الماء مالازمش تجي جارية بزاف ومن بعد كي تكملي الملح زيديلها 2 بياض البيض الي خلطيه من قبل وابداي اعجنيها بالحليب او ماء الزهر حتى تحصلي على القوام الي لازم يكون طري شوي
ومن بعد حطيها في البلا وادهنيها بالاصفر وذري عليها السانوج او الجلجلان وخليها تطلع مليح وطيبيها

bassamat · 2011-11-30, 16:28

اختى ديرى الدقيق و الملح و الزرارع
بسى بالزيت ثم حلى الخميرة فى الماء ة و ضفيها وبلى بالماء و اعجنى فقط كاول مرحلة
و خليها ترقد و من بعد طريها بالماء مضاف ليها الماء الزهر قبل ما تحبسى بعشرة دقائق اضيفى بياض البيض و عصرة تع قارص و مغرف اكل سكر و كملى اعجنى راهى تعود تترطق معناها جاهزة
قرصيها و خليها تتطلع ادهنيها بالصفار و من الفوق الجلجلان و دخليها الفرن

miri_27 · 2011-11-30, 17:29

عذرا انا من الوسط لكن جربي طريقة بسمات راهي علامة في الكوزينو و إدا جاتك ابنينة قوليلي باش انجربها ههههههههههههه