للعارفات بالامر افيدوني

[رحيق الايمان]

السلام عليكم حبيت نخيط صالون ماروكان وحدة عادية بالطراحة الي فيها الاورقانزا يسمى اوس و 2 مخاد و 2 زاكودوار نفس المودال واحد قالي نخيطهولك ب 650الف واخر ب750 الف و الاخير قالي ب950 الف للعلم نفس نوعية القماش عند 3 قالولي الاوني الميترا تاعو ب 90 الف و الاحر المورد الميترا ب 65 الف تعيشو للخياطات تاعنا الي موالفين يخيطوهم يقولولي الا سومتهم تخرج من 3 الي قالولي وزيد 3 خدمتهم متقونة لهذا حرت في الفارق بيناتهم والا كانو معانا هنا خياطات من ولاية تبسة يقدرو يخيطولي ماذابيا نتعرف عليهم
تحياتي

[maiar]

ان شاء الله يفيدوك الاخوات انا تاني حرت فيه مي قلت كي نشري القماش نخيطو عند مول المحل لي شريت من عندو والسومة هنا من 7000دج للمطرح و معاه الملحقات تاعو حتى ل 9500 دج

اذا ممكن ايمان واش من لون رايحة تديري لاني حرت لان لازم الريدو و الكاش ريدو يخرج عليه

[رحيق الايمان]

المشاركة الأصلية كتبت بواسطة maiar

ان شاء الله يفيدوك الاخوات انا تاني حرت فيه مي قلت كي نشري القماش نخيطو عند مول المحل لي شريت من عندو والسومة هنا من 7000دج للمطرح و معاه الملحقات تاعو حتى ل 9500 دج

اذا ممكن ايمان واش من لون رايحة تديري لاني حرت لان لازم الريدو و الكاش ريدو يخرج عليه

والله يا لعزيزة انا الصالون هبلني كل واحد كيفاش يغنيلي راني حابة نديرو في البلو اني عجيني قماش بلو و يبريي و ندخل معاه قماش اخر فيه البلو و مخلط بالنسبة للكاش ريدو انا قالولي 2 م و سامبل يخيطوه بمليون و 700الف ما نكذبش عليك ما نيش دايرة كاش ريدو لاني راح نسكن في دار مؤقته يعني من بعد ما نعرفش الطاقة تاع الصالة كيفاش تكون والمرة الي فاتت لقيت واحد الكاش ريدو يتباعو جاهزين عجبوني ب350الف قلت بلاك نشري منهم زوج ديباناج حتى يفرج ربي و نخليهم للشمبرى و نخيط نهارها واحد للصالون تاعي

[sarsoura23]

نقلك امان ديري عند تع 750 يعني المتوسط فيهم