الى الأخ ريان و الأخت خديجة البليدية

جمال لعروسي · 2010-10-27, 14:13

السلام عليكم إخوتي الكرام : الله يعيشكم، هل فتحت الكابا 2011 في البليدة ؟؟ و متى ستفتح ؟؟ و هل من جديد حول الماستر ؟

ربي يحفظم و جزاكم الله خيرا

خديجة البليدية · 2010-10-27, 18:25

ايه واش نحكيكلك اليوم رحت لجامعة البليدة الكابا مازال مفتحوهاش والماستير راهم يقولو الاسبوع الجاي يبان كلش .وطلبة l md دايرين اضراب غالقين كامل الكلية اولوكان تسمع بالمطالب نتاعهم تقطع روحك افا افا افا افا افا .زعما نا اليوم رحت نجيب الدبلوم نتاع الكابا يخي كلش مغلوق حتى الاسبوع الجاي باش واقيلا يفتحو

rayane4 · 2010-10-27, 23:22

اهلا خويا جمال .......بخصوص الكابا ماني سامع والو كل سمانة راهي تجيب اختها وفي جامعة البليدة حطو اعلان قالوا فيه انهم يفتحوا الكابا نهار يصدر القرار من عند السلطات الوصية.......اما الماستر خويا فمن مصر صحيح كاين والسمانة الجاية يحطو الاعلان ليحب يسجل لانو غير اول البارح حطوا قوائم المقبولين في الماستر لطلبة ل.م.د...ومناصب ما كانتش بزززاف لانو راه يزيدو طلبة الكلاسيك على ذيك خلاولهم مكان ...............وعلى الاضراب استكوا برك راهي مغلوقة وهذا كامل على جال استاذ واحد برك ربي يهديه

وهذا الاعلان الي حطوه في قسم الكفاءة المهنية في البليدة

جمال لعروسي · 2010-10-28, 09:35

ربي يحفظكم خديجة و ريان، إن شاء الله يفتحوها، راهي مخلطة قع، ما كان حتى نظام،
يعطيكم الصحة خاوتي، و بإذن الله تستقيم الأحوال ^^

lona-99 · 2010-10-28, 21:43

لا افهم هذا التاخر.الله يجيب الخير