منصب الشغل الغير مستقر

FM 18 · 2011-11-25, 10:44

السلام عليكم،

أنت عامل مؤقت(contrat)، هل تتزوج ؟؟؟

تقدم لخطبتك عامل مؤقت، هل توافقين (مع العلم أنه في أي وقت سيتوقف عن العمل) ؟؟؟

الواثق · 2011-11-25, 10:58

وعليكم السلام ورحمة الله
بالنسبة لي لم اعرف حتى الان معنى عمل مستقر .......................وانا اعلم ان الزواج احد مفاتيح الرزق .........كي نكون مزوج ساعتها نخمم غير في الخدمة ............ماشي العكس ............... كي اغلب الشباب لاخدمة لاوالو النهار كامل يعدل في روحو وكل دقيقة قاعد في شارع او قهوة ويمتع في عينيه....................................والله المستعان ..........................ونعرف بزاف الشباب راهم مزوجين ومعندهمش عمل مستقر ولاباس عليهم كي تشوفو تفرح لعلامات السرور والسعادة في وجهه

نسائم الهدى · 2011-11-25, 11:33

من وجهة نظري
وحسب الواقع الذي عايشته ولاحظته
لا يهم العمل المستقر بقدر ما يهم أن يكون الرجل أرgــــــــاز صّح يشقى ويتعب ويجيبها من فم السبع وما يقعدش في الدار يستنى الرزق يوصل لفمه
هدا هو المهم apar ça حتى حاجة اخرى ما تهم لأنوا الرزق على ربي سبحانه وتعالى
واللي يرضى بالقليل يعيش سلطان زمانوا
سلااااااااااااااااااااااااام

مشكاة الهدى · 2011-11-25, 11:41

تقدم لخطبتي عاطل عن العمل قبلت به رغم ظروفه الصعبة
لكنه تراجع في اخر لحظة عن الخطبة وتركنا ننتظر
بسبب خارج عن ارادتي

لدلك جعلت العمل مم جدا لمن يتقدم لخطبتي ولست اشترط عمل مستقر لا يهم المهم كما نقول نحن هنا
خدام حزام
يعني يشمر على ذراعو ويجيب الخبزة

maiar · 2011-11-25, 12:03

اخي ليس الكونترا برك لي تعتبر عمل غير مسقر حتى الذي يعمل تاجر في رزق باباه قادر يجي نهار و يخرجو يا باباه يا اخوتو

آثار طعنة · 2011-11-25, 17:44

الارزاق بيد الله

علاه لي يخدم بالشهرية ضامنها طول عمرو

وحدو ربي العبد ماهوش ضامن عمرو حتى يضمن رزقو

المهم الراجل ايكون فحل وياكل خبزة حلال

ولمرا ثاني لازم اتكون قنوعة وطول اتشوف لي تحتها ماشي لي فوقها

FM 18 · 2011-11-29, 10:00

هناك من تقول تأكل الخبز اليابس و الماء لكن لما تصبح أمام الأمر الواقع تبدأ بالشكوى و و و ...

النجمة القطبية · 2011-11-29, 23:12

والله ان وجدت فيه كل ما اتنمناه من صفات واخلاق وتحمل للمسؤولية
طبعا اقبل
اولا ثقتى بان الله سبحانه وتعالى سيرزقنى وثقتى به ستدفعه للامام
وربى يعلم

رحيق الايمان · 2011-11-30, 08:58

الحمد لله تقدم لخطبتي رجل بعمل مؤقت و لكن فيه جميع المواصفات التي اريدها ومن اهمدا انه مثابر و خدام ماش من النوع الي يقول انا عندي مستوى كون ما نخدمش بشهادتي ما نخدمش و يخدم واش لقى قبلت بيه دون تردد و ربي يكمللنا بخير من خلال شهريته الضعيفة قدر يوجد روحو و يوفر السكن الي يبني فيه بيده لانه في وقتنا هذا العمل اصبح عملة نادرة و زيد اغلب الشباب ولاو يتكبرو على الخدمة بحجة انها ماش مستواهم و نساو انه عمي بن بوزيد الله لاتربحو الباك مده لكل من هب و دب يسمى الجزائريين كامل بمستوى جامعي و منه الفرصة في العمل تنعدم

عوماري · 2011-12-01, 13:31

اقتباس:

المشاركة الأصلية كتبت بواسطة رحيق الايمان

الحمد لله تقدم لخطبتي رجل بعمل مؤقت و لكن فيه جميع المواصفات التي اريدها ومن اهمدا انه مثابر و خدام ماش من النوع الي يقول انا عندي مستوى كون ما نخدمش بشهادتي ما نخدمش و يخدم واش لقى قبلت بيه دون تردد و ربي يكمللنا بخير من خلال شهريته الضعيفة قدر يوجد روحو و يوفر السكن الي يبني فيه بيده لانه في وقتنا هذا العمل اصبح عملة نادرة و زيد اغلب الشباب ولاو يتكبرو على الخدمة بحجة انها ماش مستواهم و نساو انه عمي بن بوزيد الله لاتربحو الباك مده لكل من هب و دب يسمى الجزائريين كامل بمستوى جامعي و منه الفرصة في العمل تنعدم

عندك الحق اختي
المهم هو الكسب الحلال

حسينة 36 · 2011-12-01, 14:25

المهم تراس ويخدم ما يتكلش على الغير

FM 18 · 2012-01-11, 07:59

خلونا نكونو صرحاء
هل العامل في الشبكة أو العقود بامكانه فتح بيت ؟؟؟