مقاسات كفرولي السموكس..ممكن

[النايلية الأصيلة]

السلام عليكم ورحمة الله وبركاته
بنات ممكن تفيدوني بمقاسات كفرولي السموكس
نتاع الياسمينة وحابه تقولولي مقاس المربعات وشنهو الي احلى نتاع 2 ولا3.....و4
وانا لقيت قماش الستان روايال بقيمة 25دج ممكن يساعدني في الكفرولي

هذا هوا الي حابه نخدموا بليز ساعدوني

[samourati]

اختي انا تاني باغية نعرف المقاسات
يا البنات الفحلاااااااااااااااات svp عاونونا

[رغدة الفلسطينية]

السلام عليكم اولا اختي العزيزة القماش المستعمل هو ستان مروكي ( atan marocan) والقماش يتباع ب 250 دج وهو الي يجي انسب لهادي الغرزة قماش ستان روايال واقف ما يساعدكش في الخدمة بالنسبة للمقاسات لازم انتي تجربي في قماش صغير وتسطري فيه وتشوفي الي تعجبك فيهم ديريها الصورة تاعك ما خرجتليش باه نفيدك مع خالص تحياتي

[النايلية الأصيلة]

وعليكم السلام ورحمة الله وبركاته

شكرا لك كثيرا أختي رغدة الفلسطنية ,انا رحت للمحلات وفهمت أسماء الاقمشة وحسيت المروكي أحسن شكرا لك مرة ثانية

[mayam]

أريد المقاسات من فضلكم\\\\\\\\\\\\\\\\\\\\\\\\\\\\

[hana14]

مساء الخير ماهوش شرط ديري ستان ماروكان انا درتو بالستان العادي الكوفرولي يهز 8 متر وحدو بلا الفولون بمعنى 4متر لاصقا مع 4متر اخرى باه تعطينا العرض

[النايلية الأصيلة]

شكرا حنان لك كل التوفيق لقد سألت وجبت المقاسات
وكمان بنت خالتي كانت حابة تخدم مثلوا وشريتلها 12 مترا 8 أمتار مثل ما قلتي للكفرولي و2 أمتار للفولون المستف ومخاد 1متر اي 2 مترات ل 2 مخاد المجموع 12 مترا
وبالنسبة للأقمشة شريتلها رويال
وأنا بالنسبة ألي حسيت قماش ستان مروكي يناسب ويكون أحلى ويساعد في العمل
اي استفسار أنا حا ضرة وشكرا لكم

........بالتوفيق لكم بنات.....

[hana14]

السلام عليكم اختي النايلية اذا ممكن تقوليلي بشحال يخدموهم ربي يحفظك

[النايلية الأصيلة]

وعليكم السلام ورحمة الله وبركاته

أختي حنان أنا لا اعرف بالضبط كم بصح عندي سنوات ما سألتش بصح كانت المخدة الوحدة 60 دج

[مامارجاء]

النايلية

باين عليك انتي فعلا فحلة

علاش باسكو راني نتبع في كل وحدة هنا في هاد المنتدى

لاحظتك تحبي تساعدي النا س بزاف و هذه ميزة مليحة فيك
ربي يحفظك و يمد لك على حساب النية نتاع قلبك


قولواااااااااااااااااااااااااااا امين رب العالمين

[hana14]

صباح الخير اختي النايلية راني قاصداتك ربي يفرج عليك عونيني.شوفي عطاتني طفلة قماش انا نطراسيلها وهي تخدم ومانيش عارفا يشحال نقيمهولها.عاونيني ربي يرزقك

[مرام 1987]

السلام عليكم جميعا
اختي النايلية تعيشي شحال تدي المخدة في الطول والعرض باش نخدم كوفرولي تاع غرزة السموك بالمقلوب
يعني هذيك لي نعملوهم مربعات و من بعد نحشيو المربعات لي فارغين بالصوف الاصطناعي
مانيش عارفة اذا راكي فهمتيني بصح انشاء الله تفيديني
جزاك الله الف خير انشاء الله.

[مرام 1987]

ايه هذا وين بانتلي لا فوتو تاعك انا حابة نعرف المخدة شحال فيها في الطول والعرض

[النايلية الأصيلة]

المشاركة الأصلية كتبت بواسطة مامارجاء

النايلية

باين عليك انتي فعلا فحلة

علاش باسكو راني نتبع في كل وحدة هنا في هاد المنتدى

لاحظتك تحبي تساعدي النا س بزاف و هذه ميزة مليحة فيك
ربي يحفظك و يمد لك على حساب النية نتاع قلبك


قولواااااااااااااااااااااااااااا امين رب العالمين

الله يخليك ليا يارب وأنا يشرفني أي نكون متل بنتك والله كلمة الف شكرا ما تعبرش الي فقلبي والحمد الله أنا نحب كامل الناس ونحب نساعدهم ومهما جرحوني دايما نسامحهم ودعيلي دايما يكون قلبي هاك وربي يحفظك

[النايلية الأصيلة]

المشاركة الأصلية كتبت بواسطة hana14

صباح الخير اختي النايلية راني قاصداتك ربي يفرج عليك عونيني.شوفي عطاتني طفلة قماش انا نطراسيلها وهي تخدم ومانيش عارفا يشحال نقيمهولها.عاونيني ربي يرزقك

اهلين حنان ان شاء الله تكوني لاباس وانا اسفة على التاخير شوفي انا مانيش عارفة وشنهوا المقاس وواذا كنتي قاصدة هدا الكوفرولي حاولي تساعديها فيه لانوا يدي كتير من القماش والشغل فيه طويل وخاصة الرسم
وكل ما عاونتي صدقيني تلاقي الخير ربي يعاونك ان شاء الله
ويشرفني ان تكوني صديقتي