مهزلة اعفاء المتخرجين 2008/2009

[العربي عمروش]

بعد اشهر من الانتظار وبعد أن اعطونا الاستدعاءات للحصول على الاعفاء في اطار قانون تسوية الوضعية .... ذهبنا الى مكتب الخدمة الوطنية اليوم .... فاكتشفنا الكذبة والمهزلة ..... لقد قالو لنا [ان طلباتنا مرفوضة لأنه وصلتنا استدعاءات ...... والمحير في الامر هو كيف لمن تخرج منذ 2008 او 2009 ان لا يصله استدعاء طوال الفترة الممتدة الى غاية 2011
المهم اننا اكتشفنا انهم فقط يخدعوننا ويكذبون علينا .....لتضيع امالنا في التوظيف ودخول مسابقات التوظيف ولتتواصل محنة البطالة والعطالة بعد سنوات الدراسة الجامعية التي ضاعت هي الاخرى هباءا منثورا ....
وفي الاخير ما يسعني الا ان اقول حسبي الله ونعم الوكيل

[economica]

لاي ناحية عسكرية تنتمي اخي؟واي سنة تخرجت فيها؟وهل لمعاك كامل قالولهم نفس الشيء ولا انت فقط؟

[mouh 05]

يا خويا العزيز لكان خرجلك اوردابال و انت مكنتش تحوس عليه انت لي تتحمل الخطأ هو عليه يرسل الاستدعاء و انت دبر راسك تروح للجدارمية يجيبوهلك هوا ما يهموش المهم ماتهزش لوردابال تاعك في مدة 15 يوم يرجع ليهم و يحسبوه عليك راح تقولي لم اسجل التسجيل يكون تلقائي هكا صرات لمعظم الاخوة خرجولهم دي اوردابال ووصلو حتى ل 3 و هوما ماعلابالهمش يا خويا اسمحلي مي انت تتحمل المسؤويلة ماشي هوما لانو كون حوست على لوردابال تاعك راك ضرك متهني و تم قبول ملفك

[mouh 05]

و ربي يفرج عليك و علينا اخي و الصبر و فقط

[demi3233]

شحال خظرة خرجتلك

[khiro08]

لكن يا أخي عندي صاحبي خروجلو أوردابال واحد وداها نورمال منطقة الخامسة

حدد لنا أكثر وضعيتك و المنطقة التي تنتمي اليها

[HAKIM HA]

السلام عليكم و رحمة الله

اصبر اخي برك انا متخرج في 2009 و دركا راني نفوت فيها

في مارس ان شاء الله نخرج و راهي فاتت

و زيد راهي رجعت عام برك

الله يجيب الخير

[المارد الجنوبي]

يا اخي تسوية الوضعية لا يعني الاعفاء

[khiro08]

لكن أخرين يعطيوهم و أخرين لا

[homiros]

أنا متخرج 2009 عندي 25 سنة عندي إستدعاء واحد في سبتمبر 2010 وضعت ملف الإعفاء الخاص بخريجي 2009 في 19 جوان 2011 وأعطاولي إستدعاء 25 أكتوبر كوليت ليهم جددوا لي الإستدعاء 25 ديسمبر هل ممكن إيمدولي البطاقة ولا لا و شكرا

[hichame47]

يا جماعة نص القانون صريح و يقول انو كل واحد مكمل دراستو قبل ديسمبر 2009 و ماراهش في محل بحث من طرف مصالح الامن عندو الحق في الاستفادة من القانون
ما فهمنا والو
انا نحاولي الاستدعاء و قالولي غادي يبعثوني للمحكمة العسكرية بحجة العصيان مع العلم اني لست في محل بحث من طرف مصالح الامن je ne suis pas recherché
و هذا كامل لاني جاتني امر بالالتحاق و ما رحتش
و السوال المطروح و علاش اعطاوني الاستدعاء ف المرة الاولى مادام رني عاصي؟
كيفاش في جوان شملني القانون و في اكتوبر ما يشملنيش ؟
الي عندو نفس الحالة ماذا بيكوم يفهمنا واش قالولو بارك الله فيكم

[homiros]

هل صحيح أن من خرج له إستدعاء ليس له الحق في الإستفادة من قانون إعفاء خريجي 2008+2009

[hichame47]

راهم يقولو لي عندو امر بالالتحاق لا يستفيد من لقانون بمعنى اخر الاغلبية الساحقة لا تستفيد

[le parrain]

السلام عليكم يا إخوة لازم نتكاتفو و نشتكو للرئيس مكان ما نبقو نندبو في زهرنا لازم نبعثو برسالة للرجل الأول في البلاد هاذي راهي قضية مصير و مستقبل أنا عندي صاحبي كان خاطب و بسبب هذه المهزلة فسخ الخطوبة خشية أن يربط معاه مصير بنت الناس أليس هاذا حرام خلونا نشوفو حياتنا لا خدمة لا دار لا مستقبل و يقولولنا الخدمة الوطنية

[khiro08]

المشاركة الأصلية كتبت بواسطة le parrain

السلام عليكم يا إخوة لازم نتكاتفو و نشتكو للرئيس مكان ما نبقو نندبو في زهرنا لازم نبعثو برسالة للرجل الأول في البلاد هاذي راهي قضية مصير و مستقبل أنا عندي صاحبي كان خاطب و بسبب هذه المهزلة فسخ الخطوبة خشية أن يربط معاه مصير بنت الناس أليس هاذا حرام خلونا نشوفو حياتنا لا خدمة لا دار لا مستقبل و يقولولنا الخدمة الوطنية

واش من مشكل ليك معاهم باش نفهمو القضية ونعرفو واش صاري
أحكي بالتفصيل