مهزلة كبرى في مركز الامتحان بعنابة

[اصيل الشرق]

اغلب المترشحين غشوا في مسابقة مفتش رئيسي للضرائب تواطئ من الحراس

[سراج الندى]

صح أنا شاركت في المسابقة في عنابة و شفت بعيني، خلاونا نقلوااااااااااااااااااااا

مساكن حبوا يدريوا فينا مزيا و يعونونا ، هم يبكي و هم يضحك.....................................

حسيت روحي نعقب في امتحانات تع جامعة لي نقلوا فيها باي طريقة المهم يعاونوا بعضاهم و يكتبوا ، تحير في العقلية..........يعني جاوبوا صحيح؟؟؟

أصلا........... المسابقة هذي فيها غش كبير هذي المرة لانوا سمعت بلي لي عندهم كونترا في الضرائب راهم معولين نجحوهم

يعني التلاعب الكبير راهوا مازال و راح يكون في الامتحان الشفاهي................

لأنوا الامتحان الكتابي تنجح فيه اذا جبت معدل 10 و حسب الشوفى الناس كل جاوبت و نقلت والاسئلة كانت مباشرة...........

خسارة انا محدرتش مليح لهذي المسابقة كانت فرصة كبيرة خاصة انوا نص الغاشي مسمعش بيها لانوا الاستدعاء هزوه غل لي عندهم اتصال بمدرية الضرائب و عندهم شكون لي قلهم عليه..............

[اسرار البحر]

احنا في مركز بليدة الحراسة مشددة

[اسرار البحر]

زعما تحت معدل 10 ميفوتش ؟

[ana-125]

المضحك في الامر انو هذاك مجرد غطاء وصايي اما القائمة فهم ناس ماحضروش خلاص للامتحان هذا موصي عليه الوالي واخر ضرب عليه المدير الولائي للامن والاخر المهم القائمة الناجحين قاع تاع انترفونسيو ولد القليل مايعطولوش مفتش ضرائب

[shakip39]

هههههههههههه يا وفهم شوية معايا كيما اللي نقلو كيما اللي منقلوش مش راح تنجحوا قائمة الناجحين راهي محسومة من قبل

[سراج الندى]

ياههههههههههه عديك اوراق المتحان محسوبة و لي يحب يعاود و لا يزيد ورقة ما يمدلوش ورقة زايدة منعرف هذي سياسة المدرسة ولا كاين حاجة خلاف لانوا الحق الامتحان عدى مش طبيعي خلاص.............

[ميساء23]

برايي هناك شيئ غير منطقي في هده المسابقة عمركم شفتو واحد يفركت على خدمة يروح يغشش واحد ما يعرفوش اصلا مامبا صاحبو هده مسابقة للتوظيف مشي امتحان دراسي المهم فيه الناس كل تنجح من المفروض انو كل واحد يحب يجاوب خير من لوخر ماشي يمد الاجابة تاعو لغيرو شيئ محير فعلا

[RABI]

انا عقبت في الجامعة تع عنابة وراه ترفيك كبير
تقول عليه فاعد تعقب في امتحان
ولا الي قاعدين يعسو علينا كارثة عظمى كل واحد يشوف مع روحو وهم مزالو موصلوش حتى ليسانس
ولا التنقال حدث ولا حرج خسارة على الناس الي جات من تبسة وام البواقي

[pro24]

اقول اخي انا عقبت في عنابة بصح المشكل ماشوا في العسوا المشكل في بعض التسابقين تراهم يتذللون الى اشخاص الحراسة فمثلا شخص امامي طلب من حارسة ان تتركه يغش فقالت غش على روحك لكن كل واحد على ماذا تربى وبماذا يؤمن وانا الحمد لله اومن بمقدراتي فأنا عقبت مسابقتين نتوكل على الله ثم نفسي فان انا عرفت فالحمد الله أكتب واذا لم أعرف الاجابة فلا أكتب أي حرف واخرج والحمد لله لإأنا أمومن بما كتبه الله لنا ,اعرف أن كل ما كتبه الله لنا في هذه الدنيا خيرا

[hichem244]

السلام عليكم
انا فوتت في عنابة مهزلة الناس دارو حالة بالتنقال عيب كبير عليهم
القسم راه على ربي وادا كان ربي مكتب لك منصب مش راح يديه اي واحد غيرك توكلو على ربي و امنو بالمكتوب

[hichem244]

في الدنيا هادي ما تدي غير اللي كاتب لك من عند ربي نقل ولا اقعد

[zizou123456]

أجيال المستقبل الذين سيقودون عجلة الاقتصاد و السياسة و المجتمع ... قال رسول الله صلى عليه وسلم : من غشنا فليس منا .. صدق رسول الله .. حديثه واضح و صريح .. صلوا على رسول الله و من عنده اعتراض فليعترض على كلام الحبيب صلى الله عليه و سلم..

[louna21]

انا عقبت في عنابة في الاقسام مكانش تنقال بصح في المدرجات دارو حالة بالتنقال !ي ليهم لينا ربي٠

[wahabnano]

المشاركة الأصلية كتبت بواسطة louna21

انا عقبت في عنابة في الاقسام مكانش تنقال بصح في المدرجات دارو حالة بالتنقال !ي ليهم لينا ربي0

السلام عليكم
الى الاخت التنقال قي الاقسام دار حالة وحاجة أخرى والشخص لعندو مبدأ وطموح عمرو ماينقل فيما يخص المدرج 5و6 الحراسة كانت مشددة ولينجح مبروك عليه .عنابة 20منصب على 56 مترشح
ربي يهدينا ويرزقنا لحلال ان شاء الله