يمكننا ان ننجح ولكن من فضلكم لحظة|||>

[sobhanallah_18]

السلام عليكم ===>
انا طالبة في السنة النهائية ..ادرك ان هناك مشكلة تلازم كل الطلاب النهائيين دون استثناء
وهي الضغوطات الممارسة من طرف العائلة او المحيط او الاصدقاء
فمثلا قول الاب= اذا ماتجيبش الباك والله ماتعاود علاه انا نطيش في دراهمي ليكور وطالع هابط في اللخر ماتديش
او مثلا قول االام= انا اني عمبالي بلي ماكش رح تديه الباك لا نقلق روحي ولا نكسر راسي

ومنه ..ارجو من كل الطلاب ان يتحدو مثل هذه الاقاويل وان لا يخافو بل اجعلوها محفز لكم
ارجو من زملائي الطلاب التفاعل معي و من الاساتذة وباقي الاعضاء اعطاؤنا نصائح وارشادات لنتخطى مثل هذه المعرقلات او ما بين قوسين )الفزاعة(

[ملاك الامل]

انا حقيقة جامي قالولي هكة بالعكس يشجعوني ويقولولي اذا ما ديتيش ما هيش نهاية العالم...........................

[sobhanallah_18]

والله هادم هوما الوالدين العاقلين اللي يعرفوا مصلحت ولادهم ربي باركلك فيهم لكن انا نهدر على الستراس يعني جامي خوفوك من الباك؟

[سندريلا SF]

شوفي اختي انا ماجبتش باك 2011
كانوا والدي يقولولي واش فيها اذا ماجبتيهش ماهيش حتفنى الدنيا و نورمال و يقولولي عاوديه و جيبيه بمعدل مليح خير
رجعت نستهزا و قلت واش فيها ادا ما ديتش و انا قسما بالله اني من اوائل المؤسسة و كيما حطيت هاد الفكرة في راس طفرت فيا
و دوكا والدي يزيرو عليا و ندمت على النهار اللي ماديتش فيه الباك و النهار اللي ستهزيت رجعت نقول كون غير زيرو عليا
و لهذا الضغط راه محفز باه تجيبي الباك

[سندريلا SF]

فمكن الضغط يلعب دور ايجابي

[عش حلمك]

انا الحمد لله ماراهمش يضغطوا عليا

[oglate]

المهم الانسان يكون ناجح في حياتو حتى لو مداش الباك راح ينجح في حوايج خرين تعود عليه بالمنفعة نشالله

[sobhanallah_18]

مشكورين على المرور ..والله نصائح قيمة وفعلا الوالدان مدرسة