مسرحية الاصلاحات الى اين............؟

[حمزة البوعزيزي]

<h6 class="uiStreamMessage" data-ft="{&quot;type&quot;:1}">

مسرحية الاصلاحا ت م

تأليف :drs
اخراج: الجنرالات
تمثيل :الفتان والنجم اللآفل بوتفليقة وفرقة قردة المسرح أويحي والديكور السياسي
ديكور :الشروق والنهار
موسيقى تصويرية ومؤثرات :الفنانة القديمة "اليتيمة "

واش رايكم فيما اسماه بوتفليقة -طبعا بتوصية من الجنرالات -"الاصلاحات السياسية الجدرية القادمة " بمشاركة احزاب الائتلاف والمعارضة المزيفة ؟؟؟

واش هو الكارت الجاي الي راح يلعبوه في هاد المسرحية الهزلية :
تعديلات برلمانية ولا دستورية ولا وزارية في حكومة اويحي ولا ممكن يلعبو لعبة كبيرة ويضحو بأويحي وحكومته ويحلو البرلمان ؟؟؟ في كل الأحوال المسرحية مازالها مستمرة حتى لو تغيرو الأبطال بما فيهم بوتفليقة و راح تظل سيناريو بائس من تأليف واخراج الجنرالات و ال drs لكن هاد المرة نتمناو الجمهور يكون صاحي ومايرقدش في نص المسرحية ومايهفوهش بالديكور البالي انتاعهم ولا الاضاءة المفبركة الي توفرهالهم صحافة "المزمار والطبلة " ولاحتى بالأداء الدرامي التقليدي للأبطال--لكن انقولكم على حاجة مهمة رغم ان الحبكة الدرامية للمسرحية تعيسة لكن فيها فصول مضحكة ومنها انو أبطالنا هادي شهور وهوما يأكدو بلي "الجزائر لا تعاني أية أزمات لا سياسية ولا اقتصادية ولا اجتماعية " ودوكا راهم يوزعو تداكر مجانية للشعب الجزائري كافة لمشاهدة "مسرحية الاصلاحات " وكاين فصل واحد اخر راح يقتلكم من الضحك قالولنا حوار موسع مع كافة الأطراف السياسية ومن بعد أعلنو أن الحوار راح يكون بمشاركة أحزاب الائتلاف والحكومة وشخصيات وطنية معروفة ب "النزاهة في التشيات "يعني النظام راح يمتعنا بمنولوج مسرحي ساخر رائع ممكن يكون تحت عنوان "حوار مع الدات " يعني باختصار يا خاوتي راح نستمتعو بمسرحية تجمع بين الحبكة الشكسبيرية والشك الجدلي الديكارتي والسرد المولياري وممكن يزيدو عليها خرجات سنمائية وكانش واحد من المؤلفين يخرجلنا خرجة وسترن كيما كلينت استود ويوريلنا العين الحمرة في اخر المسرحية ويقولنا "الا معجبتكمش هاد المسرحية نعيدو عرض مسرحية العشرية السوداء "ويسدل الستار لكن ردو بالكم في هاد المسرحية الجمهور هو المطالب بالانحناء --الي عنده استعداد للانحناء يقعد يستنى لاخر المسرحية والي عايش بمبدأ"موت واقف " يخدم معانا لخاطرش بصراحة ظهورنا ضرونا من كثر الانحناء ويدينا طابو من التصفاق

</h6>