الفحلة تساعدني

هندة السوفية · 2011-10-31, 22:00

السلام عليكم ورحمة الله وبركاته
بنات ونساء من فيكم تقدر تساعدني وتقدملي طريقة عمل المغمومة باللحم

douda21 · 2011-10-31, 22:03

اسفة اول مرة نسمع بهد الوصفة

هندة السوفية · 2011-10-31, 22:08

شكرا على الرد ان شاء الله نلقاو من يساعدنا

douda21 · 2011-10-31, 22:22

مغمومة

*المقادير:

· كيلو لحم هبرة مقطع الى مكعبات صغيرة .

· حبة بصل مفرومة .

· رأس ثوم متوسط الحجم مفروم .

· 4 الى 5 حبات طماطم .

· رطل بطاطا .

· معجون طماطم

· توابل , ملح .

· زيت .

· زيتون باللونين اسود واخضر.

· بقدونس .

· زيت للقلي .

· ورقتين رند .

*طريقة التحضير :

* نضع الزيت واللحم والبصل والثوم والطماطم والتوبل والملح ومعجون الطماطم وبعد ذالك نظيف كاس ماء ونغلق عليها القدر المضغوط ونتركها حوالي ربع ساعة الى ان تنضج وعندما تنضج نظيف لها ورقتي الرند والزيتون والبقدونس والزيتون .

*وفي الجهة المقابلة نقوم بقلي البطاطا .

* وفي الاخير نضع البطاطا اسفل الصحن وفي الجوانب ونسكب عليها المغمومة ونتحصل على طبق رئيسي غني بالبروتين .
*بالهناء والشفاء *

هندة السوفية · 2011-11-01, 12:40

ما شاء الله عليك
لكن كيفاش فلول قلتيلي حتى مرة مسمعت بيه
وفي 10 دقايق جبتيه
برافوا عليك

miri_27 · 2011-11-01, 12:56

أول مرة نسمع بيها عذرا عزيزتي

douda21 · 2011-11-01, 13:03

اقتباس:

المشاركة الأصلية كتبت بواسطة هندة السوفية

ما شاء الله عليك
لكن كيفاش فلول قلتيلي حتى مرة مسمعت بيه
وفي 10 دقايق جبتيه
برافوا عليك

\ايه ختي منعرفهاش اول مرة سمعت بيها بص حوستلك عليها في النت و عند عم قوقل و حبيت نعاونك

النويري · 2011-11-01, 13:10

ماهو الشيء المغموم في هذه الطبخة ؟

sofiane2075 · 2011-11-01, 13:46

اقتباس:

المشاركة الأصلية كتبت بواسطة النويري

ماهو الشيء المغموم في هذه الطبخة ؟

حسب الشرح البطاطا طبعا لانها في الاسفل شكرا لصاحبة الوصفة

هندة السوفية · 2011-11-01, 21:27

أختي أنا حوست عليها في القوقل ومنلقاهاش شكرا على العموم
الوصفة كالتالي
أعطتهالي صاحبتي وهي ماشاء الله في الطبخ
قطع لحم هبرة كبار
ثوم مقطع دوائر
بطل مقطع
توابل
ملح
تقلى جميعا
يضاف اليها كأس ماء
وتترك تطبخ على نار ضعيفة جدا
مع تغطية الاناء وليس شرط غلقه
وعندما ينضج اللحم
ويطلق ماءه
نضعه في صحن ونضع عليه شوي بصل مقطع رقيق ومعدنوس
بصحتكم
بارك الله فيكم
أخي النويري هالوصفة والعيد جاي أعطيها لداركم يطيبوهالك

NIHELL · 2011-11-02, 10:02

المغمومة عندنا هي تشيشة مرمز بصح حنا نديروها بلا لحم للنافس

هندة السوفية · 2011-11-02, 11:29

لالا المغومة تجي باللحم

tamara31 · 2011-11-02, 11:55

الله يبارك شكرا لك اختي علا الوصفة