البغرير

هنا محلو · 2012-10-15, 19:47

من فضلكم اريد وصفة البغرير خطوة خطوة و جزاكم الله خير

ام ملاك. · 2012-10-15, 20:17

نورمالمون تلقايها مي مانعرفش الرابط
على العموم هي ساهلة وماتحتاجش بزاف
دقيق وخميرة الخبز ملح ومغرفة كبيرة سكر تعجنيهم حتان تتماسك العجينة وزيدي الما بشوية واعجني ماتخافيش تولي تتلاصق نورمال وزيدي الماء كل مرة حتى توليلك سائلة كي اللبن من بعد خليها تخمر مليح

وكي تخمر ابداي طيبيها فوق مقلا خليها تسخن مليح ومن بعد امسحيها بشيفونة فيها الزيت وفرغي بغراف نتاع الشربة العجين اللي درتيه وخليها حتان يطيب لازم يتثقب كامل ووينشف

من الفوق معتاها طاب ونحيها زيدي امسحي بالشيفونةوكملي البقية وكل مرة تنحي فيها البغرير لازم تمسحي مليح المقلة باه مايلسقلكش
والنار خليها ناقصة ماتزيديلهاش بزاف حتان تولي تحرقلك
وكي تطيب ادهنيها بالزبدة والعسل واذا حبيتي ديريلها السكر

موفقة

ام هبه · 2012-10-15, 22:13

guelma centreومايجاورها بومهرة البوليس حمام ادباغ....يسموه الغرايف ويطيبوه في طاجين الطين وخرجت مودة اجديدة اللي هي الكرلاجة

ام هبه · 2012-10-15, 22:18

ادا كان عندك نجاح تاع السيزيام +bf +bac الليسانس ...لازم يحصر الغرايف .ادا بنيت دار .شريت سكنة او رحلت ليها لازم لغرايف .ادا شريت سيارة او....لازم لغرايف .الفاتحة في دار العريس ...لازم لغرايف .صبحة العروسة لازم لغرايف.......

ام يوسف 2737 · 2012-10-15, 22:25

اقتباس:

المشاركة الأصلية كتبت بواسطة ام هبه

guelma centreومايجاورها بومهرة البوليس حمام ادباغ....يسموه الغرايف ويطيبوه في طاجين الطين وخرجت مودة اجديدة اللي هي الكرلاجة

واللي تطيبه فالطاجين تاع الطين لازم تمسحو بصابون الطرف ماشي بالزيت

ام هبه · 2012-10-15, 22:26

ادا ماحاباش تتعبي السر يكمن في نوعية الدقيق.كاين الممتاز .تعجني وتعجني....حتى يوليو عضلاتك كيتاع ارنولد شوادزنيغر.او ببساطة تخيري الدقيق الراشي .تعجني غير شوي مع زيادة الماء شوي شوي حتى يتحل .وعجينته كيما تاع الكسرة عادي .فقط ادا كنت بفصل الصيف متحطيش الخميرة حتى اتحليه ويرتاح باه تحطيلو شوي خميرة تاع القاطو وتروحي تطيبي على طول .والا راح يخمر بزاف ويجي مداقو حامض

ام هبه · 2012-10-15, 22:30

وتقدري تمسحيه ب صفار بيضة+2ملعقة ماء

ام هبه · 2012-10-15, 22:45

غرايف لحراير يكون بالدقيق الممتاز اللي نخدمو منو المسمن والفطير .....بصح راهو ايتعب بالبزاف .تبليه عادي كالكسرة .دقيق+ملح +شوي زيت +شوي خميرة و الماء الدافي.تغطي العجينة .ترتاح.تبداي العجن .بعد مدة زمنية تبداي تسقي بالماء .وحده وحدة حتى يتحل .اخلاصادا جاوك فيه اخيوط من العجينة وكراكيب .عندك حلان.1-تصبي الخليط في السيار .ومعطم الخيوط راح تبقى مالفوق ما تهبطش.2-ما تعمليش بفكرة السيار وتروحي تجيبي ملعقة خل ابيض وتزيديه لعجينتك .تحركيه شوي بغراف-اي الملعقة الكبيرة -يرتاح اشوي وراح الخل يعمل على ا>ابة كل الشوائب اللي بالعجينة

ام هبه · 2012-10-15, 22:49

بالنسبة ليا راني اتفنينت .و عدت نخدمو بالروبو.بصح يجي لاباس بيه.نخدم لعجينة .عادي من بعد .انحط بالنص خبزة في الروبو باه مايتكسرش والا تسيح العجينة كي انزيدو الماء.نشغل الروبو ونصب الماء بشوي حتى يتحل.و نضيف بيضة او2 حسب الكمية

ام هبه · 2012-10-15, 23:05

احسن اغرايف هو اللي تخدميه وتخليه ليلة بالثلاجة .لما تخرجيه من الثلاجة تلقايه تكونت فوق منو طبقة صغيرة من الماء البني .صفيه من هاداك الماء .الي راح يكون بريحة الخميرة .وادا جاك شوي ناقص الماء منو زيدي بالشوي-بالنص فنجان-باه ما يجرالكش .وادا اجرالك .يعني جاك زايد فيه الماء .خليه يرتاح راح يصفيلك طبقة من الماء ....احنا نحبو ناكلوه اجديد سخون من الطاجين .صدقوني نخدمو ونخبيه حتى4او5ايام بالثلاجة كل ما تنفحلنا عليه نخرجو من الثلاجة .نصفي الماء المفصول منو ....يجي اخفيييييييييف ومقرمش .مش كيما اللي يتعجن اجديد.

*أم كوثر* · 2012-10-15, 23:26

شكرا ام هبة ماقصرتي