كل قسنطينية تدخل هنا بليز

ياسمين16 · 2011-10-22, 19:45

من فضلكم اللي قسنطينية نطلب منها تمدلي وصفة الجاري تعيشو تعيشو في القريب العاجل .

ابنة الجزائر25 · 2011-10-22, 21:03

راس بصلة+حبة طماطم +طماطم علب+ملح + فلفل اسود + فلفل احمر + كرافص + لحم و دجاج +زيت

ترحى البصلة و تربي الطماطم و تقليهم فى شوية زيت و اللحم و التوابل كلها و كى تذبل البصلة نمرقوها بالماء و نخليوها طيب

كى يطيب اللحم نحيوه هو و الدجاج و نصفيو المرقة و والمرقة الصافية نخليوها تغلى شوى و نضيفولها الفريك و رأس فلفل اخضر و نخليوها طيب على نار هادئة

كى طيب نقطعو الدبشة و نضيفوها للجارى

و ممكن تزيدى كريات اللحم المفروم للمرقة

ياسمين16 · 2011-10-24, 08:55

شكرا ليك حبيبتي

nadiem · 2011-10-26, 12:13

اجل اختي نفس الوصفة لي مدتهالك الاخت فقط حنا نحطو راس فلفل حار و الفريك نلوحوه بهد مانمرقو يعني يطيب مع اللحم

missossa · 2011-10-30, 21:55

اختي الجاري ماشي غير تع قسنطينة أنا من الشرق ونطيبوا تقريبا بنفس الطريقة بصح مانديرش لكرافص نقلي بالنعناع والدبشة أي القصبر وندير كذلك الحمص وكي نمرق نحط لفريك يطيب مع اللحم ويجي بنين وهايل ولهنا في وهران جيراني يحبوه بالبزاف وبصحتكم