help please

linat · 2011-10-22, 13:49

من فضلكم يا اخواتي شكون تعرف وصفة القاطو*باركات* راني حابة نديرو وشكرا على المساعدة

عواطف24 · 2011-10-22, 14:13

سلام
اختي لي باركات انواع كتيرة وحشوات متعددة --
ممكن توضحي اي نوع تريدين

linat · 2011-10-22, 14:30

والله يااختي نحوس البسيط والساهل. قالوي كاين باركات بالكابريس لكن معنديش الوصفة .قوليلي اي وصفة ساهلة ومجربة حابة نجربها للعيد .واذا عندك باركات بالكابريس حطي الوصفة .مشكورة اختي

Asma Droit · 2011-10-22, 16:59

السلام عليكم
اليك عزيزتي موضوع الأخت شهد العسل أظنها ما تحتاجين
https://www.djelfa.info/vb/showthread.php?t=696770

Asma Droit · 2011-10-22, 17:20

هذه الوصفة الرائعة للاخت zahana

الكابريس اصنعوه لاولادكم

بسم الله الرحمان الرحيم
صلوا على الحبيب المصطفى
أقدم لكم اليوم وصفة متميزة من حيث تنوعها يمكنك جعلها كالمربى او كريمة للحلويات و كل انواع الحشو، وهذا عن تجربة شخصية.
التحضير
500 غ سكر عادي فوق نار هادئة حتى يصبح كراميل نضف عليه 1 لتر حليب دافئ ، إحذرو االبخار المتصاعد من القدر،ضعوا كمية قليلة من الحليب حتى تتبخر القدر ثم نضيف كامل الحليب وهو دافئ+ 1 ملعقة و نصف نشاء أي مايزينة مذوبف في قليل من الماء، نستمر في الخلط حتى يتكثف الحليب. دعيه يبرد و ضعيه في الثلاجة لحين استعماله. أنا أستخدمه للحلويات و الحشوات المختلفة خاصة حلويات اللوز أضع كمية منه حتى يبقى طريا و لا تيبس الحشوة. أرجوا تجربتها و الدعاء لي بالشفاء

linat · 2011-10-22, 18:55

شكرا لك اختي هذه الوصفة هايلة راني رايحة نجربها

linat · 2011-10-23, 14:26

اختي asma راني جربت هذه الوصفة لكن بنصف الكمية .لكن جاتني شوية خفيفة ومرة منيش فهمة لاه

Asma Droit · 2011-10-23, 14:40

اقتباس:

المشاركة الأصلية كتبت بواسطة linat

اختي asma راني جربت هذه الوصفة لكن بنصف الكمية .لكن جاتني شوية خفيفة ومرة منيش فهمة لاه

عزيزتي ذوبي السكر الى ان يصبح كرامال لكن دون حرقه لكي لا يكون مرا. أنا جربت تقريبا كاس حليب +ملعقة كبيرة ونصف نشاء دوبيها في قليل من الماء واضفيها على الحليب و الكرامال و واصلي التحريك الى ان تعقد وستصبح حقا كرامال .ولكن احذري حرق السكر ذوبيه الى ان يصبح بني دون حرقه
أرجوا ان توفقي في اعداده

linat · 2011-10-23, 15:23

اختي asma كدرتي كاس حليب قداه درتي سكر

Asma Droit · 2011-10-23, 15:44

والله انا درت عيني ميزاني بالتقريب 6 الى 7 معالق كبار
ما تقلقيش روحك نجربها نهار بالميزان .نحطك في بالي

linat · 2011-10-23, 16:58

اختي asma شكرا لك .راني نستنى كديريها تفكريني واشرحي لي الطريقة بالتدقيق راني حابة نديرها حشو لوصفة البابيون ماتبطايش عليا. ديري بكاس حليب باه نجرب بهذا المقدار شكرا

Asma Droit · 2011-10-25, 19:37

السلام عليكم
كيف حالك linat أرجوا أن تكوني بخير
أنا عند وعدي دويني عندك
نصف كأس سكر (4 ملاعق أي ما يعادل 120 غ) ذوبيه على نار متوسطة الى أن يذوب تماما مع التحريك لكن احذري أن يحترق السكر

و اضيفي له كأس حليب و ملعقة كبيرة مملووءة نشاء حليه مع قليل من الماء وحركي الكل على نار متوسطة دون توقيف التحريك انتبهي جيدا كي لا يحترق وواصلي تحريكك الى ان تعقد لانها كلما ضلت اكثر على النار ازدادت سماكة
المهم اتبعي هذه النقاط سوف تنجح لك باذن الله
وهذا شكلها النهائي

linat · 2011-10-26, 18:39

شكرا لك اختي على المساعدة راني رايحة نجربها فى اقرب وقت ثم نعطيك النتيجة .راني رايحة نتعبك معاي بالاسئلة وشكرا

عواطف24 · 2011-10-26, 19:07

هده وصفة لي باركات بالكابريس
بعدما تطيبي لي باركات ......
تدوبي 35حبة كابريس مع نصف كاس حليب على النار مع التحريك تم نضيف الجوز مكسر باليد وتعمري لي باركات واخيرا تدزيني بخطوط من الشوكولا البيضاء ..
جربتو في عرس اختي و جا يهبل ..