رسالة الى كل المسئولين في الجزائر
قولونا اليوم واش بغيتو
حنايا منكم رانا خلاص
مناش باغيين نسمعوكم
بركاونا من تكسار اللراس
يالي راكم تصفقو لبعضاكم
من الدالة وهبط لساس
لعود تحاسبو نتوما رواحكم
آه وترجعو حقوق الناس
هذى بليس لعب عنكم
وجعلكم منها وردة في كاس
ونسيتو لخلقني وخلقكم
ونسيتو لشبر وراح الاحساس
انا عمري مانسمحلكم
وشحال انا مثلي من ناس
اغبنتوني وغبنتوهم
وغلتو منا تولو لباس
بغيتو نتوما برك وحدكم
تعيشو في الدنيا لكلاص
ونسيتو بلي راهي وراكم
36 مليون من تراس
واذا بغيتو تزيدو زيدو عل رواحكم
وبفعالكم عمرتو وشحالمن كراس
وضيعتونا وضيعتو رواحكم
ونسيتو نتوما حزب الناس
ونسيتو حزب لخالقكم
وبكلامو راه يطلع الراس
ونطلب من ربي انو يرفدك
ويبدلكم بخيار الناس
واذا بغيتو نتوما ذلو رواحكم
حنا تبرينا منكم لباس
ربي ربي انا وكيلكم
ومن فعالكم ماني لباس
انا ليوم عولت عنكم
بلي وحدي نكتب كراس
نخليه بيان بيني بينكم
ونخليه بيان لجمع الناس
انا اليوم جاي لعندكم
جاي نمي انا الاحساس
فيقو فيقو وحاسبو رواحكم
هذي الدنيا نتاع رب الناس
مدوم ليا مادوملكم
وياويلكم من ذاك العساس
وياويلكم من ذاك العساس
بقلم محمد بركة مأخوذ من فيسبوك محمد بركة
( تقرير عن مشاركة سيئة )، و الموجودة أسفل كل مشاركة .
2011-10-25, 19:18
رسالة الى كل المسؤولين(نصيحة)لغدوة
العرض العادي
