بوراك رمضان من مطبخي

mounie dz · 2012-07-21, 16:29

البوراك ( او لبريك ) سيد المائدة الرمضانية بلا بيه لفطور مايحلاش
جبتلكم طريقة تحضيرو كيما نحبوه
المقادير
بطاطا مسلوقة، لحم مفروم، بصل ، دبشة، زيتون، جبن، بيض ، هريسة ، اوراق ديول

التحضير
نهرس البطاطا بعد سلقها ونضيف لها الهريسة ونضعها على ورقة الديول
نصيف لها البصل مفروم والزيتون مقطع

ثم اللحم المفروم( نملحه ونقليه في الزيت ) والجبن

نفقس عليه بيضة

وبعض الدبشة

نغلق البوراكة لنحصل على شكل مربع

ونقليهم في الزيت حتى يتحمرو وطيب البيض

وطبعا يتقدمو مع شربة فريك

البواكة مقطعة

صح فطوركم
لاتنسوني من دعوة خير

بنت غليزان · 2012-07-21, 16:31

راكي شهيتيني شكرا لك
و صح فطوركم

wafa.wafa · 2012-07-21, 17:00

تاكلوه بالصحة والهنا وص

douane hadjer · 2012-07-21, 17:01

iهدا بريك ماشي بوراك
الله يبارك يشهي

سَلْسَبِيّلْ · 2012-07-21, 17:21

يعطيك الصحة جاك هايل

اخلاص الجزائرية · 2012-07-21, 17:26

يعطيك الصحة اختي

mounie dz · 2012-07-22, 14:15

شكرا على المرورو
وهذا عندنا نقولولو بوراك
والصغير الي تسموه نتم بوراك عندنا اسمو صامة مثلثات ولوخر سيـgــار

noufayla90 · 2012-07-22, 16:56

تاكلوه بالصحة والهنا

الواثقة بالله 23 · 2012-07-22, 23:29

اختي الغالية هدا بوراك عنابي صح

بصح جاك رائع و حاجة وحدة مختلفة علي نعملها انا هي الدبشة انا نحط المعدنوس لكن بيناتنا الدبشة خير لانها تجي طرية مشي يابسة كيما المعدنوس

و على العموم الف شكر و بارك الله فيك