ارجوكم ساعدوني راني في ورطة

[انتصار 12]

اللي تعرف طلايقة تفوار الثريدة تقولي ربي يجعلها في ميزان حساناتكم

[maiar]

اختي التريدة عندنا هي لي تجي مربعات

انا نقولك على طريقتي و ان شاء الاخوات يزيدو يفيدوك

التريدة تحطيها في قصعة و تذهنيها بالزيت و تحطيها تفور و ككي تفور نزليها و بخيها بشوية ماء و هي سخونة و حركي باه ما تتلبزش

و رديها تفور و ابقاي على هذه الحالة كلما تفور نزليها و بخيها بالماء حتى تجيك طرية

و في الاخير ديريلها شوية زبدة و نمرقها و نغطيها نخليها تشرب المرقة و من بعد نفورها و نقدمها

[فتـ حييةـاة]

ماعندي حتى حبيبتي لوكان عاونتك آآآآآآآسفة

[انتصار 12]

شششششششششششششششكككككككررررررااااااااااا ربي يحفظك الاخت maiar

[maiar]

المشاركة الأصلية كتبت بواسطة انتصار 12

شششششششششششششششكككككككررررررااااااااااا ربي يحفظك الاخت maiar

بلا مزية اختي

[janino]

نفس طريقة الاخت ميار ديريها و ما تخافيش و كابن الى يبخها بالمرقة تاعها

[bassamat]

طريقتى نفس طريقة ميار الا اننا فى الاخير نجمروها

[omo mazen]

ارجوكي يا ام ليث نحن في انتظار الوصفة بارك الله فيك

[fatima zohraa]

لسلام عليكم احتي حنا نسوموها يعني نحطوها في قصعة وندديرولها شوي زيت نحطوها تفور كي تفور نعاودو نحطوها ف القصعة ونبخوها بشوية من المرقة نتاعها و نردوها تفور كي تفور نجمروها يعني نحطوها في مرقتها ونحركو مليح باه ماتلصقش حتى تشرب المرقة و تاكليها بالصحة و الهناء

[ام محمد اصيل]

السلام عليكم ورحمة الله تعالى وبركاته انا عن طريقتي هي تشبه طريقة الاخت ميار ولكن بالنسبة لي نفورها مرتين فقط لانها خفيفة المرة الاولى نديرها بالزيت ونخليها تفور والمرة الثانية نفرغها ونرشها بالماء بسرعة وهي ساخنة حتى تتشرب جيدا ونزيدها كمية فليلة جدا من الزيت ونرجهعا تفور بعدها نجمرها في الصوص تاعها ونحطلها شوية زبدة ونحركها مليح ونخليها حوالي ربع ساعة حتى تتشرب جيدا الصوص وباش ما تبردش نحط البرمة اللي فيها التريدة فوق كاصرونة فيها ماء ساخن ارجو ان اكون افدتك اختي وشهية طيبة للجميع.

[oum ali khalifa]

طعيها في قصعة ادهنيها كامل بالزيت فوريها مرة ثم كيتفور اسقيها باللمرقى ثم عودي فوريها ثلاث مرات نفس الطريقة ثم المرة الاخيرة بالزبدة ثم جمرها ومتحركهاش بزاف وحليها على نار قليلة بش جيك خفيفة حتان تشرب كامل المرقى كي تكملي ضعيها فى صحن زينيها بالحمص والبيض والف صحة