ما رايكم في فارق المستوى و المسافة؟

[جسور المحبة]

السلام عليكم اردت ان اطرح عليكم هذين المشكلين لعلنا نستفيد من اراء بعضنا البعض
اولا: ما رايكم في الفتاة الجامعية التي تتزوج من هو اقل منها مستوى مثل مستوى السنة التاسعة وهو سائق في شاحنته الخاصة وله منزل ومستقر هل يؤثر على زواجهما؟ وهل يغار منها لانها افضل منه؟ فمثلا عندما يكونان في مجلس او جماعة فيها الجامعيين وهو لا وما يلقاش وش يقول معاهم؟ فتصبح تحشم بيه قدام جماعتها؟
واذا تقولو بلي ما يهمش المستوى المهم الدين .,,,,,,ووووالثقافة وش هي المعايير بش نقولو الشخص مثقف؟

ثانيا : ما رايكم في زواج مع واحد مش من بلادك وبعيد بمئات الكيلومترات بصح من الوطن يعني كي تبعدي على بلادك ؟ اول مشكل كيفاش تسقسي عليه؟ ممكن يهينك ولا دارهم يهينوك ولا اذا مرضت شكون يكون معاك ولا كاش ما يصيرحاجة في داركم ديما بعيدة راح تقولولي يجيبها وكي تولي ام ولادها يقراو ولا خدمتها ما تسمحش ؟

ارجو التفاعل مع الموضوع ايها الاخوة والاخوات لانه جد هام؟؟؟؟؟؟؟؟؟؟؟؟؟؟

[alaaemica]

السلام عليكم اختي انا راح نمد راي الشخصي في موضوعك انا من جيهتي ادا كانت هي جامعية و هو غير التاسعة برك ماشي مشكل خاطر ممكن تكون عقلية كبيرة و يكون قد المسؤولية و ممكن تلقاي واحد مكمل قرايتو مي ماشي قد المسؤولية متبعيش بزاف المستوى و تانى ميكونش مقفول على الاقل يسلك راسو و ادا الطفلة تحبو مكان لاه تحشم بيه خاطر ماشي عيب لي مكملش قرايتو اما بالنسبة للموضوع الثاني انا من راي عادي كي تتزوجي من منطقة اخرى تتعلمي حوايج جدد تتعرفي على اهلها عاداتهم و تقاليدهم و تاني ادا مرضتي لا قدر الله زوجك يوقف معاك صح تجيك صعيبة مع اللول مي مبعد مع العشرة توالفي و الاهم انك تكوني متفاهمة مع الزوج تاعك انا مزال منيش مخطوبة مي عطيتك راي و ربي يوفقك

[جسور المحبة]

شكرا لك على الرد واين انتم يا اسرة منتدى الجلفة شرفونا بردودكم

[دموع الحيــاة]

بالنــّسبة لي :


الأمر الأول عادي
- ولوكان غير متعلــّمٍ أصلاً -




وأمـّا الثاني فصعب

[nano H]

المشاركة الأصلية كتبت بواسطة جسور المحبة

السلام عليكم اردت ان اطرح عليكم هذين المشكلين لعلنا نستفيد من اراء بعضنا البعض
اولا: ما رايكم في الفتاة الجامعية التي تتزوج من هو اقل منها مستوى مثل مستوى السنة التاسعة وهو سائق في شاحنته الخاصة وله منزل ومستقر هل يؤثر على زواجهما؟ وهل يغار منها لانها افضل منه؟ فمثلا عندما يكونان في مجلس او جماعة فيها الجامعيين وهو لا وما يلقاش وش يقول معاهم؟ فتصبح تحشم بيه قدام جماعتها؟
واذا تقولو بلي ما يهمش المستوى المهم الدين .,,,,,,ووووالثقافة وش هي المعايير بش نقولو الشخص مثقف؟

ثانيا : ما رايكم في زواج مع واحد مش من بلادك وبعيد بمئات الكيلومترات بصح من الوطن يعني كي تبعدي على بلادك ؟ اول مشكل كيفاش تسقسي عليه؟ ممكن يهينك ولا دارهم يهينوك ولا اذا مرضت شكون يكون معاك ولا كاش ما يصيرحاجة في داركم ديما بعيدة راح تقولولي يجيبها وكي تولي ام ولادها يقراو ولا خدمتها ما تسمحش ؟

ارجو التفاعل مع الموضوع ايها الاخوة والاخوات لانه جد هام؟؟؟؟؟؟؟؟؟؟؟؟؟؟

السلام عليكم بالنسبة الى موضوع فارق المستوى
كل واحد والعقلية النتاعو بالنسبة الى الرجل او المرأة .الحياة الزوجية كما يسطروها هما.
كاين رجال مستواهم الدراسي قليل ولكن تشوفيهم
تقولي قاريين اذا كانت هي مقتنعة متشوفش لناس
واش يقولو ماكنش مشكل.
اما بالنسبة الى المسافة عندي 4 خوالي والله العظيم نسائهم من كل ولايات الوطن,الجزائرو جيجل وتيزي وزو.فهذه مكاتيب الله.ربي يصلح حالك.

[Meriemchawiya]

السلام عليكم أنا رأي هذا ليس عائقا بتاتا فالمستوى الجامعي (وخاصة جامعيي هذا الوقت) لا يهم الا اذا كانت الفتاة تهتم لرأي الناس أكثر مما تهتم لمدى علاقتها و تفاهمها مع العريس
أنا شخصيا أختي طبيبة و تزوجت من رجل على قدر من الثقافة و هو مستوى 9 الا أنه ممتاز ماديا
و من جهة أخرى فرئيس قسمي بالجامعة التي درست بها زوجته حلاقة و أنا أعرفهم جيدا و هما في قمة السعادة سويا ربي يهنيهم
المعيار هنا أن يكون شخصا ذو شخصية و ليس بالرجل التافه
أما عن بعد المسافة قد تتزوجين جاركم و يتم تحويله غدا الى تمنراست فما العمل؟؟؟؟؟
ان كان العائق في كيفية السؤال عنه هذا يتوجب زيارة أحد أهلك لمدينة اقامته و القيام بالتحريات الواجبة و هذا ما قام به أبي مع زوج أختي و الحمد لله راهي أحسن مما كانت عندنا ربي يوفق الجميع

[Meriemchawiya]

لسلام عليكم أنا رأي هذا ليس عائقا بتاتا فالمستوى الجامعي (وخاصة جامعيي هذا الوقت) لا يهم الا اذا كانت الفتاة تهتم لرأي الناس أكثر مما تهتم لمدى علاقتها و تفاهمها مع العريس
أنا شخصيا أختي طبيبة و تزوجت من رجل على قدر من الثقافة و هو مستوى 9 الا أنه ممتاز ماديا
و من جهة أخرى فرئيس قسمي بالجامعة التي درست بها زوجته حلاقة و أنا أعرفهم جيدا و هما في قمة السعادة سويا ربي يهنيهم
المعيار هنا أن يكون شخصا ذو شخصية و ليس بالرجل التافه
أما عن بعد المسافة قد تتزوجين جاركم و يتم تحويله غدا الى تمنراست فما العمل؟؟؟؟؟
ان كان العائق في كيفية السؤال عنه هذا يتوجب زيارة أحد أهلك لمدينة اقامته و القيام بالتحريات الواجبة و هذا ما قام به أبي مع زوج أختي و الحمد لله راهي أحسن مما كانت عندنا ربي يوفق الجم

[جسور المحبة]

ربي يجازيكم كل خير واين البقية؟ اختكم تحتاج اليكم

[الأستاذة حياة]

السلام عليكم انا تاني مع الاخوة المهم يكون القبول والتفاهم المستوى العلمي ماراهوش مقياس قادر يكون قاري ويرجعلك حياتك عذاب والي ماشي قاري يسعدك ويهنيك هذا بالنسبة للموضوع الاول اما الثاني لازم على الولي يصقصي مليح على السيد في بلادو وربي يهني ويصلح ويسر لكل مؤمن ومؤمنة الازواج الصالحين

[مصريه جدا]

وعليكم السلام ورحمة الله وبركاته

لجامعات كل يوم بتخرج الاف ومع ذلك لايفقهوا شئ مجرد شهادة فقط لاغير
يعنى المهم الثقافه مش الشهاده

يعنى ممكن يكون اقل فى المستوى التعليمى بس مثقف اكثر من الجامعيين انفسهم


اما بخصوص السؤال التانى مفهمتش تقصدى بعيد عن ولايتك ولا مش من بلدك يعنى من جنسيه اخرى

بس عموما الزواج نصيب يعنى كل واحد بياخد نصيبه

[السيدة كرمين]

السلام عليكم

برايي الشخصي من الأفضل أن يكونوا متكافئين في كل شئ

لأن ولينا في زمان لعقل نقص ،وبما أن لكل قاعدة استثناء

فإن ممكن أنها تدرس طريقة تفكيروا ممكن يكون شخص مثقف

وواعي وبالتالي الشهادة لا قيمة لها ومننساش لمثل لي يقول هاتوا فاهم والله لا قرا

فإن كانت هي قارية و العقلية مكاش وش الفايدة من شهادتها

أما ان كان لا علم ولا ثقافة فهي راح تتعب لأن كل واحد رح يغني لروحوا

بالنسبة لزواج من غير البلد فمن الأفضل لا لأن فرق اللغة و العادات و التقاليد

يجعل ثغرة في زواجهم

الله الموفق

[جسور المحبة]

اين انتم يا افراد اسرتي الثانية؟ اختكم بحاجة الى ارائكم

[شهد حنان]

السلام عليكم

شوفي اختي الطرح الاول لابد من وجود التوافق بين الزوجين من حيث التعليم

وليس من حيث الشهادات يعني كاين لي ما عندوش شهادة لكن لاباس بيه معرفيا

اما ان كان غير ذلك فستحسين انت بالفرق لان هناك امور لا يفهمك فيها ولا تفهمينه لان الجانب التعليمي يلعب دور في التفاهم

اما بالنسبة للطرح الثاني شوفي اختي شوفي الشخص كيفاه داير يوجد في النهر ما لا يوجد في البحر

قد يكون قريب من بيتك ولا ترين اهلك الا نادرا وقد يكون العكس بعيدا عليهم وقريبة منهم

وعن السؤال لابد من ان تسالي عنه هذا شيء اكيد

المهم يكون ذا دين وخلق لان صاحب الدين يعرف ربي ما تخافيش منو بزاف

يقول المثل ما نخافش من لي يخاف ربي نخاف من لي ما يخافوش


والاستخارة بالتأكيد وربي يسهلك

[fatma88]

كيما قالو اعطيني واحد فاهم الله لا قرا وبخصوص الاقامة فلا يهم
نطلو لهناء

[sarl02]

انا رجل ...ويهمني جدا ان تكون زوجة المستقبل ذات شهادة جامعية ومثقفة لابعد الحدود ...ولا يمكن ان اتزوج بفتاة اقل من هذا المستوى ..هذا رايي والامر يبقى نسبي يعني كل واحد و كيفاه اتبانلو كاين الي المستوى ما يفرقش امعاه وهذا حقو ايضا.....اما انا بالنسبة لي فالتوافق العقلي والفكري اهم من التوافق الروحي خاصة في البداية ...لانه الحمد لله الواحد عندو شهادتين جامعيتين وعلى اطلاع واسع والحمد لله لذا انا انحب زوجتي اتكون مثلي يعني اي موضوع نفتحو نلقاها موجودة....وعموما كل شيء بالمكتوب وما هذه الا امال و تمنيات بالنسبة لشريك المستقبل فان تحققت فالحمد لله وان لم تتحقق الحمد لله كثيرا..........سلام عليكم.