وش راكم مع لقرايا صافا ؟
كيفاه نبدالكم لحكاية اهئ اهئ نندب وجهي على النقطة الي اديتها في فرض الرياضيات
درت روحي مراة وخدمت ومعولة على 20 /20
دايما تصرالي هذي الفرض او الاختبار الي نخرج من القسم فرحانة معناه راني مصفرة واذا خرجت معصبة وحالتي حالة
هذاك وين انا نخدمت
مرت الايام والساعات والدقايق واليوم صححنا الفرض قبل ما ندخل للقسم قلت في نفسي 20 مشي من لوني
وهو الاستاذ بدا يصحح كل النتائج صحيحة غير وش الطريقة غالطة والرسمي في الطريقة
وبعدما صححنا وتدابزنا مع الاستاذ
وزع علينا الاوراق
قبل هذا نعطيكم لمحة على تلاميذ قسمنا كان فيه تلاميذ عباقرة تع القرن 27خفت على روحي حتى وين هبلت
6جايبين 18 زعما نقدر انافس 6 ههه ولكن كان فعل ماضي ناقص راحوا كامل غيروا الليسي عندهم الحق اغيروا
وبقاو غير بعض الفتيات الي جايبن 16مكانش 17ولا18 ههه فرصة ليا
والباقي لخر حثالة القسم كامل معيدين
ارواحو شوفو وش عاملين كراكوز
الجلوس طبعا اخر القسم
مينتبهوش للاستاذ لما يكون يشرح
حالين ريسطو في القسم حلويات ومشروبات وبالاضافة الى الغناء و....و.و.و.و لايكفيني الوقت لوصفهم
وانا طبعا جالسة قدام خليقت الاستاذ ومنتبهة
كنت مشاغبة في السنوات الماضية لكن هذا العام جلست معايا طفلة ملاك الدنيا متهدرش
نقلت الي العدوة وليت بكوشة حتى لما يكون الاستاذ ليس في القسم نكون ساكت
نعود والعود احمد
لما وزع علينا الاوراق جماعة الكركوز هي لولى ومن بعد بدا خيرنا حنا
انا قلت بلي بدا بالمعكوس من ادنى نقطة الى اعلى نقطة
وظهرت انا الي غالطة هم كامل جيبين نقاط من 17.5وطلع
تعجب بكل صراحة من هذا الامر
انا جبت 17بصح معجبتنيش كيفاه تلميذ عقله ليس في القسم ويدي 19
طبعا ميكون الا مبرمج
حتى انا حابة نتبرمج كيفاه نتبرمج قولولي
( تقرير عن مشاركة سيئة )، و الموجودة أسفل كل مشاركة .
2011-10-09, 19:19
كيفاه نتبرمج حتى انا ؟؟؟
العرض العادي
