حلوى معسلة لسهراتكم الرمضانية ..تحفففففه

[imane1]

السلام عليكم ورحمة الله وبركاته

لبنات راني جربت وصفة تع حلوى وحبيت نشارككم بيها

وأرجو منكن تجربتها لانها رااااااااااااائعه جداً




صبيعات لعروسة




المقادير /

]

كيلة زيت
*انا استعملت مخفية او غرفية ودارتلي حوالي 30 حبة *

1/2 كيلة زبدة ذايبة وباردة

ربع كيلة حليب

ربع كيلة ماء الزهر

قشور حبة ليمون كبيرة

لافاني

ملعقة صغيرة خميرة كيميائية

كيلة سميد رطب *رقيييييق جدا *

فرينة حسب الحاجة


للتزيين

عسل
بيستاش حب
بيستاش مرحي




كيفية التحضير

امزجي المقادير السائلة مع بعضها , زيت وزبدة وحليب وماء الزهر , أضيفي لافاني وقشور الليمون والخمير وخلطي جيداً
أضيفي السميد وخلطي , ثم كملي لميها بالفرينة حتى تتحصلي على عجينة مليحة *ماطرية بزاف ما يابسة *

شكلي كرات بحجم حبة مشمش , ثم لويها بين يديك طوليا وما تضغطيش بزاف لانها اجي مرتفعه





زيني بالنقاش , وحطي حبتين بيستاشوواضغطي عليهم جيدا باش ما يتنحاوش في التعسال *انا ماكانش عندي بيستاش حب درت كاوكاو * ثم دخليها اطيب في فرن مسخنحتى تحمار الحبات من فوق

خرجيها وعسليها في عسل دافئ قليلاً , وزيني طرفيها برشات من الفستق المرحي



وادعو لصاحبة الوصفة ولي .. جزاها الله خيراً