صوت صفير البلبل
صوت صــــفير البلبل هيج قـــــــــــــــلبي الثمـــــل
وصوته في هـــــــاتفي ما طيب العــــــــــــيش إلي
بعدمـــــــــا كنت تائها مثل سجين مسلســـــــــــل
فلجأت إلى الهـــاتف فكان الدواء الشــــــافي لي
من وحدتي و عـزلتي وصار عيشي عســـــــــل
وهبني الوهاب وهيبة فوهبت وصرت شاعري
رحت لأراها رأيت غزال في مــــــــكتب العمل
حسناء حسن صوتها وبها الحسن مكتمــــــــــــل
شعر رقيق أمــــــلس زاهي بلون القرنفـــــــــــــل
وجبين أبيــــــض ينير مثل المنار الشاعـــــــــــل
وحاجبان تحــــــــتــه كا الانعــــــــــــــــراج القاتل
وعينان زاهي لـونها ووصــــــــــــــــفها كما يلي
كبيرة و صــــــــافية و لونهـــــــــا كالعســـــــــــل
و أنف لاح واضحا في وجـــــــــــــــهها كالجبل
تحته ثغـــــــر باسم وعنــــــــــــــه فم ســــــائل
وخدودها الفاتنة احمرت من فعــــــل الخجل
وقميص ورديا زهى وبين اللـــــــؤلــــــــــــــــــؤ لي
وقلـــــــــبي دق دق دق دقــــــــــــــــــــــــا لي
شــــكا حـــــــكى وقـــــــــــــــــــــــــــــال لي
كفاك وصفا بها لي فأنت بهــــــــــــذا قاتلي
أين هــــــــو حبيبك و متى يكون مقبــــــــــل
فأنا لست صــــــابر و الانتظار طــــــــال بي
و الشوق حل مضنيا لرؤى الحبيب الأمثـــــــــل
فمتـــــــــى أراك أتيا لاكتمـــــــال القمـــــــــــــــر
أنا الهـــــــلال نصفه وبك أنت يكتمــــــــــــــــل
على الواحدة حددنا اللقاء وكان في بيت القائل
جلست في انتظارها وأجلت كل مشاغــــــلي
فبدل وصول الحبيب وصلني خبر عاجــــــــــل
خبر صـــــــفر منذرا ببداية المشـــــــــــــــــــاكل
وسببه شك في فعل ومـــــا أنا بفاعـــــــــــــــــل
فإن أنتي أردت الفراق فبعذر أخر حـــــــــــاولي
فعذرك هذا لن يبيح فراقي مع صديق فاضل
فلن يفرقني معـــــــــــه إلا قـــــــــــــــدر قـــــــــاتل
فتـــــــــدللي و تدللي وفي دلالك واصلـــــــــــي
لن يكتمل شمل القمر فا الشك حل مظــــــــــلل
ظلل بين القلــــــوب بعدمــــــا كادت تشتمــل
ولم يبقى في الهاتف إلا طنين متواصـــــــــــــــل
فوداعا ليس إلى اللقاء يا من هيجت مشاعـري
ويا مــــــن أتيت لكي تكون عن طريقي مظــللي
هل هذا من حسن نيتي أم هـــــذا هو قـــــــــــدري
وربما كان الفــــــــراق لراحـــــــــــــة قلبي أفضــــل
عسا أن نكره أمــــــــر و هـــــــو الأمر المفضــــــــل
فخير الأمور هي ما كتبها القـــــــــــــــــــدر لي
فيا ربي كن لي شاهدا هذا جواب لهـــــــا واصل
فربما يشــــــــاء القدر أن نلتقي بعد الفـــــــــاصل
وننسو كل ما مضى ونفــــــــــــكر إلا بالمستقبل
ويعــــــود النبـــــع إلى مجـــــــراه كـــــــأمس سائل
وينشدنا بلال بالغنى ويسعـــــــــــــد قلب القائل
ويعود الحــــــــب بيننا يصـــب كـــــــمطــــــر وابل
فعيشي من دونك يا أنا مـــــــر كطعم الحنظـــــــــل
فإن أنت أردت الوصال فأرجـــوك أن تتصــــــــلي
فهاتفي دوما في يدي منتظرا صــــــــــفير البلبل
يا رضا
نبدا بسم الله اللي أسمو لاح
يسهلي في ذا القول و نلقى العبارة
نحكي على رضا ياك هو ناس ملاح
يستاهل ذا المقال و هو مافيه خسارة
رضا راجل زين كي شجرة تفاح
ناضت في صحراء غريبة غرارة
اللي عاقب يشبع و تحت الظل يرتاح
و يلا رايح يهديها تكسارة
ولا كي و ردة و ناضت في الصفاح
عاشت و حدها وما لقاتلها جارة
يا رضا عندك غير حبيب ايلاسافر عنك راح
تبقى في الدنيا مثل القيتارة
يحتاجوك الناس في أيام الافراح
و الايام الاخرى في ركنة محتارة
حبيبك جيبك لازم اتخليه سلاح
و ماديرش على الناس القصارة
ذا القاشي جايك على كاش صلاح
ويلا قضاها راح ما يعمل دارة
و القمنة فيهم كي لي يدور على التفاح
من صحرة مسعد نتصفى قطارة
وكاين في لحباب من عندو ترتاح
ويلا ضاقت بيك عندو تدبارة
و ما تنساش الاهل ياك هم المفتاح
اللي يفتح قع لبواب بعد التسكارة
و الميمة حنانها ما يتحس غير لا راح
أفطن يا مخلوق قبل التطفارة
و ما تصحبش الي فمو فاح
باختصار القول قيل السكارة
و يلا تخطب ما يغركش شباح
ثوب اللفعة في الصاك ما تسمعلو تصفارة
أخطب اللي بوها مثل الصراح
خول لولادك خوذ العبارة
ويلا ماضرك ما تقولش عنو أح
تششفى فيك نجوع مثل المرارة
وكلام اليل راه غير دهان و ساح
شمس البكرة هي الهدارة
الدنيا هاهو جا و لاخر منها راح
يا سعد اللي خدم ليوم التحشارة
وقت هاهو جا جملت فيه الاوساخ
قتل و نهب وخمر حتى الدعارة
يسلك منو قا لي جن و جاح
ترفدت عنو الاقلام و حتى المسطارة
ياربي أستر عبدك لا يتلاح
في دوامة و تروح حياتو أخسارة
عبد يسأل فيك وفي عطفك طماح
وراه يمشي في طريق تخصو إنارة
يارضا يهديك لازملك ترتاح
وتخطي القاشي الشين وحتى السيجارة
أرقد بكري و خطيك من التصباح
وتهلا في الصلات و عندك بشارة
إحساس مجهول الهوية
يراودني كل عشية
يزيل النوم من عينيا
لأحلم أحلام يقظة وردية
يجعلني أفكر بحنية
في أمور ليست واقعية
أو ربما أشياء للغير و ليست ليا
إحساس أيقض أشعاري
وطرد النوم من داري
ليبدل ليلي بنهاري
و يبعثر كل أفكاري
إحساس لا أدري ما هو
نار بها فؤادي أتكوى
وصرت أنا و المسافر سوى
حيث امتطيت الهوى
لأذهب إلى بلاد بعيدة
بلاد أناس تعيش فيها سعيدة
لكنها ليست إلا قصدية
كتبتها إنسانة من نوعها فريدة
فما أصعب حياة إنسان
يطارد خيط من دخان
فيرى زئير أسد يضنه الحنان
فربما لسؤالي حلان
حل اختبئ وما بان
و حل أن لن أسأل بعد الآن
و أختار حياة التوهان
و أعيش على فوهة بركان
مادام خامد فأنا فرحان في أمان
و إن هو هاج أصبحت في خبر كان
………
ليت ما كان ما كان
فا لحل المختبئ قد بان
وانفجر عليا البركان
ربما لأنه لي وجهان
وجه أن قلت لن أعشق بعد الآن
و آخر أن سقطت محب ولهان
وكدت أن أفرق بين حبيبان
مع أني أحب لم الشملان
و أن ينتشر الحب في كل مكان
و أرى المحبين في كل الأركان
أما عني فلم أكن قويا مثل الآن
فحل خير من حلان
وضوء حياتي قد بان
و عرفت نفسي في أي مكان
و أنقذت قلبي من الغرقان
اللهم ألهمني النسيان
لأعيش كأي إنسان
لست بشعري في استمالتك طمعان
فصدرك لا يحمل قلبان
و القلب لن يبشطر شطران
و أنا لن أفرق بين حبيبان
لذا فحبكي لا يعنيني بعد الآن
فأملي أن تعيشا سعيدان.
من بين الافكار قابلتني ذيا
قلت ندير حديدة تسهلي في لسفار
قلت نشوف الحاج لوكان يجبر فيا
يساعدني في عيشة لي تقطعو عنها لخبار
قالي كيفاش راهم عطاولي فيها مالية
ويلا عولت عليها كثرلي من الدينار
يلزملي كوراج في ذا القاضية
و أنا قتلو ايه بلا ما نكثر تفكار
تفاهمنا و خلاص رحنا للبلادية
سنينا لوراق كملنا المشوار
المشوار القدام و أنا ماني عارف حيا
وزحت للقاراج زاهي في لفجار
نلقاها عاطية بالروح وافاتها المانية
في حالة ضريرة رادمها القبار
حسيت بروحي طايح في وطية
كلي شرى بيبان بعد نباع الدار
يخي قلت خلاص زكارة في العدية
نرجعها لوكان نوادع لعمار
نبدا بالموتور في شاو البدية
كي عولت عليه قالو سعرو طار
وخدمت موتورها تلزملو مالية
وعياوني القاشي بكثرة التدبار
وبيا دعاوي الشر طحت في بولحية
ذكرو عندو موتور يشعل مثل النار
و انايا مسكين ما نعرف حية
ومانعرف ميكانيك نا أصلي صوار
و ماعرفتش كيفاه اتلعبت بيا
كي المل اللي دار الجنحين بلا ما طار
ركب الموتور و قعدت هيا هيا
تمشي متر القدام و ترجع ربع أمتار
رجعتها للقاراج قلت ياسر عليا
لخسارة ذيا و لا خساير كبار
ديتها لطولي في حالة ضريرة دونية
وفي بضعت ايام رجعت كلي خرجت من الدار
يحفظلي عباس سيد الطولية
يسشاعد في الخدمة و حتى في لسعار
جيتلها الميلود للخدمة الكهربائية
شريتلو باتري جديد نقويلو في التيار
و شريتلو لضواو التوالى و القدامية
و قتلو كي ندير الفار لازم تعود نهار
و ما كملش نهار و تلفت ليا
قالي هاهي كروستك صنعت الدار
دور المفتاح موتورها يحيا
ورالي القفلات اللي تقدي لنوار
ست شهر و موتورها حتى حيا
قا كيما حدثتك على الربع أمتار
سقسيت القاشي و جاها بولحية
و لي يخرج من عندها يخرج محتار
يخي بع ما ديت العطلة السنوية
وأحمد الميكانيسيا قا مسميا جار
ما عييتش ديتهالو قا ثم بدحية
ندحي نا و حبيبي خالد النجار
قالنا ذي ساهلة الدالكو خصتو حيا
قتلو نا كيفاه ذا لسع مادار
قالي شريلي كونداساتور من المركة ذيا
قلت نتبع الكذاب حتى الباب الدار
شريتلو كونداساتور مركة طيوانية
يخي ناض الموتور كي الساعة دوار
عقبت بيها أيام بالحالة ذيا
وقلت نريقل الصالون نفض عنها القبار
ديتها للخدام في صبحة و عشية
ريقلها و لات اوتيل فايف ستار
وجاني المهبول قالي اصنت ليا
عيشة تعبت من اللور لازمها تنصال
يلزمها كوراج و نصلو كل حية
لكن في الترجاع يسترها الستار
رفدناها على كريك عاوناه بحلية
سندناها على باري و طرف احجار
سما بسم الله و لبس الطابلية
و كي عدنا في التنصال احصلنا في البار
وكي طلينا عليه نلقاو البورونة ملوية
وما عندهاش الحل يلزمها منشار
خالد ينشر فيها حسيتها فيا
ينشر في البولون و هو زايد يقدار
و الله ياو ما نعاس مثل البانبيا
فرقة الانقاذ فوق روض صغار
يعاون يدي هذي و يجيب في ذيا
و للعقلة نروحو ونديرو مشوار
و ماننساش الهندي يعاون فيا
بالسوفاجة نتاعو دارلها الاشهار
يتبع في الليسيات حتى الابتدائية
ومخليني في القراج ننسف مثل السشوار
ياعيشة يهديك ما تقسايش عليا
باه نشريلك عمري أحسن قطع غيار
و مازلت عيشة في الحالة ذيا
قا تشوف السواردة يقبضها دوار
و مزالت السيسبونسيون القدامية
أفرح يا جيبي ما يبقالك دينار
هذي أخرت الي يعشق في حلية
مهما يخدم فيها يبقى ديما روطار
فو قيلها يا عيشة فبل لا ضيق بيا
و نجيبللك ضررة من نوع الجقوار
وتعشي في الركنة كلي مدعية
نحتاجك و نخرجك قافي أيام القبار
ياك حجيتي البيت ياذا المبلية
قولي لي وعلا ش ليه ذا التزيار
و لا يجيك نهار و تردي عليا
و تقليلي راني واجدة ياله للوعار
هز صحابك يلا حبيت ثمنية
نصادو و نزهيك كلي شي ما صار
ويلا حبيت أترد أخلفها فيا
أحرث عليا خدمني في المطار
( تقرير عن مشاركة سيئة )، و الموجودة أسفل كل مشاركة .
2008-11-09, 20:43
أرجو التثبيت شعر من تاليفي صوت صفير البلبل
العرض العادي
