موضوع صغير ثم عتاب على الجنس اللطيف

[لأجل الجزائر]

اليوم نتكلم على موضوعين في موضوع واحد
إنتي ولا أنت ديما لما ندردشوا وخاصة الجنس اللطيف ديما أو لازم نجبدو سيرت إما العمل ولا الزواج لكن هل في يوم سألتي نفسك ولا سألت نفسك هل أنت أهل أن تكون زوجا وأنتي هل أنت أهل أن تكوني مثل ما يقولها المصري ست بيت هل تعتقدين أنك راح تكوني مثل أمك مثلا هل تعتقدين أنك راح تكوني مثالية وهل تعتقد أنت أنك راح ترفد على ظهرك المسؤولية تاع بيتك أكلهم وشربهم و تربيتهم إلخ.....
في نفس كل واحد منا إ حساس من حقو يحتفظ بيه لنفسو لكن أبدا مايلوم القدر و الزهر لأن القدر يعرف لمن يمد لأنو الله تعالى هو اللي يسير فيها وهو أعلم
أما بالنسبة إلي أنا مانيش ضد الزواج لكن نشترط أنو يكون بعد الإختيار ومن حق البنت أن تختار وإذا ماجابش ربي المكتوب بلاش منها لأنو راني نشوف شي نساء عايشين باش يعيشو وتعيش مع زوج هو في الأصل ماكانش عاجبها علاش عليك هذا لأني اليوم تحدثت مع صديق حكالي على بنت عمو قالي راهي تزوجت لفرنسا قلتلوا كل شيئ مبروك لكنوا للأسف هو عمروا 42 سنة وهي 26 سنة قولولي يرحم الوالدين واش من تجانس وتوافق بينهم
زيد على هذا السنة اللي فاتت جاني إبن خالتي مع واحد الشاب لكن في الحقبقة ماكانش شاب كان في عمرو حوالي 40 سنة جا ء من فرنسا باش يتزوج منا من البلاد المهم هو جاء ليحضر عرسا ويخير واش عجبوا وكأننا في سوق المواشي
طرحت سؤال على هذا الخاطب قلتلوا كيفاش عايش في الغربة وعمرك أكثر من 40 سنة ومازال ماتزوجت لم يرد على بكلمة وتبسم في وجهي .
المهم فيما بعد علمت أنو تزوج من قبل لاأعلم كم من السنوات لكنه تزوج ببنت صغيرة حوالي 18 سنة كانت قد نجحت الباكالوريا وبغات تروح تكمل الدراسة في فرنسا دارتوا قنطرة كملت الدراسة على ظهروا و أصبحت طبيبة مختصة فبي الأشعة بعدها طلقاتوا لأنو هو يعمل لحام وهي طبيبة بحكم المحكمة لكن أنا مانلومهاش لأنو كان يحوز على الزين وهي تحوس على مخروجها لكن قولولي كيفاش المرأة تقدر تعيش مع واحد وتكون زوجة له وهي لاتحمل في قلبها المحبة العقيقة لزوجها كيفاش تقدر تعاشره وهي ماتحبوش وتسميو رواحكم جنس لطيف صدقوني أنتم جنس لطيف لما تتكلحوا تقال لكم هاذي الكلمة لكنكم جنس يعرف بشكل كبير واش تحوسوا ويكمن تتنازلوا عن هذا اللقب متى تكون هناك فرصة أفضل و إذا كنت غالط فهموني ولكن ماتقولولي هاذي حالة فردية لأنني نعرف حالات بالعشرات .

[*جوداء*]

السلام عليكم

صحيح كل الكلام الذي قلتو اخي لكن اذا شفنا للنية اولا اذا كان الزوج نيتو المصلحة اكيد رايح يلقى فالسوق واحدة تحوس على المصلحة..اما اذا كان يبحث عن الزوجة الصالحة اكيد ربي مش رايح يضيعو ورايح يعطيه على قد نيتو ..
البيت الصالح يبنى على النية الصالحة واسسه تكون صحيحة وواضحة اما الذي يبنى على الطرق الملتوية فينتهي بطرق ملتوية
وربي يعطي كل واحد على قد نيتو

[لأجل الجزائر]

المشاركة الأصلية كتبت بواسطة *جوداء*

السلام عليكم

صحيح كل الكلام الذي قلتو اخي لكن اذا شفنا للنية اولا اذا كان الزوج نيتو المصلحة اكيد رايح يلقى فالسوق واحدة تحوس على المصلحة..اما اذا كان يبحث عن الزوجة الصالحة اكيد ربي مش رايح يضيعو ورايح يعطيه على قد نيتو ..
البيت الصالح يبنى على النية الصالحة واسسه تكون صحيحة وواضحة اما الذي يبنى على الطرق الملتوية فينتهي بطرق ملتوية
وربي يعطي كل واحد على قد نيتو

أنت واااااااااااااااااااااااااعرة بزااااااااااااااااااااااف
وعندك الصرف حاضر يعطيك الصحة نقولك إيه كلامك هو الكبير
مانقدرلكش

[opto]

كما تدين تدان......لكن الله غالب كاين اخرين معندهمش الزهر...بالاك ربي حب يبتليهم.....وحاجة المصلحة هادي كاينة من بكري

[serine.fly]

: Ecoutez monsieur,,, ce que dit le Bon Dieu au CORANT

"...الطيبات للطيبين والطيبون للطيبات..." سورة النور
فما من داع لكثرة التفكير فيما هو حاصل للخلق , لانك لن تنال الا وجع الراس, هذا على ادنى تقدير,,,,
salamalikom.

[فتـ حييةـاة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟الله يجيب الخير

[شموخ الونشريس]

قال الله تعالى{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ} [النور: 26].

[ikramm]

كما قالت اخت جوداء السوق واحدة كما ان هناك نساء تبحث عن المصلحة هناك رجال بالمثل و اكثر
في المرة القادمة عندما تعالج موضوع عالجه من كل الجوانب و تطرق لجميع عناصر الموضوع .

[asma_83]

لكل منا قناعاته

[لأجل الجزائر]

المشاركة الأصلية كتبت بواسطة ikramm

كما قالت اخت جوداء السوق واحدة كما ان هناك نساء تبحث عن المصلحة هناك رجال بالمثل و اكثر
في المرة القادمة عندما تعالج موضوع عالجه من كل الجوانب و تطرق لجميع عناصر الموضوع .

حاضر طلباتك أوامر لكن ماتزعفيش علي