هذه وصفة رائعة وخاصة اللي يحبو البدنجان
المكونات
حبات بدنجان
2 حبات بصل صغر
4سنات ثوم
بهارات ملح فلفل كمون
زعتر
زيت
لحم مرحي
رز
حبات بادنجان غسليهم وعمليلهم شقة علي شكل طريق طويل اكيد فهمتوا
حطيهم في الفور يتشواو في الفور بقشورهم ثم خرجيهم علي طول وحطيهم في سنيوة تع الكوشة
من جهة ثانية قلي البصل+ الثوم +فلفل + ملح+ فلفل عكري + كروية +طماطم مسكرفجة طبعا بعدما يتقلى البصل والتوم و جيدا حطي الطماطم وشوية زعيترة ملعقة صغيرة طوماطيش مصبرة وكاس ما وخليه يطيب
في مقلي قلي حبة بصل صغيرومع 2 سنات ثوم مع اللحم المرحي وحطي نفس التوابل اللي حطيتيهم في الصوص الاول وقليه مليح حتى يطيب اللحم وماديريش الماء
في الاخير بملعقة عمري حبات البدنجان بخلطة اللحم المفروم ثم صبي الصلصة في الجوانب وماتقيسيش البدنجان من فوق فقط تكون الصلصة حوالي 1.5 ستنيم تحت البدنجان ثم ضعي الفرماج المسكرفج فوق حبات البدنجان وحطيها في الفور باش تتحمر ولا يدوب الفرماج برك لان كل شيئ طايب
في طنجرة ضعي شوية زيت حتي تسخن ضعي كوب من الشعرية او لسان العصفور حتي يحمار خلطيه ثم ضعي الرز المغسول فوق الشعرية وخليه 5 ثواني وليس دقايق يتقلا معاه ثم ظيفي الماء البارد فوق الروز حيث يكون الماء 1سنتيم فوق الروز ديري شوية ملح + حبة جومبو والا عندك حب الهال حطي 3 حبات واللي ماعندهاش ماديرش
وكي يغلي اول غلية نقصي الفورنو تماما شمعة يعني وغطي الطنجرة بورق قصدير وزيدي لغطي ديالها وخليه يطيب علي نار قليلة تقريبا 20 دقيقة وكي تخلطي باش تشوفي الا طاب شدي فرشيطة وقلبي بشوية الجوانب
في صحن مسطح ضعي الرز في الجنب ثم ضعي حبة من البدنجان في الجنب الاخر وشوية صلصة
المهم في الصينية خلي كمية الصوص كيما تحبي
وعلابالي راح تعجبكم بزاف بزاف بزاف وكل ما تشروا البدنجان راح طيبوها بهذخ الطريقة ان شاء الله
وبصحتكم
( تقرير عن مشاركة سيئة )، و الموجودة أسفل كل مشاركة .
2013-02-14, 22:40
بذنجان من مطبخي
العرض العادي
