نادي الشرطة 2011

algerien002 · 2011-09-18, 19:00

اخواني السلام عليكم ارتايت فتح هده الصفحة الجديدة لكي تكون متنفسا للاخوة المترشحين في كافة مراتب سلك الشرطة وتبقى الصفحات الاخرى للجديد فقط وهنا توضع الاشكالات والاطروحات والنقد البناء
هنا نفرغو قلوبنا هدا هو الستاد تاع الزوالي
ونرجو من الاخ زين الدين احترام اقتراحي وان يبقي على الموضوع حيا يعيش بامن و سلام
فرغ قلبك يا الزوالي المنسي

mizouhamza · 2011-09-18, 19:26

متي يتم الاعلان عن مسابقة جديدة

algerien002 · 2011-09-18, 19:45

اظن بداية جانفي 2012 بداية السنة المالية الجديدة

Bourouba22 · 2011-09-18, 20:04

أنا ما نحبش نكتب بصح والله يا أخي algerien002 غير راك هايل انت صح تحكي من قلبك راني كي نقرى و اش راك تكتب نقول هذا يحكي على حالتي وينطق بلساني و ان شاء الله الكريم رانا نتلاقو في الصومعة...او كيما يقو الأخ amine42 راني مرضت بقاع الامراض مرضونا الله امرضهم كرهة دوسي انتاع سكنة قالولي ما تسالش دوسي تاع خدمة قالك دير الطابور (لاشان......................ههههههههههههههههههههه) ربي افرج علينا هذا ما نقوللكم

algerien002 · 2011-09-18, 20:09

اقتباس:

المشاركة الأصلية كتبت بواسطة Bourouba22

أنا ما نحبش نكتب بصح والله يا أخي algerien002 غير راك هايل انت صح تحكي من قلبك راني كي نقرى و اش راك تكتب نقول هذا يحكي على حالتي وينطق بلساني او كيما يقو الأخ amine42 راني مرضت بقاع الامراض مرضونا الله امرضهم كرهة دوسي انتاع سكنة قالولي ما تسالش دوسي تاع خدمة قالك دير الطابور (لاشان......................ههههههههههههههههههههه) ربي افرج علينا هذا ما نقللكم

ربي يعيشك الاخ bourouba22 الهم خلانا نحكو والله غير مرضونا ربي ينجحنا ان شاء الله ونتلقاو في الستاج نستحقوا رجال فحولة كيما انتم يا bourouba22

zaki10 · 2011-09-18, 20:12

كين منها تجديد السورسي في لونكات

mizouhamza · 2011-09-18, 20:12

اقتباس:

المشاركة الأصلية كتبت بواسطة algerien002

اظن بداية جانفي 2012 بداية السنة المالية الجديدة

لكن لمادا هده السنة هي متأخرة هكدا ؟؟؟؟؟؟؟؟

algerien002 · 2011-09-18, 20:17

راهم يقارعو اصحاب نعم ولا --- البرلمانيين--- الدورة الخريفية باش يصادقوا عليها
انا نظن الدورة الخريفية تاع هدا العام رايحيين اما يخرفونا ولا نرجعوا خرفان باش نرجعو غنم نعوضوا النقص في القطاع مع العيد الاضحى راه على الابواب

mizouhamza · 2011-09-18, 20:22

اه شكرا أخي بارك الله فيك بالتوفيق لك و لجميع المسلمين

algerien002 · 2011-09-18, 20:28

اقتباس:

المشاركة الأصلية كتبت بواسطة zaki10

كين منها تجديد السورسي في لونكات

السورسي اللي حطيتو في الدوسي اول مرة هداك هو الصح حتى في لونكات تديه هو لانه ادا نجحت السورسي مايكون عندو ولا مفعول لان سلك الشرطة هو اللي يهتم بالامر مع مراكز الخدمة الوطنية ربي ينجحك الاخ zaki

Bourouba22 · 2011-09-18, 20:35

اقتباس:

المشاركة الأصلية كتبت بواسطة zaki10

كين منها تجديد السورسي في لونكات

لا يا أخي 100%

algerien002 · 2011-09-19, 23:20

اخواني كاين اخ يسال على نتائج مهندسي الطيران فوت في drh كاش واحد عندو معلومة يفيد بها اخينا moh31

mamfort · 2011-09-20, 16:18

السلام عليكم ورحمة الله
اخواني ... قد جاءني استدعاء عاجل الي مديرية الموارد البشرية طلب مني فيه كشف النقاط للسنوات الدراسية الأربعة في الجامعة ... إن شاء الله يكون فيها خير ... هل هناك من تم استدعاؤه أيضا ؟؟؟!!! ... مع العلم أني مترشح في سلك ضباط الشرطة للنظام العمومي.

algerien002 · 2011-09-20, 16:22

اقتباس:

المشاركة الأصلية كتبت بواسطة mamfort

السلام عليكم ورحمة الله
اخواني ... قد جاءني استدعاء عاجل الي مديرية الموارد البشرية طلب مني فيه كشف النقاط للسنوات الدراسية الأربعة في الجامعة ... إن شاء الله يكون فيها خير ... هل هناك من تم استدعاؤه أيضا ؟؟؟!!! ... مع العلم أني مترشح في سلك ضباط الشرطة للنظام العمومي.

واش مكتوب في الاستدعاء بالتفصيل
لانني انا مديتلهم كشف اربع سنوات relevé globale

algerien002 · 2011-09-20, 16:32

يا اخواني لمن يريد ان يعرف علاش راهم دايرين الروطار اليوم في صفحة الشروق الثالثة ويقرى مشروع قانون المالية 2012 الدي ما زال لم يصادق عليه الا بعد الدورة الخريفية للدئاب في الغرفة البرلمانية /// مصاصي الدماء والبزناسية /// فالنتيجة يا اخواني لن ترى النور الا بعد المصادقة.