ادخلو وضحكو بزاااف

miloud madrid · 2011-08-15, 22:51

-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.

-واحد مجنون ولدت مرتوا توام جن رجلها وقالها شكون اب الطفل الثاني

-واحد مجنون حلق الموستاش دخل على صحابوا قالهم تصدقوا ماعرفتكمش

-واحد كذاب ادعى بلي راح لمكة يحج سقساه واحد قالوا واش شفت في الحج قالوا ابى جهل راكب bmw ماتركيل 49 عام 2012

قالك واحد لبس كوستيمة فور , وخرج برة يمشي , دار فيها قارو نسيم , جازت
عليه واحدة شابة بزاف , خبأ القارو في الجيب وهو شاعل , المهم شعلت فيه
النار جاتو هذ الشابة وقاتلو _ خو راك تشعل _ يعني راك تشتعل ,,, قالها :
خوك ديما يشعل <<< عندبالو قالتو راك تشعل بالنظافة

جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟

قالك أيا واحد كل يوم يريح في القهوة ,و كل يوم تجوز عليه وحدة يشوف معاها
وتشوف معاه , بقاو على هذي الحال عام , وحد النهار شافها مع واحد راح ليها
قالها اللي بيناتنا أنسايه

زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "

واحد خرج من مستشفى المجانين , يخدم حلاق , أيا جاء ال****ون الأول , كي بدا يحففلو , سقصاه : تستحق وذنك ؟؟
ال****ون يحسبوا يضحك معاه "اعتقد أنه يمزح " : قالو لا , المهبول قطع أذن
ال****ون ورماها في الخارج , ال****ون مات من الرعب , عاود سقصاه : تحتاج
الأذن الأخرى ؟, ال****ون قالوا برعب ايه , الحلاق قطعها واعطاهالو

الأول : لدي ذاكرة قوية أي شيء يدخل في رأسي لا يخرج
الثاني : وكيف نسيت المال الذي أقرضته لك
الأول : هذا دخل جيبي ولم يدخل رأسي

واحد طويييييل شرب حليب ومبعد مات , علاش ؟ الحليب انتهت مدة صلاحيته قبل ما يوصل لكرشو

قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح

miloud madrid · 2011-08-15, 22:52

أيا قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "

miloud madrid · 2011-08-15, 22:56

. هذي الحكاية حكاها الرئيس بوتفليقة
وحد السيد قال لبوتفليقة : علاش ما نديروش حاجة في العلم الوطني انتاعنا
كيما في العراق دايرين الله أكبر و في السعودية دايرين لا اله إلا الله ,
قالو بوتفليقة واحنا واش نديرو ؟ قالو نديرو " الله غالب "

miloud madrid · 2011-08-15, 22:59

واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا

miloud madrid · 2011-08-15, 23:06

-قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

نصرالدين. · 2011-08-16, 00:48

هههههههههههههههه

شكراااا

silya28 · 2011-08-16, 02:01

هههههههههههههههههههههـ عجبتني هاذي

زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "

miloud madrid · 2011-08-23, 23:26

قالك جماعة ....... لعبوا لعبة الاختفاء من 1962مازادوش ظهروا

miloud madrid · 2011-08-23, 23:27

قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات
قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)
**********
قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية

عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا

miloud madrid · 2011-08-23, 23:35

خابط واقف قدام داره سالو شرطي
انت من اهل البيت ؟
رد عليه الخابط(السكران)
لا انا من كفار قريش

miloud madrid · 2011-08-23, 23:39

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف
روحو في لمرايا وقال: هيه... قلتلها نوضيني نوضت خويا