::bfff it is Only in my algeria

أم الشهداء · 2011-10-07, 20:13

السلام عليكم ورحمة الله تعالى وبركاته
كيف احوالكمـــ طلاب بكالوريا 2012
آآمل أن تكونوا جميعكم بخير
و أن لا يكون الخوف قد بدأ بسيطرته على نفسيتكمــ

صراحة ...

لحد الآن لم اسجل من جهة أن فكرة التسجيل لم تشغل بالي إلا قبل ساعات
ومن جهة ثانية أنني لاحظت أن الأغلبية يواجهون مشكلة في التسجيل

وهذا ماحصل لي عندما قررت صبيحة اليوم في المبادرة لكن العملية انتهت بعدم تمكني من فعل ذلك رغم تعدد المحاولات

مما ارتابتني بعض الافكار في عدم التمكن من التسجيل و انتهاء الفترة المحددة و بالتالي عدم اجتياز الشهادة

فما العمــ’’ــــل ؟

'' عصر التكنولوجيا في الجزائر

وماذا عنكم هل سجلتم ؟؟

’’’,,,’’’

سلام

noussaiba2007 · 2011-10-07, 20:20

ci normal alaf nas tsagal ana l3am li fa akthar men 10 fois chofi wa9t matkonech les suber 7alin

أم الشهداء · 2011-10-07, 20:23

اهاا يعني أنك متحصلة على شهادة البكالوريا
’’

على العموم مشكورة أختاه على المرور

بالاضافة غلى انك ناديتني من قبل في احدى مواضيعي و اعتقد أنك بحاجتي مممم !!!؟؟

,,’’’,,,’’

سلاام

نرجس العطرة · 2011-10-07, 20:43

السلام عليكم
ياجماعة انا ماعلابلي بوالو علي التسجيلات هادا وين سمعت من عندكم خبروني كيفاش ندير انا كنت اظن انو هادي مهمت الادارة نتاعنا وهي الي لازم تخبرنا بامستجدات لانو كاين بزاف تلاميذ ماعندهمش امكانييات التسجيل وكاين الي يغلط وكاين وكاين علابيها انتوما شكون الي قالكم روحو سجلو في النت المدير ديالكم اجيبوني وافيدوني بمعلومات الله يجازيكم

أم الشهداء · 2011-10-07, 20:49

سلام أخت نرجس
بالتأكيد الادارة من أخبرتنا بالتسجيل و قد نشرت اعلان في الثانوية عن كيفية التسجيل
بالاضافة إلى أن مدير ثانويتنا خصص حصة في شرح الكيفية و ما يخص من وثائق الملف

kamela · 2011-10-07, 21:24

اختي انتي على الاقل الموقع نفتحلك
انا منذ بداية التسجيلات و هي la charge sur le site
وهذا يعني ان الموقع لا يتحمل نسبة كبيرة من الزوار يليق تقارعي لل 2 تاع صباح باش ينفتح هكذا و في شك

نرجس العطرة · 2011-10-07, 21:25

هاكذا اذن لكن احنا لااحد اخبرنا بالامر لا المدير ولا احد كل ما طلبه منا ف بداية السنة وثائق كشهادة الميلاد من اجل التسجيل بصح ما ذكرش التسجيل في النت ابداا هل علي ان اسءل ام ماذا للعلم صديقتي اخبرتني انه ابنة اختها اخطءت العام الماضي في التسجيل في النت وماجاهاش الاستدعاء في اخر السنة

نسيم الليل · 2011-10-07, 21:39

اقتباس:

المشاركة الأصلية كتبت بواسطة kamela

اختي انتي على الاقل الموقع نفتحلك
انا منذ بداية التسجيلات و هي la charge sur le site
وهذا يعني ان الموقع لا يتحمل نسبة كبيرة من الزوار يليق تقارعي لل 2 تاع صباح باش ينفتح هكذا و في شك

ماينفتح ني صباح ني ليل

انا نضت على ال 5 تاع الصباح باه نتسجل و لقيت نفس المشكل

عجبااا

أمينة1994 · 2011-10-07, 21:55

تكنولوجيا آخر زمن ........... جاو يطوروا رجعوا اللور بقرون

أنا الموقع ينفتح ونبدأ نسجل عادي ....... أنا نكتب اسم المستخدم ونمر للكود وهو يرجعني لاسم المستخد حاولت بشحال من اسم........ درت اسمي ’ قلبتوا ’ شقلبتوا ’ زدتلوا أرقام ’ كتبت جغبيلة مي محبش

وفي الأخير استسلمت رايحة نروح للسيبار نمدلوا 10 آلاف وشهادة الميلاد وهو يتكفل بكل شيء

علاه نقلق روحي

نصيحتي ليكم شوفي كاش واحد سبيسياليست

ربي يوفقنا ويهدينا أجمعين

kamela · 2011-10-08, 06:26

اقتباس:

المشاركة الأصلية كتبت بواسطة نسيم الليل

ماينفتح ني صباح ني ليل

انا نضت على ال 5 تاع الصباح باه نتسجل و لقيت نفس المشكل

عجبااا

الامر يحدث معكي ايضا

مزية مرانيش وحدي
نتونس بيك

أَمــُ ღـير المٌنتَـــღــدَى · 2011-10-08, 09:37

أنا سجلت في 01-10-2011 ههههههههههههههه قبل مايعقهانا في الليسي كامل

نصـف عضويّـة · 2011-10-09, 18:23

بلاد العجب ماتدي منها والوو لا ربح لا سيدي زكري

قال تكنولوجيا قال

بن بوزيد هذا وجماعتوو مايجيبوهاش على خير

تبا

kader 13 · 2011-10-09, 19:11

أنا سجلت و غلطت راني حد الآن مزدتش سجلت وتاني حني عدنا الإدارة ما زال مقلتناش على التسجيلات

جينان الفردوس · 2011-10-09, 19:58

انا تانى مزال مسلجتش كل مرة نجى نسجل نلقى بروبلامات موقع ميتفتحش و ............ الخ وش نديرو هد ي هي دزاير تاعنا

tima94 · 2011-10-09, 20:08

heyyyy fahmouni rani hors 7na ma9alolna walo f lycée 3la tasjil sur net :/ !!!! c nécessaire ou pas !!*