طلب من كل الاخوات الخبيرات فى الطبخ

[مليكة01]

السلام عليكم

ربما طلبى غريب منكن و لكن بحكم حبى للمنتدى و اعضائه و لاننى اجد فى اغلب الاحيان المساعدة اطلب منكم اليوم هذا الطلب


لدى مناسبة مقبلة سوف يكون فيها عدد كبير من المدعوين انا احسن الطهى لتسعة او عشرة افرادو بشكل جيد لكن لم اتعلم يوما الطهى بكمية كبيرة هذه المرة انا مضطرة لتعلم ذلك خاصة فى غيابى امى
واستعمال قاعدة مضاعفة المقادير لم تنجح لى جربتها مرة و لن اكررها


و لهذا السبب اطلب من الاخوات الخبيرات و رجاءا من الخبيرات او يمكن سؤال امهاتكن و اكون شاكرة لكن جميعا


اريد معرفى كيفية و المقادير لكمية كبيرة من الشربة او الحريرة او جلبانة او لوبيا ماشطو


انا متؤكدة من استجابتكن لمساعدتى و اتمنى ان يفتح موضوع شامل لمشكلة الطبخ فى الولائم الكبرى حتى نتعلم فالكثيرات تتقدم فى هذه المناسبات بخدماتهن وتكون النتيجة فى الاخير ماكلة سامطة و خسارة كبيرة
شكرا لكن جميعا لاننى اطلت عليكن

[مليكة01]

لدى الكثيرات من الاقارب اللواتى يتقن ذلك و لكن لديهن مناسباتهم عمرات و اعراس و اللى مريضة اريد ان اعتمد على نفسى هذه المرة و اتعلم بمساعدتكم على الاقل تكون لدى فكرة عن اسرار الطبخ لمجموعة كبيرة فانا ماهرة فى الطبخ


مشكلتى اننى اخاف المغامرة ولم اتابع مرة هذه العملية حتى اتعلمها من امى ففى كل المناسبات اكون مشغولة بصناعة الحلوى او بالتنظيف او حتى باستقبال المدعوين و خدمتهم لكن اليوم انا مصرة على تعلم الطبخ

فهل من مجيب خذوا كل وقتكم لاجابتى بشكل دقيق

[ام ظافر]

انا رايت الكثيرات من السيدات يطبخن في الاعراس وقلن لي ان سر البنة هو اللحم الجيد والبصل تكثريه قد ما تقدري هذا على الكسكس والشخشوخة وووالمعجنات اما الحريرة يضاعفو معاها الخضر وخاصة طماطم تاع الحب
ولاحظت ان ماكلة واحد السيدة بنينة بزاف وقالتلي كي تقلي اللحم مع البصل ديما زيديلو شوي فلفل قرون حار وشوي طماطم حب وما تخافيش قليهم يعطيو بنة للحم وللمرق ودارت في ماعون العرس الكبير جدا الي يرفد فريسة كاملة تاع اللحم دارت 2 قرون فلفل حار و3 حبات طماطم وما جاتش المرقة لاحارة ولا حمرا وكان طيابها جد بنين
وفي شربة الفريك اظافت في الاخير شوي نعناع يابس اعطى نكهة مميزة ولالالالالازمك الطماطم تاع العلب المصبرة تكون من النوع الجيد هي الي تتحكم في بنة الشربة
اماعلى اللوبيا ماشطو طيبيها عادي وفي الاخير ارحي بالمهراس جيدا عقدة وارميها واطفي النار وغطي على القدر هذه العقدة مفعولها مثل السحر وتتكون من(شوي دبشة يعني قصبر خضر وشوي ثوم) هرسيهم مليح مع ذرة ملح وشوي طماطم تاع الحب خاطي المصبرة اضيفيها مرحية على الثوم والدبشة و خلطي مليح واظيفي على اللوبيا بعد ما طيب وخلي زوج دقايق وطفي النار مهما كانت الماكلة تاعك هذه العقدة تبننها
تكلمت لك اختي على سر البنة الهايلة لاني حظرت للعراس وكل الطباخات يطيبو الاكل بكمية كبيرة ولكن ماشي كامل ماكلتهم بنينة
لذلك اعتمد على الاخوات حتى يعطيوك الكمية لاننا ما نطيبوش في الاعراس حنا اللوبيا او الحريرة نطيبو غير شربة فريك والكسكس او الشخشوخات بكل انواعها
ربي يعاونك وتفوت صايبتك على خير

[ناشدة الفلاح]

السلام عليكم و رحمة الله و بركاته
عندي لك بعض النصائح أختي ونتمنى تفيدك
بالنسبة للمقادير الأفضل تكون "عينك ميزانك" لأن مضاعفة المقادير تنجح أكثر في الحلويات
بالنسبة للشربة حطي قرن فلفل حار- خليه مغلق باه ما تكونش حارة- أو 2 حسب الكمية و كرفس حسب الرغبة مباشرة قبل ما ترمي الفريك، و بالنسبة لكمية الفريك - نصيحة جدتي اللي جربتها- خلي برمتك تغلي مليح و حطي الفريك بالتدريج، لما تشوفيه يتقلب يعني تشوفي المرقة تطلع ممزوجة بفريك و هي تغلي يعني الكمية مناسبة
بالنسبة للوبيا الأفضل تعمليها بدجاج ، و بعد مل تطيب زيدي طماطم محكوكة و ثوم و الأفضل تكثري منهم.
إذا حسيتي الطماطم حامضة زيادة في أي طبق- سواء حب أو مصبرة- زيدي كمية قليلة سكر
تبقى الحريرة اسمحيلي عزيزتي في منطقتنا ما نديروهاش يعني ما نقدرش نفيدك فيها

و كيما قالت أختي أم ظافر البصل دايما يزيد في بنة الطبق و هو الأساس، و بما أنك طباخة ماهرة الله يبارك طيبي كيما موالفة و ما تخافيش، بالتوفيق