غدوا عيد ميلاد بنتي أسيل عآونوني

[nadjet boumaraf]

السلام عليكم حبيباتي في أكتوبر درت عيد ميلاد إبني آدم ومعرفتش نخدم الحلوى وشريتهآلوا ...والله بسخفت حتى انا ندير قآطو خآص لولدي آدم وبنتي أسيل رغم إنشغالاتي دايما نحىآول أنوا نكون ام مليحه لولادي رغم كل الظروف
وبما انوا غدوا عيد ميلاد بنتي الأول6 جانفي 2015 دير عآم ونقصلها شعرها ونديرلها عشآء هكدا عاداتنا وزيد حبيت نخدملها القاطوا بيدي ونزينو كيما نحب بصح عىونوني ربي يجآزيكم كل خير هكا باه غدوا كي ندير عرضة تكون شآبة بيكم
أني روحت من الخدمة نجري باه نلحق بكري ونكتبلكم باه تردولي بالخف

الجينواز لقيتوا مكتوب عندي وبغيت نشوركم فيه صحيح ولا لا ← 4 بيضآت نصف كأس سكر كأس فرينة 1 خميرة 1 فاني وبشور ليمون
التزيين لازم تعاونوني كيفاه نخدم كريمة الزبدة هديك ...المهم دبروا عليا أنا ماعليا غير نتبعكم ونخدمهآ
وادعولي ربي يسهلي

[fayza81]

انا في عيد ميلاد بنتي الاول جربت طورطة بييس مونتي لام رامي لكن انا درتها طبقة وحدة و التزيين درت طريقة اخت نسيت اسمها عملت طورطة لوالدها والله لحمرتلي وجهي مع الضيوف البنة فوق الروعة و زدت خدمت من عندها شكولا محشية فووووور و زدت درت مادلين زينت بكريم شونتي علو شكل ايسكريم
ربي يعاونك
وكل عام وبنتك بصحة العافية وعقبال 100 عام

[fayza81]

https://www.djelfa.info/vb/showthread...D8%E6%D1%D8%C9

https://www.djelfa.info/vb/showthread...D8%E6%D1%D8%C9

هذي الوصفة لدرتها


نحضر جينواز ب 6 بيضات + كاس سكر + كاس فرينة + نص كاس نشاء + فاني وخميرة كيميائية + نص فنجان زيت
نخفق البياض مع نصف كمية السكر
ونخفق الصفار مع النص الثاني للسكر ونضيف الزيت ونواصل الخفق + الفاني
ثم نضيف النشاء ونخلط المزيج مليح الصفار + البياض
ثم نقسم الخليط على اثنين
الجزء الاول نضيف اليه 3 ملاعق كبيرة فرينة + نص كيس خميرة كيميائية ونطهيه
ولما يطيب نضيف للجزء الثاني ملعقتين كبيرتين فرينة + ملعقة كبيرة كاكاو + نص كيس خميرة كيميائية ونطهيه
نقسم كل جينواز على اثنين ونشربهم بمربى مخفف بعصير برتقال

ثم نحضر كريم شانتي وحدها ومربى + شكولا مذوبين وحدهم
نبدا كل قرصة بيضاء ندهنها بالشانتيي ونتاع الكاكاو ندهنها بالمربى والشكولا ونحطهم فوق بعضهم بالتناوب حتى نخلص
نخلط شكولا مع علبة ياورت ذوق شكولا ونغطي الكيكة ونزينها بالكريم شانتي والسيقار
-----------------------------------------
***********************************
و كاين هذي اخذت منها التزيين بكريمة الليمون


مقادير تحضير الجينواز:
10 حبات بيض
300غ سكر
300غ فرينة
خميرة كيميائية
فانيليا

مقادير تحضير كريمة الزبدة:
paquet de sucre glace
500غ مارغرين طرية
كاس ماء
كاس زيت
الفانيليا

مقادير تحضير السيرو:
2 كيسان ماء
كاس سكر

مقادير تحضير كريمة الليمون:
100غ مارغرين ذائبة
2صفار بيض
ربع كاس سكر
ربع كاس عصير الليمون


بالنسبة لتحضير الجينواز:

أنا عملت 2 كيكات جينواز يعني قسمت المقادير إلى 2 وطيبت كل واحدة وحدها
(اسمحولي طيبت الجينوازتين فالليل باش ما يفيقش بيا الوالد زعما عملتها مفاجأة ماكانش عندي وقت باش نصور)

نخلط الصفار والسكر وحدهم ونضرب بياض البيض حتى يتكاثف ثم نخلطهم مع بعض ونسير الفرينة من فوق مع الخلط حتى نتحصل على عجينة تشبع عجينة الموسكوتشو

طيبتهم مدة 15د


تحضير كريمة الزبدة:


نخلط السكر الناعم مع الفانيليا وكاس ماء بالخلاط الكهربائي


نضيف كاس زيت مع مواصلة الخلط


نضيف المارغرين مقطعة إلى قطع ونخلط جيدا حتى نكمل جميع قطع المارغرين فنتحصل على كريمة متماسكة

تحضير كريمة الليمون:


نضع في كسرونة: صفار البيض+سكر+عصير الليمون+مارغرين ذائبة


نضع الكاسرونة فوق النار وبعدما تعقد نطفي عليها الفرن

تحضير الكعكة:


نحط الجينوازية فوق قالب ونشربوها بالسيرو ونطليها بكريمة الزبدة


نطلي أطراف الجينوازية بكريمة الزبدة


نحط الجينوازية الثانية فوق الأولى ونشربها بالسيرو مثلما عملنا فالمرة الأولى ونطليها بكريمة الزبدة


نرش أطراف الجينوازية باللوز المرحي يمكنك تزيينها أيضا بالفارميسال أو الحاشية التي تباع


نزين الكعكة بكريمة الزبدة





راهي شابة بلا مانزيدو نزينوها والا واش رايكم


نفرغ كريمة الليمون فوق الكعكة




زينتها بحبيبات الشكلاطة كل واحدة ولمستها في التزيين




وفي الأخير نكتب بالشكلاطة عيد ميلاد سعيد

العائلة كامل عمبالهم مشرية وكامل عجبتهم ما خلا فيها والو في دقيقة كانت ترفدت

رأيكم حبيباتي مع العلم أن هذه أول مرة ليا مع la patisserie

مقياس القالب اللي طيبت فيه الجينوازيتين وعملت فوقو الحلوى "لي راه مبين فالصور"
25سم على 32سم

[nadjet boumaraf]

شكرا فايزة ربي يخليك ويعطيك وش تتمناي عاونتيني ربي يجازيك كل خير إن شاء الله نقراهم كامل باه ندير