عجوزتي حاوزتني من الدار و انا نافس؟؟؟؟

ksvdklove · 2011-09-22, 19:00

المشكلة تاعي هي انو عجوزتي تتدخل في كل حاجة اسمحولي يا امهات واش راني رايحة نهدر بصح والله العظيم غير راني نقول الحق
عجوزتي كلما نكون نتناقش مع الزوج ديالي تتدخل بدون اذن و تزيد الطين بلة دايمن تقولي هوا عندو الحق رغم انو يلحق يضربني قدامها و تقولي بلعي فمك النسا كامل ينضربو و يسكتو و يزيدو يتحاماو هي و الدار كامل
كل ما يدخل زوجي للغرفة الزوجية تدخل بدون استذان جامي سيات تصلح بيناتنا دايمن تعمرو عليا مادارتش مافعلتش رغم اني والله غير تقولي موتي نموت ديري ندير من النهار اللي رحت لعندها وهيا تعس فيا واش ندير ادا دخلت للمرحاض حاشاكم تعسني و خلي اللي تفتح عليا باب الغرفة تاعي بلا ما طبطب و كي تلقاني ماشي لابسة تقولي استري روحك ماتحشميش و انا في الغرفة تاعي ؟؟؟؟؟
و المليحة فيهم حاوزتني من الدار قدام راجلي و هوا ماهدر والو قالي وجدي حوايجك و اداني لدارنا و انا عندي 5 ايام ملي خرجت من فترة النفاس يعني يتمتلي وليدي في عمرو شهر و هادا كامل عجوزتي اختينا و تزيد تصلي النوافل
انا راني رايحة نهبل سورتو كي راجلي قالي نديك يامات و نرجعك قالتلو مانسحقهاش تولي لداري هادا كامل و انا والله مالحقتها بحاجة والله والله مادرتلها حاجة و كي جاو الاهل تاعي يسييو يصلحو بيناتنا حطتلهم سعدهم في يدهم و زادت قالتلهوم ماكاش الصلح و خلاص بيناتهم و زادت قالتلو ادا حبيتها يعني انا تبعها و روحو برا و انا وليدي قلتلكم في عمرو شهر
الحل؟؟؟؟؟؟؟

آثار طعنة · 2011-09-22, 19:10

الحل راجلك ايشوفلك سكن خاص ليكم ولا يكري دار

كون اتزيدي ترجعي راح تبقى المشاكل وباينة عجوزتك اصعيبة وراجلك ربي يهديه ضعيف شخصية

ksvdklove · 2011-09-22, 19:16

راجلي عديم الشخصية و انا مانزيدش نوريلها وجي حتى الممات مسحتلي كرامتي في الارض و هاكاك صبرت على وليدي و درت في بالي عندي راجل يوقف في كتافي فينالمون الراجل هاذا هو ابي و ماشي راجلي

صُبح الأندلس · 2011-09-22, 19:26

اشترطي عليه أن تسكني لوحدك لأن مثل هذه الحماة ستجننك لا ريب و ستتسبب في خراب بيتك عاجلا أم آجلا
عجبا لمن تزوج ابنها ثم تخرب عليه حياته !!!

sweetgril22 · 2011-09-22, 19:23

ربي يصلح احوالك اختي وماتقلقيش روحك والله قستيني بزاف وماشي حق اعليها وراجلك ماشي غير ماعندوش شخصية يسمع ليماه نورمالمو يقولها مكان مادخلك بيني وبين مرتي باسك حابتلك المشاكل مانعرف كيفاش صبرتي وزيدنافسة وداك لداركم والله عيب اعليه لوكان جيت منك تاخذي قرار يايدير حل ليك ولوليدك بلي ماترجيعش لدار يماه وهاذي اكيد باسك ترخسي روحك كي تولي واذا يحبك وحاب يرجعك يكري دار ولا يدبر راسو كيما تزوج بيك يدبر راسو بيك وكي يرجعك حطيلو شروط ديالك وماتبعتيش داركم ليها نتي اهدري معاه ولا باباك هدر مع الراجل وماتدخلوهاش فالوسط وربي يكون معاك عزيزتي ماتعمريش راسك وتمرضي في سبتها وراكي في داركم معززة مكرمة ماتهبطيش نيفو ديالك دوك يجي يحلل بلا مزيتو

يالطيف ع العباد يحبو غير المشاكل عايشين للمشاكل ربي يهدي ماخلق

عُضو مُحترم · 2011-09-22, 19:25

هل انتي مستعدة للطلاق و تيتيم ابنك؟؟؟؟؟

صُبح الأندلس · 2011-09-22, 19:29

اقتباس:

المشاركة الأصلية كتبت بواسطة *الفتى الصغير*

هل انتي مستعدة للطلاق و تيتيم ابنك؟؟؟؟؟

و لماذا لم يراع هو الله في زوجته و لم يراع أن له ابنا ؟
لماذا تظلم المرأة و يقال لها اصبري ؟ لماذا لا يقال للرجل ( سقم روحك ) ؟!!!

عُضو مُحترم · 2011-09-22, 19:37

اقتباس:

المشاركة الأصلية كتبت بواسطة * اعـتماد *

و لماذا لم يراع هو الله في زوجته و لم يراع أن له ابنا ؟
لماذا تظلم المرأة و يقال لها اصبري ؟ لماذا لا يقال للرجل ( سقم روحك ) ؟!!!

لن تفهمي هذا حتى يكون لكي اولاد

نرجس المنتدى · 2011-09-22, 19:50

ربي يهدي ولا يدي

عُضو مُحترم · 2011-09-22, 20:02

اقتباس:

المشاركة الأصلية كتبت بواسطة نرجس المنتدى

ربي يهدي ولا يدي

ربي يهدي و يصلح الاحوال افضل

ربما لم تعيشي مرارة اليُتم

و العيش بدون اب

sarl02 · 2011-09-22, 20:18

اقتباس:

المشاركة الأصلية كتبت بواسطة *الفتى الصغير*

لن تفهمي هذا حتى يكون لكي اولاد

ليس الوالدين دائما على حق اخي وهناك من خرب حياة اولاده جميعا ....والذي حصل لهذه الاخت لوكان اكيد فوالله لا يرضاه احد وان كان الطلاق لدرء المزيد من المفاسد فليكن الطلاق والظلم فليكن الطلاق هو الحل الامثل.

غصون الاسلام · 2011-09-22, 22:48

اقتباس:

المشاركة الأصلية كتبت بواسطة *الفتى الصغير*

لن تفهمي هذا حتى يكون لكي اولاد

اذا كان عندك اولاد لا يعني انك تتحكم بحياتهم

خلاص عاشو حياتهم يخليو اولادهم يعيشوا حياتهم الخاصة

او عاشو حياتهم و حبو يعيشو حياة غيرهم

خلاص

نورمالمو العجايز كي يكبرو يتلاهاو برواحهم و يسقمو علاقتهم بالله مش يزيدو الطين بلة و يحبو يعيشو دنيا اخرى

ام الزوج بطبعها تغير من الزوجة لانو تحس انها المفضلة لديه بعكس الذي انجبته و ربته

و الواحد يقول الحق انو الراجل كي يتزوج ينسى امه لكن كي ينزاد عندو اولاد يتفكرها

صُبح الأندلس · 2011-09-23, 08:23

اقتباس:

المشاركة الأصلية كتبت بواسطة *الفتى الصغير*

لن تفهمي هذا حتى يكون لكي اولاد

و هل لك أولاد أخي ؟

narimane1991 · 2011-09-22, 19:25

يارب يفرج همك ويثبتك علي الحق اختي اصبريواش نقولك كبري قلبك اني عارفه بزاف عليك مي اصبري الله غالب هادا مكتوبك وزيدي ديري دارك روحك انت واجلك وليدك وادا زوجك موش قادر اصبري عليه حتى يفرج ربي

نورالهدى** · 2011-09-22, 19:34

ماتقطعيش العلاقة مع راجلك مهما كان

اصبري حتى تفرج بدار وحدك

مي اهم حاجة بقاي متمسكة بزوجك

وادا كان ماعندوش شخصية صح استغلي الفرصة انتي وسيطري عليه وخليه يديرلك دويرة وحديكم