مشكلتي مع الشكولاطة البيضاء

[بسمة محبة]

السلام عليكم و رحمة الله و بركاته

انا مشكلتي مع الشكلاطة البيضاء لما نجي نذوبها ماتحبش تذوب و جربت نزيدلها القليل من الحليب ذابت نهائيا و محبتش تصلحلي قولولي كفاه تعملو معاها انتم و اذا جاوكم معاها مشاكل

و بارك الله فيكن

صحا فطوركم وعيدكم ان شاء الله

سلام.

[ام غيث]

ممكن يا اختي نوعية تاع الشوكولا ماشي مليحة

[بسمة محبة]

المشاركة الأصلية كتبت بواسطة ام غيث

ممكن يا اختي نوعية تاع الشوكولا ماشي مليحة

شكراا لك أختي ليس المشكل في نوعيتها راهي مليحة
خلاص راني صبت الحل المشكل ماكلنش في الشكولاطة المشكل في الطاوة لي ستعملتها رقيقة بزاف كي بدلتها بوحدة سميكة راحلي المشكل و ذابت وجات رائعة
بارك الله فيك
سلام.

[*أم كوثر*]

الحمد لله لي لقيتي الحل و دايما دوبيها في حمام مائي ماتحطيهاش على النار مباشرة و ابشريها احسن ومش رح تاخد وقت

[بسمة محبة]

المشاركة الأصلية كتبت بواسطة *أم كوثر*

الحمد لله لي لقيتي الحل و دايما دوبيها في حمام مائي ماتحطيهاش على النار مباشرة و ابشريها احسن ومش رح تاخد وقت

شكراا بارك الله فيك
وهو كذلك أنا دايما نذوبها في الحمام المائي هذه المرة الوحيدة لي صعابتلي لكن الحمد لله

شكراا و جزاك الله كل خير

صحا فطوركم

سلام.

[أم هنيدة]

أختي ان كنت تقصدين شكولاطة القلاساج وليس علب أعطيك فكرة وهي انه لما تخسرلك لا تضيفي اليها الحليب ولكن اصنعي سيرو كما الشاربات وأضيفيه لها هذه نصيحة احدى الحلواجيات

[راجية غفران ربها]

أختي قريت في أحد المنتديات أنك تحطي في حمام مريم شوية ملح و تضعي الطاوة لي فيها الشوكولا فوقو و الله أعلم

[مريم البتول1]

جيبي حمام مائي ضعيه فوق النار ومن بعد جيبي صحن زجاجئ حطيه فوق الحمام المائي ومن بعد ضعي الشكلاتة في الصحن الزجاجي واضيفي القليل من الحليب والزبدة

[al ikhlasse]

il faut la mettre dans un bain marie

[رحيق الايمان]

اول مرة نستعملها في العيد شريت نوعية رفيعة و ماحبتش تذوبلي درت الحليب ذابت خلاص وليت نزيد في الشوكولا بالشوي حتى تحصلت على الي نحوس عليها ومن ثم حددت كمية الكليب ووين تذوب نبقى نخلط يسمى ما نحيهاش طول من الحمام المائي

[sahar84]

من تعرف خبز المطلوع خفيف وباين فيه الثقب من العجن