وين رانا رايحين

[المبتغية لمرضاة الله]

السلام عليكم اخواني اخواتي وصح عيد الجميع

احببت اشارك اليوم في موضوع حيرني والله من شدة الاسى على حال شبابنا ومر واقعنا

ربي يهدي الجميع قولوا

ا

م

ي

ن

اليوم وللاسف الشديد شبت مناوشات في الحي الذي اقطن به بحيث كانت هناك شابة صغيرة في العمر

هي يتيمة الاب تمشي في الطريق العودة لبيتها بعد ما اشترت الخبز لاهلها

فاذا بشاب يعاكسها في الكلام ويطيحلها في القدر تجاهلاتو وكملت طريقها ولكن بقى يصر على ذلك

ردت عليه ومر بجانبهم شاب اخر من الحي قالو قادر روحك احشم على عرضك

بدات هنا المناوشات الكلامية امتدت للصراع بالايدي راح الشاب المعاكس لبيتو وعيط على اخوتو وتهجمو على الشاب

والبنت بضربات متتالية للراس لولا ستر الله لكانت الكارثة الكبرى

والغريب في الامر انو ولا واحد من الواقفين تحرك ساكن واخذوا موقف المتفرج وعبارة ما عندنا مادخلنا

لوين رايحين بهذه العقلية والله ظلم وعيب كبير

غاضتني بزاف البنت لما خارت قواها من شدة الضرب وصرخت باعلى صوتها واش هذه الحقرة

راني يتيمة على خاطر ما عنديش ابي لي يدافع عليا على هذا حتى واحد ما تحرك فيكم

والله صوتها مزال في اذني لي حاسب روحو راجل بعد سماع هذه الكلمات سكت ودخل لبيتو وعلامات الذل والخزي بادية على وجهو

ربي يحفظ ويستر من دعوة المظلوم

ربي يهدي الجميع امين يا رب العالمين

((تعليقاتكم))