السلام عليكم ورحمة الله تعالى وبركاته
انا عندي طريقة لطبخ الملوخية تجيني هايلة تحطي اللحم في القدر +الزيت +الملح+الفلفل اسود+راس الحانوت+بصلة مفرومة+ثوم مفروم+حبة طماطم مفرومة+ملعقة كبيرة طماطم معجونة وتقلي مليح بعدها تمرقيها بماء ساخن وتخلي الكل يغلى من جهة اخرى تكوني فرغتي الملوخية الي عندك في صحن غامق وتخلطي معاها الزيت حتى تصبح جارية نوعا ما بعدها تضيفيها للمرق اللي يغلى وتبقاي تحركي بدون توقف حتى ينسجم الخليط وتبقاي تحركي لانها سهلة الالتصاق وادا لصقتلك راح تفسدلك اما المدة اللي لازمها حتى تنضج جيدا من ساعة الى ساعة ونصف وممكن اكثر وكي تدوقيها لازم ما تلقايهاش لزجة في لسانك وباه تعرفيها بلي بدات تنضج تلقاي الزيت بدا يخرج من فوق انا هدي هي طريقتي والله اعلم واللي عندها اضافة على طريقتي او طريقة اخرى تفيدنا بيها ومارانا في هدا المنتدى الرائع الا لتبادل الخبرات فيما بيننا والملوخية نحضرو معاها الكسرة ماء وملح ونطيبوها في الطاجين الاملس تاع البغرير دوق رائع فعلا وشهية طيبة.
( تقرير عن مشاركة سيئة )، و الموجودة أسفل كل مشاركة .
2011-09-01, 19:52
ارجوكم اطلب مساعدة في طبخ المولوخية مع الشرح المفصل
العرض المتطور
