المدرسة العليا للتكنولوجيا ام المدرسة التحضيرية علوم و تقنيات

freeman QLB · 2011-08-23, 16:15

السلام عليكم
لقد تم توجيهي الى المدرسة العليا للتكنولوجيا لانني اريد اكمال الدراسة في شعبة الميكانيك ,, ما هي الدرسة الافضل لدراسة هذه الشعبة ؟ المدرسة العليا للتكنولوجيا ام المدرسة التحضيرية علوم و تقنيات ؟ و اذا اردت التحويل الى المدرسة التحضيرية هل يتم قبولي فيها ( مع العلم ان معدلي يسمح بذلك)

(~ ..أســـامة .. ~ ) · 2011-08-23, 16:38

يا خويا اقعد في المدرسة العليا للتكنولوجيا راك انتيك و اخطيك من المدرسة التخريبية نصيحة في وجه الله تخربلك حياتك

achour idoughi · 2011-08-23, 18:00

قعد كيما راك خويا

freeman QLB · 2011-08-23, 18:05

شكرا أخي
تخصص ميكانيك يعجبني في المدرسة متعددة التقنيات
و المدرسة العليا للتكنولوجيا ليس لدي معلومات كثيرة عنها

(~ ..أســـامة .. ~ ) · 2011-08-23, 18:14

اقتباس:

المشاركة الأصلية كتبت بواسطة freeman qlb

شكرا أخي
تخصص ميكانيك يعجبني في المدرسة متعددة التقنيات
و المدرسة العليا للتكنولوجيا ليس لدي معلومات كثيرة عنها

انا ناني كنت كيفك نبغي تخصص ميكانيك و هاد المدرسة التخريبية حطمتلي حلمي و ضيعتلي عام من حياتي

نصيحة ديها خويا تندم المدرسة العليا للتكنولوجيا جديدة و باينة حاجة فوور كيمافيهاش السنتين التحضيرية

سقسي قاع لقراو في المدارس التخريبية و دوك تفهم

ربي يوفقك خو

صح فطورك

ToRruu · 2011-08-23, 20:43

اقتباس:

المشاركة الأصلية كتبت بواسطة captain pilot

انا ناني كنت كيفك نبغي تخصص ميكانيك و هاد المدرسة التخريبية حطمتلي حلمي و ضيعتلي عام من حياتي

نصيحة ديها خويا تندم المدرسة العليا للتكنولوجيا جديدة و باينة حاجة فوور كيمافيهاش السنتين التحضيرية

سقسي قاع لقراو في المدارس التخريبية و دوك تفهم

ربي يوفقك خو

صح فطورك

السلام عليكم
علاش مسميها التخريبية ؟
لقد تم توجيهي اليها .. هل لهذه الدرجة ليس لها مستقبل ؟؟

youcef_99 · 2011-08-23, 20:51

ليس لانه ليس لديها مستقبل اخي الكريم لكن يجب ان تكون خباش من الكبار اكبر بمئة مرة على الباك
العام الماضي في تلمسان طردوا 187 واحد ليس لانهم لم يدرسوا بل لان الدراسة صعبة

EPST31 · 2011-08-23, 23:18

من المدرسة التحضيرية تاع وهران طلعوا 137 من أصل 386
بالنسبة لسؤالك ادا كان الواحد وفقوا ربي في المدارس التحضيرية فهي أحسن من المدرسة العليا للتكنلوجيا هدا على حساب رايي لانه احتمال كبير أن المدارس التحضيرية نظام كلاسيكي يعني تخرج مهندس دولة من المدارس العليا التي توجه لها المدارس التحضيرية

freeman QLB · 2011-08-24, 00:46

أخيEPST31
هل المشكل في التلاميد ام في المدرسة ؟؟؟ وهل من يدرس ينجح أم هناك حسابات أخرى؟؟؟

(~ ..أســـامة .. ~ ) · 2011-08-24, 03:21

اقتباس:

المشاركة الأصلية كتبت بواسطة EPST31

من المدرسة التحضيرية تاع وهران طلعوا 137 من أصل 386
بالنسبة لسؤالك ادا كان الواحد وفقوا ربي في المدارس التحضيرية فهي أحسن من المدرسة العليا للتكنلوجيا هدا على حساب رايي لانه احتمال كبير أن المدارس التحضيرية نظام كلاسيكي يعني تخرج مهندس دولة من المدارس العليا التي توجه لها المدارس التحضيرية

يا خويا العزيز مسمي روحك epsto31 و انت ماعارف والو على المدرسة تاع وهران
الله يهديك خو............... و الله حتى الطلاب ليجابوا عامهم و كارهين حياتهم ندموا لمخيروش حاجة اخرى

نسبة النجاح 34 بالمية و زيييد المستوى تاع الناجحين حمص كمون هههههه

مستوى تاع ثانوية ميعرفش حتى يعمل نقرير عمل تطبيقي وحدو في حين واحد دارس تكنولوجيا في الجامعة تاع تمنراست يخدمه وحده و الله الله

متكدبش على روحك المدرسة التخريبية وهران او الجزائر او عنابة مقبرة المتفوقين و هذا كلام الجميع داروها باش يحطوا فيها ولاد المساكين الاذكياء يعني النخبة الضحايا ليديرو النش على ولاد اصحاب الكراش الكبيرة في مكان اخر

فيق بروحك راك ضحية كيفي انا و بزاف ناس

و النظام الكلاسيكي هههههههههههه

دوك تديه بزاف كنت في الوزارة التعليم العالي العام الماضي قالنا مسؤول كبير ان الالمدي في المدارس التحضيرية كلها متستناوش المهندس دولة مبقاتش هاد الكلمة

و زيد واش دير بمهندس الدولة و قالك في 2012 يبدو يحلوا المناصب تاع الماستر برك يعني باي باي مهندس دولة يعادل ليسانس و زيد بعد 2014 لا وجود للماجستر في الوظيف العمومي او اي مطعم ههه

اذا راك تايخ في فخ تاعهم متزيدش تيح الناس الاخرين معاك

اللهم اني بلغت فاشهد

اعذرني صديقي خرجت لي في قلبي لانني تعذبت بزاف و غضبت بزاف

صح فطوركم

freeman QLB · 2011-08-25, 17:27

شكرا أخي
و صح فطوركم

mimi279 · 2011-08-25, 18:02

tbanli tema rak mil7 khouya, l'école préparatoire hadi ism bark, systèùe lmd kifek kima wahed f la faq, la seule différence hiya;
* ta3 la faq la semaine ga3 mriya7 w nta kolyoum te9ra men 08/00h hata 17/30h et par fois les samedi tani
* ta3 la faq yadi 3amou facilement w ntaya le9raya s3iba, programme chargé w à ça voir tadi 3amek
*kayen li makanch yahdar mème pas les cours w daw l 3am et par contre wahdine 7agrouhom
*ntaya jabt tn bac avec mention très b1 w f la fin terja3 lel la faq w tel9a wahed jabou b 10 f 2ème année w nta 1ère
w f la fin kifkif l'avenir nta t3abt bezaf 3la l'autre c tt

freeman QLB · 2011-08-25, 18:23

شكرا أختي
انا من صغري كنت حاب مدرسة متعددة التقنيات و لما وصل وقتنا بدلوها مدرسة تحضيرية وراك تشوف كامل راهم يسب فيها
و أنا بكل صراحة ما زولت نحب المدرسة متعددة التقنيات ولازمك تعدي التحضيرية باش تروحلها و هدا شيء ماعجبنيش
راني حاير
وصح فطوركم

mimi279 · 2011-08-25, 18:27

rani fahmatek, ga3 fotna 3la had lmar7ala, wach ngoulek, rabi ysahalek khouya w li fiha l khir rabi yjibha

freeman QLB · 2011-08-25, 18:34

rabi yfarajha nchalah